ପୁରୀରେ ଭୋଟ ଗଣତି ପାଇଁ ବ୍ୟାପକ ପ୍ରସ୍ତୁତି, କାଉଣ୍ଟିଙ୍ଗ ସେଣ୍ଟର ଚତୁଃପାର୍ଶ୍ଵରେ ଲାଗିବ ୧୪୪

ପୁରୀ: ଭୋଟ ଗଣତି ପାଇଁ ସମୟ ପାଖେଇ ଆସୁଥିବାବେଳେ, ବଢ଼ୁଛି ଉତ୍କଣ୍ଠା। ସେପଟେ ଜିଲ୍ଲା ଭୋଟ ଗଣତି ପାଇଁ ଜିଲ୍ଲା ଓ ପୋଲିସ ପ୍ରଶାସନର ତରଫରୁ ପ୍ରସ୍ତୁତି ମଧ୍ୟ ସରିଛି।ଏହି କ୍ରମରେ ପୁରୀରେ ମଧ୍ୟ ଭୋଟ ଗଣତି ପାଇଁ ବ୍ୟାପକ ପ୍ରସ୍ତୁତି କରାଯାଇଛି।

କେନ୍ଦ୍ରୀୟ ବିଦ୍ୟାଳୟ ପରିସରରେ ପୁରୀ ଓ ସତ୍ୟବାଦୀ ଏବଂ ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟ ପରିସରସରେ ବ୍ରହ୍ମଗିରି, ନିମାପଡ଼ା, କାକଟପୁର ଓ ପିପିଲି ନିର୍ବାଚନ ମଣ୍ଡଳୀର ଭୋଟ ଗଣତି ହେବ।

ଲୋକସଭା ଓ ବିଧାନସଭା ପାଇଁ ପୃଥକ ୧୦ ଟି ଟେବୁଲରେ ହେବ ଭୋଟ ଗଣତି। କାଉଣ୍ଟିଙ୍ଗ ସେଣ୍ଟର ଚତୁଃପାର୍ଶ୍ଵରେ  ୧୪୪ ଧାରା ଜାରି ହେବ। ବିଜୟ ଶୋଭାଯାତ୍ରା ପାଇଁ ଆବେଦନ ହୋଇନାହିଁ। ବାଣ ଫୁଟାଇବା ପାଇଁ କୌଣସି ଅନୁମତି ଦିଆଯିବ ନାହିଁ।