ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସାଇପ୍ରସର ସର୍ବୋଚ୍ଚ ସମ୍ମାନ ପ୍ରଦାନ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସାଇପ୍ରସର ସର୍ବୋଚ୍ଚ ସମ୍ମାନ ପ୍ରଦାନ କରାଯାଇଛି। ସାଇପ୍ରସର ରାଷ୍ଟ୍ରପତି ନିକୋସ୍ କ୍ରିଷ୍ଟୋଡୋଲିଡ୍ସ ପ୍ରଧାନମନ୍ତ୍ରୀ ମୋଦିଙ୍କୁ ସାଇପ୍ରସର ସର୍ବୋଚ୍ଚ ସମ୍ମାନ, ଗ୍ରାଣ୍ଡ କ୍ରସ୍ ଅଫ୍ ଦି ଅର୍ଡର ଅଫ୍ ମାକାରିଓସ୍ III ପ୍ରଦାନ କରିଛନ୍ତି। ମାକାରିଓସ୍ III ଅର୍ଡର ହେଉଛି ସାଇପ୍ରସ ଦ୍ୱାରା ପ୍ରଦାନ କରାଯାଇଥିବା ଏକ ନାଇଟ୍ହୁଡ୍ ସମ୍ମାନ, ଯାହା ସାଇପ୍ରସର ପ୍ରଥମ ରାଷ୍ଟ୍ରପତି ଆର୍ଚବିଶପ୍ ମାକାରିଓସ୍ IIIଙ୍କ ନାମରେ ନାମିତ ହୋଇଥିଲା।

ଏହି ଅବସରରେ ପ୍ରଧାନମନ୍ତ୍ରୀ ମୋଦି କହିଛନ୍ତି, ‘ରାଷ୍ଟ୍ରପତି ଜି, ମୁଁ ଆପଣଙ୍କୁ, ସାଇପ୍ରସର ସରକାର ଏବଂ ସାଇପ୍ରସର ଜନସାଧାରଣଙ୍କୁ ଗ୍ରାଣ୍ଡ କ୍ରସ୍ ଅଫ୍ ଦି ଅର୍ଡର ଅଫ୍ ମାକାରିଓସ୍ III ସମ୍ମାନ ପାଇଁ ମୋର ହୃଦୟରୁ କୃତଜ୍ଞତା ଜଣାଉଛି। ଏହା କେବଳ ନରେନ୍ଦ୍ର ମୋଦିଙ୍କ ପାଇଁ ନୁହେଁ, ବରଂ ୧୪୦ କୋଟି ଭାରତୀୟଙ୍କ ପାଇଁ। ଏହା ସେମାନଙ୍କ କ୍ଷମତା ଏବଂ ଆକାଂକ୍ଷା ପାଇଁ ଏକ ସମ୍ମାନ। ଏହା ଆମର ସଂସ୍କୃତି, ଭାଇଚାରା ଏବଂ ବସୁଧୈବ କୁଟୁମ୍ବକମର ବିଚାରଧାରାର ପାଇଁ ଏକ ସମ୍ମାନ।

ମୁଁ ଏହାକୁ ଭାରତ ଏବଂ ସାଇପ୍ରସ ମଧ୍ୟରେ ବନ୍ଧୁତ୍ୱପୂର୍ଣ୍ଣ ସମ୍ପର୍କ, ଆମର ସମାନ ମୂଲ୍ୟବୋଧ ଏବଂ ପାରସ୍ପରିକ ବୁଝାମଣା ପାଇଁ ଉତ୍ସର୍ଗ କରୁଛି। ମୁଁ ସମସ୍ତ ଭାରତୀୟଙ୍କ ପକ୍ଷରୁ ଏହି ସମ୍ମାନକୁ ଅତ୍ୟନ୍ତ ନମ୍ରତା ଏବଂ କୃତଜ୍ଞତାର ସହିତ ଗ୍ରହଣ କରୁଛି। ଏହି ପୁରସ୍କାର ଶାନ୍ତି, ସୁରକ୍ଷା, ସାର୍ବଭୌମତ୍ୱ, କ୍ଷେତ୍ରୀୟ ଅଖଣ୍ଡତା ଏବଂ ଆମ ଲୋକଙ୍କ ପ୍ରତି ଆମର ଅଟଳ ପ୍ରତିବଦ୍ଧତାର ପ୍ରତୀକ ହେବ।

The post ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସାଇପ୍ରସର ସର୍ବୋଚ୍ଚ ସମ୍ମାନ ପ୍ରଦାନ appeared first on Odisha.News.