ପିତାଙ୍କ କବର ନିକଟରେ ପୋତି ଦିଆଯିବ ମୁଖତାର ଅନସାରୀଙ୍କ ମୃତଦେହ

ଲକ୍ଷ୍ନୌ,୨୯।୩: ପୂର୍ବତନ ବିଧାୟକ ମୁଖତାର ଅନସାରଙ୍କର ଗୁରୁବାର (୨୮ ମାର୍ଚ୍ଚ) ବିଳମ୍ବିତ ରାତିରେ ହୃଦଘାତରେ ମୃତ୍ୟୁ ହୋଇଛି। ତାଙ୍କ ମୃତ୍ୟୁ ପରେ ସାରା ରାଜ୍ୟରେ ଧାରା ୧୪୪ ଲାଗୁ ହୋଇଛି। ଗାଜିପୁରର ମହମ୍ମଦାବାଦର କାଲିବାଦ କବରସ୍ଥାନରେ ମୁଖତାର ଅନସାରୀଙ୍କୁ କବର କରାଯିବ।
ମୁଖାର ଅନସାରୀଙ୍କ ପୁଅ ଓମାର ଅନସାରୀ ବାନ୍ଦା ମେଡିକାଲ କଲେଜ ହସପିଟାଲରେ ପହଞ୍ଚିଥିଲେ, ଯେଉଁଠାରେ ମୃତକଙ୍କ ମୃତଦେହ ପୋଷ୍ଟମର୍ଟମ ପରେ ତାଙ୍କୁ ହସ୍ତାନ୍ତର କରାଯିବ। ଶୁକ୍ରବାର ନମାଜ ପରେ ମୁଖତାର ଅନସାରୀଙ୍କ ମୃତଦେହ ବାନ୍ଦା ମେଡିକାଲ କଲେଜରୁ ବାହାର କରାଯିବ। ଏହା ପୂର୍ବରୁ ବିଳମ୍ବିତ ରାତିରେ ଗାଜିପୁରର ଡିଏମ ଏବଂ ଏସପି ଶ୍ମଶାନକୁ ଯାଞ୍ଚ କରିଥିଲେ। ସୂଚନାନୁସାରେ, ଅନସାରୀଙ୍କୁ ତାଙ୍କ ପିତା ସୁଭାନୁଲ୍ଲା ଅନସାରୀଙ୍କ କବର ପାଖରେ ସମାଧି ଦିଆଯିବ।

ଇତିମଧ୍ୟରେ ମୁଖତାର ଅନସାରୀଙ୍କ ବଡ ଭାଇ ସିବଗାତୁଲ୍ଲା ଅନସାରୀ କହିଛନ୍ତି ଯେ ତାଙ୍କ ମୃତ୍ୟୁ ବିଷୟରେ ପ୍ରଶାସନ ତାଙ୍କୁ ସୂଚନା ଦେଇ ନାହିଁ। ମାର୍ଚ୍ଚ ୧୮ଠାରୁ ସେ ବହୁତ ଅସୁସ୍ଥ ଥିଲେ ଏବଂ ତାଙ୍କୁ ଚିକିତ୍ସା ମିଳୁ ନ ଥିଲା। ମାର୍ଚ୍ଚ ୨୫ ରୁ ୨୬ ରାତିରେ ତାଙ୍କ ଅବସ୍ଥା ଅତ୍ୟନ୍ତ ଖରାପ ଥିଲା, ତେଣୁ ଔପଚାରିକତା ଭାବରେ ତାଙ୍କୁ କିଛି ଘଣ୍ଟା ପାଇଁ ମେଡିକାଲ କଲେଜକୁ ଅଣାଯାଇଥିଲା। ତା’ପରେ ତାଙ୍କୁ ପୁନର୍ବାର ପଠାଯାଇଥିଲା ଏବଂ ତାଙ୍କ ଅବସ୍ଥା ସ୍ଥିର ଥିବା କୁହାଯାଇଥିଲା। ତାଙ୍କୁ କୌଣସି ଚିକିତ୍ସା ଦିଆଯାଇନଥିଲା।

The post ପିତାଙ୍କ କବର ନିକଟରେ ପୋତି ଦିଆଯିବ ମୁଖତାର ଅନସାରୀଙ୍କ ମୃତଦେହ appeared first on Dharitri Odia News.