ନିର୍ବାଚନୀ ବଣ୍ଡ ଉପରେ ରୋକ୍ ଲଗାଇଲେ ସୁପ୍ରିମକୋର୍ଟ, ନିର୍ବାଚନ ପୂର୍ବରୁ କେନ୍ଦ୍ର ସରକାରଙ୍କୁ ବଡ ଝଟକା

ନୂଆଦିଲ୍ଲୀ: ଲୋକସଭା ନିର୍ବାଚନର ପ୍ରାୟ ୨ ମାସ ପୂର୍ବରୁ ସୁପ୍ରିମକୋର୍ଟରୁ କେନ୍ଦ୍ର ସରକାର ଏବଂ ସମସ୍ତ ରାଜନୈତିକ ଦଳ ଗୁଡିକୁ ବଡ ଝଟକା ଲାଗିଛି । ସର୍ବୋଚ୍ଚ ନ୍ୟାୟାଳୟ ନିର୍ବାଚନ ବଣ୍ଡ ସ୍କିମକୁ ଅସାମ୍ବିଧାନିକ ଦର୍ଶାଇ ତତ୍କାଳ ପ୍ରଭାବରୁ ଏହା ଉପରେ ରୋକ୍ ଲଗାଇଛନ୍ତି । କୋର୍ଟ କହିଛନ୍ତି ଏହି ସ୍କିମ ସୂଚନା ଅଧିକାର ଆଇନ(ଆରଟିଆଇ)ର ଉଲ୍ଲଂଘନ କରୁଛି । କେବଳ ଏତିକି ନୁହେଁ ଏସବିଆଇକୁ ମାର୍ଚ୍ଚ ୬ ସୁଦ୍ଧା ଜମା ହୋଇଥିବା ସମସ୍ତ ନିର୍ବାଚନୀ ବଣ୍ଡର ସୂଚନା ଦେବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି ।

ସୁପ୍ରିମକୋର୍ଟରେ ନିର୍ବାଚନୀ ବଣ୍ଡର ବୈଧତା ଉପରେ ପ୍ରଶ୍ନ ଉଠାଇ ୪ଟି ଯାଚିକା ଦାୟର ହୋଇଥିଲା । କୋର୍ଟ ଗତ ବର୍ଷ ଅକ୍ଟୋବରରେ ଏହା ଉପରେ ଶୁଣାଣି କରି ନଭେମ୍ବରରେ ରାୟ ସଂରକ୍ଷିତ ରଖିଥିଲେ । ଆଉ ଆଜି ନିର୍ବାଚନୀ ବଣ୍ଡ ସ୍କିମର ଉପରେ ନିଷ୍ପତି ଶୁଣାଇଛନ୍ତି ସୁପ୍ରିମକୋର୍ଟ । ପ୍ରଧାନ ବିଚାରପତି ଡୱାଇ ଚନ୍ଦ୍ରଚୂଡ କହିଛନ୍ତି, ଖଣ୍ଡପୀଠର ନିଷ୍ପତି ଏକମତ ରହିଛି । ମାମଲାରେ ଦୁଇଟି ନିଷ୍ପତି ହୋଇଛି ଯାହାର ନିଷ୍କର୍ସ ଗୋଟିଏ ରହିଛି ।

ସୁପ୍ରିମକୋର୍ଟ କହିଛନ୍ତି, ସରକାର ଏହି ଯୋଜନାରେ କଳା ଧନ ଉପରେ ରୋକ୍ ଲାଗିବ ବୋଲି କହିଥିଲେ । ମାତ୍ର ଏହା ଲୋକଙ୍କ ଜାଣିବାର ଅଧିକାର ଉପରେ ପ୍ରଭାବ ପଡୁନାହିଁ । ଏହି ଯୋଜନା ଆରଟିଆଇର ଉଲ୍ଲଂଘନ କରୁଛି । ସରକାର ଦାନଦାତାଙ୍କ ପରିଚୟ ଗୋପନୀୟ ରଖିବା ଜରୁରୀ ବୋଲି ଦର୍ଶାଇଲେ । ମାତ୍ର ଏଥିରେ ଆମେ ସହମତ ନୁହେଁ ବୋଲି ପ୍ରଧାନ ବିଚାରପତିଙ୍କ ନେତୃତ୍ୱାଧୀନ ୪ ଜଣିଆ ପୀଠ କହିଛନ୍ତି ।

କୋର୍ଟ କହିଛନ୍ତି, ନିର୍ବାଚନୀ ବଣ୍ଡ ଅନୁଚ୍ଛେଦ 19 1(a) ଆଧାରରେ ଲୋକଙ୍କୁ ଜାଣିବାର ମୌଳିକ ଅଧିକାରକୁ କ୍ଷୁର୍ଣ୍ଣ କରୁଛି । କିନ୍ତୁ ପ୍ରତ୍ୟେକ ଚାନ୍ଦା ସରକାରୀ ନୀତିର ଉଲ୍ଲଂଘନ ପାଇଁ ଉଦ୍ଦିଷ୍ଟ ନୁହେଁ । ରାଜନୈତିକ ଆକାଂକ୍ଷା କାରଣରୁ ମଧ୍ୟ ଲୋକେ ଚାନ୍ଦା ଦେଇଥାନ୍ତି । ଏହାକୁ ସାର୍ବଜନୀନ କରିବା ଉଚିତ୍ ନୁହେଁ । ଏଥିପାଇଁ ଛୋଟ ଚାନ୍ଦାର ସୂଚନା ସାର୍ବଜନୀନ କରିବା ଭୁଲ୍ ଅଟେ । କୌଣସି ବ୍ୟକ୍ତିଙ୍କ ରାଜନୀତିକ ଦଳ ପ୍ରତି ଅନୁକମ୍ପା ରହିବା ତାହା ତାଙ୍କର ମୌଳିକ ଅଧିକାର ଅଟେ ।

ସୁପ୍ରିମକୋର୍ଟ ନିଷ୍ପତିଙ୍କ ବଡ କଥା

ନିର୍ବାଚନୀ ବଣ୍ଡ ସ୍କିମ ଅସାମ୍ବିଧାନିକ
ନିର୍ବାଚନୀ ବଣ୍ଡ ସ୍କିମ ଆରଟିଆଇର ଉଲ୍ଲଂଘନ କରୁଛି ।
ଇନକମ ଟ୍ୟାକ୍ସ ଆକ୍ଟରେ ୨୦୧୭ରେ କରାଯାଇଥିବା ପରିବର୍ତନ ଅସାମ୍ବିଧାନିକ ।
ଜନପ୍ରତିନିଧି କାନୁନରେ ୨୦୧୭ରେ ହୋଇଥିବା ପରିବର୍ତନ ମଧ୍ୟ ଅସାମ୍ବିଧାନିକ
କମ୍ପାନୀ ଆକ୍ଟରେ ହୋଇଥିବା ପରିବର୍ତନ ମଧ୍ୟ ଅସାମ୍ବିଧାନିକ ।
ଏସବିଆଇ ସମସ୍ତ ପାର୍ଟିକୁ ମିଳିଥିବା ଚାନ୍ଦାର ସୂଚନା ମାର୍ଚ୍ଚ ୬ ତାରିଖ ସୁଦ୍ଧା ନିର୍ବାଚନ ଆୟୋଗକୁ ଦେଉ ।
ନିର୍ବାଚନ ଆୟୋଗ ମାର୍ଚ୍ଚ ୧୩ ପର୍ଯ୍ୟନ୍ତ ଏହି ସୂଚନା ନିଜର ୱେବସାଇଟରେ ପ୍ରକାଶିତ କରୁ ।

The post ନିର୍ବାଚନୀ ବଣ୍ଡ ଉପରେ ରୋକ୍ ଲଗାଇଲେ ସୁପ୍ରିମକୋର୍ଟ, ନିର୍ବାଚନ ପୂର୍ବରୁ କେନ୍ଦ୍ର ସରକାରଙ୍କୁ ବଡ ଝଟକା appeared first on Odisha.News.