ତୃତୀୟ ପକ୍ଷ ୟୁପିଆଇ ଆପ୍ ଭାବେ କାର୍ଯ୍ୟ କରିବାକୁ Paytmକୁ ଅନୁମତି ଦେଲା ଏନପିଇସିଆଇ

ନୂଆଦିଲ୍ଲୀ,୧୪।୩: ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ (ଏନପିଇସିଆଇ) ମଲ୍ଟି ବ୍ୟାଙ୍କ ମଡେଲ ଅନ୍ତର୍ଗତ ଏକ ତୃତୀୟ ପକ୍ଷ ୟୁପିଆଇ ଆପ୍ ଭାବେ କାର୍ଯ୍ୟ କରିବାକୁ ପେଟିଏମକୁ ଅନୁମତି ପ୍ରଦାନ କରିଛି। ଏହି ଅନୁମତି ପେଟିଏମ୍ ପ୍ୟାରେଣ୍ଟ କମ୍ପାନୀ One97 କମ୍ୟୁନିକେସନ୍ ଲିମିଟେଡ୍ (ଓସିଏଲ) କୁ ମିଳିଛି।

ଚାରୋଟି ବ୍ୟାଙ୍କ-ଆକ୍ସିସ୍ ବ୍ୟାଙ୍କ, ଏଚଡିଏଫସି ବ୍ୟାଙ୍କ, ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ, ୟେସ୍ ବ୍ୟାଙ୍କ ପେଟିଏମର ପାର୍ଟନର ବ୍ୟାଙ୍କ ଯଥା ପେମେଣ୍ଟ ସିଷ୍ଟମ ପ୍ରଦାନକାରୀ (ପିଏସପି) ଭାବରେ କାର୍ଯ୍ୟ କରିବେ।

ଅଧିକନ୍ତୁ, ଏନପିଇସିଆଇ ପେଟିଏମକୁ ପରାମର୍ଶ ଦେଇଛି ଯେ ସମସ୍ତ ବିଦ୍ୟମାନ ହ୍ୟାଣ୍ଡଲ୍ ଏବଂ ଆଦେଶଗୁଡିକ ପାଇଁ ଆବଶ୍ୟକ ସ୍ଥଳେ, ନୂତନ ପିଏସପି ବ୍ୟାଙ୍କଗୁଡିକୁ ଶୀଘ୍ର ସ୍ଥାନାନ୍ତର କରୁ।

କିଛିଦିନ ତଳେ ଆରବିଆଇ ପେଟିଏମ୍ ପେମେଣ୍ଟ ବ୍ୟାଙ୍କରେ ନୂତନ ଗ୍ରାହକ ଯୋଡିବା ଉପରେ ପ୍ରତିବନ୍ଧକ ଲଗାଇବା ବ୍ୟତୀତ ନିର୍ଦ୍ଦେଶ ଜାରି କରିଛି ଯେ, ପେଟିଏମ୍ ପେମେଣ୍ଟ ବ୍ୟାଙ୍କକୁ ୨୯ ଫେବୃଆରୀ ୨୦୨୪ ପରେ କୌଣସି ଗ୍ରାହକ ଆକାଉଣ୍ଟ, ୱାଲେଟ୍ ଏବଂ ଫାଷ୍ଟାଗରେ ଜମା / ଟପ୍ ଅପ୍ କରିବାକୁ ଅନୁମତି ଦିଆଯିବ ନାହିଁ। କମ୍ପାନୀ କେବଳ ଏବେ ଅନ୍ୟ ବ୍ୟାଙ୍କ ମାନଙ୍କ ପାଇଁ କାର୍ଯ୍ୟ କରିବ, କିନ୍ତୁ ନିଜର ବ୍ୟାଙ୍କ ପାଇଁ କିଛି କରିପାରିବ ନାହିଁ।

ପେଟିଏମ୍ ପେମେଣ୍ଟସ୍ ବ୍ୟାଙ୍କ ଲିମିଟେଡ୍ (ପିପିବିଏଲ୍) ବିରୋଧରେ କାର୍ଯ୍ୟାନୁଷ୍ଠାନ ଏକ ବିସ୍ତୃତ ସିଷ୍ଟମ୍ ଅଡିଟ୍ ରିପୋର୍ଟ ଏବଂ ବାହ୍ୟ ଅଡିଟରଙ୍କ ପରବର୍ତ୍ତୀ ଅନୁପାଳନ ବୈଧତା ରିପୋର୍ଟ ଅନୁସରଣ କରି ନିଆଯାଇଛି।

The post ତୃତୀୟ ପକ୍ଷ ୟୁପିଆଇ ଆପ୍ ଭାବେ କାର୍ଯ୍ୟ କରିବାକୁ Paytmକୁ ଅନୁମତି ଦେଲା ଏନପିଇସିଆଇ appeared first on Dharitri Odia News.