ନୂଆ ଦଳ ଦଳ ଗଢ଼ିବେ କି ଏଲନ ମସ୍କ ? 'X'ରେ ଦେଲେ ବଡ଼ ସଙ୍କେତ

ନୂଆଦିଲ୍ଲୀ: ଟେସଲା ଏବଂ ସ୍ପେସଏକ୍ସର ସିଇଓ ଏଲନ ମସ୍କ ଏବଂ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମଧ୍ୟରେ ତିକ୍ତତା ବଢିବାରେ ଲାଗିଛି। ଉଭୟଙ୍କ ମଧ୍ୟରେ ଜାରି ରହିଛି ବାକ୍ ଯୁଦ୍ଧ। ଏହି ସମୟରେ ଆମେରିକାରେ ଏକ ନୂତନ ରାଜନୈତିକ ଦଳର ଆବଶ୍ୟକତା ବିଷୟରେ ଏକ ବଡ଼ ବୟାନ ଦେଇଛନ୍ତି ମସ୍କ। ଏଲନ ମସ୍କ ତାଙ୍କ ସୋସିଆଲ ମିଡିଆ ପ୍ଲାଟଫର୍ମ X ରେ ଏକ ପୋଲ କରିଥିଲେ। ଯେଉଁଥିରେ ସେ ପଚାରିଥିଲେ ଯେ ଆମେରିକାରେ ଏକ ନୂତନ ରାଜନୈତିକ ଦଳ ଗଠନ କରାଯିବା ଉଚିତ କି ନାହିଁ ? ବର୍ତ୍ତମାନ ସେ ଏହି ପୋଲ୍‌ର ଫଳାଫଳ ପ୍ରକାଶ କରିଛନ୍ତି ଏବଂ କହିଛନ୍ତି ଯେ- ୮୦% ଲୋକ ସମର୍ଥନରେ ଭୋଟ ଦେଇଛନ୍ତି।

ମସ୍କ X ରେ ଲେଖିଛନ୍ତି ଯେ ଜନସାଧାରଣ ତାଙ୍କର ରାୟ ଦେଇଛନ୍ତି, ଆମେରିକାରେ ଏକ ନୂତନ ରାଜନୈତିକ ଦଳ ଆବଶ୍ୟକ, ଯାହା ମଧ୍ୟମ ୮୦% ଲୋକଙ୍କ ପ୍ରତିନିଧିତ୍ୱ କରେ ଏବଂ ଠିକ୍ ୮୦% ଲୋକ ଏହାକୁ ସମର୍ଥନ କରିଛନ୍ତି। ଏହା ପରେ, ସେ ଅନ୍ୟ ଏକ ପୋଷ୍ଟ 'ଦି ଆମେରିକା ପାର୍ଟି' ଲେଖିଛନ୍ତି।

ସୋସିଆଲ ମିଡିଆରେ ମସ୍କ ଏବଂ ଟ୍ରମ୍ପଙ୍କ ମଧ୍ୟରେ ବାକ୍ ଯୁଦ୍ଧ ତୀବ୍ର ହୋଇଥିଲା। ମସ୍କ ଟ୍ରମ୍ପଙ୍କୁ ଟାର୍ଗେଟ କରି ଲେଖିଥିଲେ ଯେ ମୋ ବିନା ଟ୍ରମ୍ପ ନିର୍ବାଚନ ହାରିଯାଇଥାନ୍ତେ। ଏହା ପରେ ସେ ବେଇମାନି ବୋଲି ଉଲ୍ଲେଖ କରିଥିଲେ।

ସେପଟେ ଟ୍ରମ୍ପ୍ ପାଲଟା ଆକ୍ରମଣ କରିଛନ୍ତି। ସୋସିଆଲ ମିଡିଆରେ ମସ୍କଙ୍କୁ ଦେଶଦ୍ରୋହୀ ବୋଲି କହି ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯାଇପାରେ ବୋଲି ଚେତାବନୀ ଦେଇଛନ୍ତି। ସେ କହିଛନ୍ତି ଯେ ବଜେଟ୍‌ରେ କୋଟି କୋଟି ଡଲାର ସଞ୍ଚୟ କରିବାର ସହଜ ଉପାୟ ହେଉଛି ଏଲନ୍ ମସ୍କଙ୍କ ସରକାରୀ ସବସିଡି ଏବଂ ଚୁକ୍ତିନାମାକୁ ବନ୍ଦ କରିବା। 

ମସ୍କଙ୍କ ଦ୍ୱାରା ସୁପାରିଶ କରାଯାଇଥିବା ଆମେରିକା ପାର୍ଟି ଏପର୍ଯ୍ୟନ୍ତ କେବଳ ଏକ ଧାରଣା। କିନ୍ତୁ ଏହାକୁ ଆମେରିକୀୟ ରାଜନୀତିରେ ଏକ ନୂତନ ଯୁଗର ଆରମ୍ଭର ସଙ୍କେତ ଭାବରେ ଦେଖାଯାଉଛି। ବିଶେଷକରି ଯେତେବେଳେ ମସ୍କଙ୍କ ସୋସିଆଲ ମିଡିଆ ପହଞ୍ଚିବା ଏବଂ ପ୍ରଭାବ ଦିନକୁ ଦିନ ବୃଦ୍ଧି ପାଉଛି। ପ୍ରକାଶଥାଉକି ମେ ୩୦ ତାରିଖରେ ଡୋନାଲ୍ଡ ଟ୍ରମ୍ପ ଏବଂ ଏଲନ ମସ୍କଙ୍କୁ ଏକାଠି ଦେଖିବାକୁ ମିଳିଥିଲା। ଉଭୟ ପରସ୍ପରକୁ ଧନ୍ୟବାଦ ଦେଉଥିବାର ଶୁଣିବାକୁ ମିଳିଥିଲା।