ଡ୍ୟୁଟି ପରେ ବସ୍ଙ୍କ କଲ୍କୁ ଅଣଦେଖା କରିପାରିବେ କର୍ମଚାରୀ
ନୂଆଦିଲ୍ଲୀ ୨୫।୦୮: ଡ୍ୟୁଟି ପରେ ଏଣିକି କର୍ମଚାରୀ ବସ୍ଙ୍କ ଫୋନ୍ କଲ୍କୁ ଅଣଦେଖା କରିପାରିବେ । ଅଷ୍ଟ୍ରେଲିଆରେ କର୍ମଚାରୀଙ୍କୁ ଏହି ଅଧିକାର ମିଳିଛି । କାମ ସମ୍ପର୍କିତ ମାନସିକ ସ୍ୱାସ୍ଥ୍ୟ ସମସ୍ୟାର ମୁକାବିଲା ଲାଗି ଅଷ୍ଟ୍ରେଲିଆ ସରକାର ଏହି ଆଇନ ଆଣିଛନ୍ତି । ଦ ଫେୟାର ୱର୍କ ଆମେଣ୍ଡମେଣ୍ଟ୍ (ସଂଯୋଗ ବିଚ୍ଛିନ କରିବାର ଅଧିକାର ବା ରାଇଟ୍ ଟୁ ଡିସ୍କନେକ୍ଟ) ଅଧିନିୟମ ଫେୟାର ୱର୍କ ଅଧିନିୟମ-୨୦୦୯ରେ ସଂଶୋଧନ କରିଛି । ଚଳିତ ବର୍ଷ ଫେବ୍ରୁଆରୀରେ ଦେଶର ସଂସଦରେ ଏହି ଅଧିନିୟମ ପାରିତ ହୋଇଥିଲା । ଆସନ୍ତା ୨୬ ତାରିଖ ଅର୍ଥାତ୍ ସୋମବାରଠୁ ଏହା ଲାଗୁ ହେବ । ସଂଯୋଗ ବିଚ୍ଛିନ କରିବାର ଅଧିକାର ବା ରାଇଟ୍ ଟୁ ଡିସ୍କନେକ୍ଟ ଆକ୍ଟ କର୍ମଚାରୀଙ୍କୁ ଡ୍ୟୁଟି ସମୟ ପରେ ବସ୍ଙ୍କ ସହ ସଂଯୋଗରୁ ରକ୍ଷା କରିବ । ଅର୍ଥାତ୍ ଅଫିସ୍ରେ କାମ ଶେଷ କରିବା ପରେ ବସ୍ଙ୍କ ଫୋନ୍ କଲ୍, ମେସେଜ୍ର ଜବାବ ଦେବାକୁ ଚାହୁଁନଥିବା କର୍ମଚାରୀଙ୍କୁ ଏହି ଆଇନ ସୁରକ୍ଷା ଦେବ । ଡ୍ୟୁଟି ସମୟ ପରେ ବସ୍ଙ୍କ ଫୋନ୍ କଲ୍ କିମ୍ବା ମେସେଜ୍ର ଉପଯୁକ୍ତ କାରଣ ନ ଥିଲେ, କର୍ମଚାରୀ ବସ୍ଙ୍କୁ ଅଣଦେଖା କରିପାରିବେ । ସଂସଦରେ ଏହି ନିୟମ ପାରିତ ହେବା ସମୟରେ କିଛି ବିରୋଧ କରିଥିଲେ । ଏଭଳି ନିୟମ ଲାଗୁ କରିଥିବା ଅଷ୍ଟ୍ରେଲିଆ ପ୍ରଥମ ଦେଶ ନୁହେଁ । ଫ୍ରାନ୍ସ ଓ ଜର୍ମାନୀ ସମେତ ଅନେକ ୟୁରୋପୀୟ ଦେଶରେ ଏହି ଆଇନ ରହିଛି । ଏହି ନି
ନୂଆଦିଲ୍ଲୀ ୨୫।୦୮: ଡ୍ୟୁଟି ପରେ ଏଣିକି କର୍ମଚାରୀ ବସ୍ଙ୍କ ଫୋନ୍ କଲ୍କୁ ଅଣଦେଖା କରିପାରିବେ । ଅଷ୍ଟ୍ରେଲିଆରେ କର୍ମଚାରୀଙ୍କୁ ଏହି ଅଧିକାର ମିଳିଛି । କାମ ସମ୍ପର୍କିତ ମାନସିକ ସ୍ୱାସ୍ଥ୍ୟ ସମସ୍ୟାର ମୁକାବିଲା ଲାଗି ଅଷ୍ଟ୍ରେଲିଆ ସରକାର ଏହି ଆଇନ ଆଣିଛନ୍ତି । ଦ ଫେୟାର ୱର୍କ ଆମେଣ୍ଡମେଣ୍ଟ୍ (ସଂଯୋଗ ବିଚ୍ଛିନ କରିବାର ଅଧିକାର ବା ରାଇଟ୍ ଟୁ ଡିସ୍କନେକ୍ଟ) ଅଧିନିୟମ ଫେୟାର ୱର୍କ ଅଧିନିୟମ-୨୦୦୯ରେ ସଂଶୋଧନ କରିଛି । ଚଳିତ ବର୍ଷ ଫେବ୍ରୁଆରୀରେ ଦେଶର ସଂସଦରେ ଏହି ଅଧିନିୟମ ପାରିତ ହୋଇଥିଲା ।
ଆସନ୍ତା ୨୬ ତାରିଖ ଅର୍ଥାତ୍ ସୋମବାରଠୁ ଏହା ଲାଗୁ ହେବ । ସଂଯୋଗ ବିଚ୍ଛିନ କରିବାର ଅଧିକାର ବା ରାଇଟ୍ ଟୁ ଡିସ୍କନେକ୍ଟ ଆକ୍ଟ କର୍ମଚାରୀଙ୍କୁ ଡ୍ୟୁଟି ସମୟ ପରେ ବସ୍ଙ୍କ ସହ ସଂଯୋଗରୁ ରକ୍ଷା କରିବ । ଅର୍ଥାତ୍ ଅଫିସ୍ରେ କାମ ଶେଷ କରିବା ପରେ ବସ୍ଙ୍କ ଫୋନ୍ କଲ୍, ମେସେଜ୍ର ଜବାବ ଦେବାକୁ ଚାହୁଁନଥିବା କର୍ମଚାରୀଙ୍କୁ ଏହି ଆଇନ ସୁରକ୍ଷା ଦେବ । ଡ୍ୟୁଟି ସମୟ ପରେ ବସ୍ଙ୍କ ଫୋନ୍ କଲ୍ କିମ୍ବା ମେସେଜ୍ର ଉପଯୁକ୍ତ କାରଣ ନ ଥିଲେ, କର୍ମଚାରୀ ବସ୍ଙ୍କୁ ଅଣଦେଖା କରିପାରିବେ ।
ସଂସଦରେ ଏହି ନିୟମ ପାରିତ ହେବା ସମୟରେ କିଛି ବିରୋଧ କରିଥିଲେ । ଏଭଳି ନିୟମ ଲାଗୁ କରିଥିବା ଅଷ୍ଟ୍ରେଲିଆ ପ୍ରଥମ ଦେଶ ନୁହେଁ । ଫ୍ରାନ୍ସ ଓ ଜର୍ମାନୀ ସମେତ ଅନେକ ୟୁରୋପୀୟ ଦେଶରେ ଏହି ଆଇନ ରହିଛି । ଏହି ନିୟମ ଅନୁସାରେ ଡ୍ୟୁଟି ସମୟ ପରେ କର୍ମଚାରୀ ସେମାନଙ୍କ ମୋବାଇଲ ଫୋନ୍ ବନ୍ଦ କରିପାରିବେ ।
