ଦେଶକୁ ମିଳିବ ୧୦ ନୂଆ ବନ୍ଦେ ଭାରତ ଟ୍ରେନ୍‌, ସେପ୍ଟେମ୍ବର ୧୫ରେ ପ୍ରଧାନମନ୍ତ୍ରୀ ମୋଦି କରିବେ ଶୁଭାରମ୍ଭ

ଦେଶକୁ ମିଳିବାକୁ ଯାଉଛି ଆଉ ୧୦ଟି ନୂଆ ବନ୍ଦେ ଭାରତ ଏକ୍ସପ୍ରେସ ଟ୍ରେନ୍‌ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ନୂଆ ବନ୍ଦେ ଭାରତ ଏକ୍ସପ୍ରେସ ଟ୍ରେନ୍‌ଗୁଡ଼ିକୁ ସବୁଜ ପତାକା ଦେଖାଇ ଶୁଭାରମ୍ଭ କରିବେ । ସେପ୍ଟେମ୍ବର ୧୫ରେ ଦେଶର ବିଭିନ୍ନ ରାଜ୍ୟକୁ ୧୦ ବନ୍ଦେ ଭାରତ ଟ୍ରେନ୍‌ ମିଳିବ ।

ପିଏମ୍‌ ମୋଦି ଝାଡ଼ଖଣ୍ଡର ଜାମ୍‌ସେଦପୁରରୁ ଏହି ଟ୍ରେନ୍‌ଗୁଡ଼ିକୁ ଶୁଭାରମ୍ଭ କରିବେ । ପ୍ରଥମ ଥର ପାଇଁ ଏକସାଥୀରେ ୧୦ ବନ୍ଦେ ଭାରତ ଟ୍ରେନ୍‌ର ଶୁଭାରମ୍ଭ କରାଯିବ । ଏହା ପୂର୍ବରୁ ମୋଦି ମୁମ୍ବାଇ-ଗୋଆ ବନ୍ଦେ ଭାରତ ଏକ୍ସପ୍ରେସକୁ ସବୁଜ ପତାକା ଦେଖାଇଥିଲେ । ବର୍ତ୍ତମାନ ଏହି ୧୦ ବନ୍ଦେ ଭାରତ ଦେଶର ବିଭିନ୍ନ ରେଳ ଷ୍ଟେସନରୁ ଗଡ଼ିବ ।

ଦେଶର ଯେଉଁ ରାଜ୍ୟକୁ ବନ୍ଦେ ଭାରତ ଟ୍ରେନ୍‌ ମିଳିଛି, ସେଗୁଡ଼ିକ ହେଲା, ଝାଡ଼ଖଣ୍ଡ, ବିହାର, ପଶ୍ଚିମବଙ୍ଗ, ଓଡ଼ିଶା, ଆନ୍ଧ୍ର ପ୍ରଦେଶ, ମହାରାଷ୍ଟ୍ର, ତେଲଙ୍ଗାନା, କର୍ଣ୍ଣାଟକ, ଛତିଶଗଡ଼ ଏବଂ ଉତ୍ତର ପ୍ରଦେଶ ।

The post ଦେଶକୁ ମିଳିବ ୧୦ ନୂଆ ବନ୍ଦେ ଭାରତ ଟ୍ରେନ୍‌, ସେପ୍ଟେମ୍ବର ୧୫ରେ ପ୍ରଧାନମନ୍ତ୍ରୀ ମୋଦି କରିବେ ଶୁଭାରମ୍ଭ appeared first on KNews Odisha.