ପ୍ରାଣ ପ୍ରତିଷ୍ଠା ସମାରୋହରେ ସାମିଲ ହେବେ ନାହିଁ ବିବେକ୍‌, କହିଲେ-ମୋର ଦୁର୍ଭାଗ୍ୟ ଯେ…

ମୁମ୍ଵାଇ ୨୧।୦୧: ରାମ ମନ୍ଦିରର ପ୍ରାଣ ପ୍ରତିଷ୍ଠାକୁ ନେଇ ସମଗ୍ର ଦେଶରେ ଉତ୍ସାହ ଦେଖାଯାଉଛି । ସାରା ରାଜ୍ୟରୁ ରାମଲାଲାଙ୍କ ପାଇଁ ବିଭିନ୍ନ ପ୍ରକାରର ଉପହାର ଆସୁଛି। ବହୁ ପ୍ରସିଦ୍ଧ ବ୍ୟକ୍ତିତ୍ୱ ମଧ୍ୟ ପ୍ରାଣ ପ୍ରତିଷ୍ଠାରେ ଭାଗ ନେବାକୁ ଯାଉଛନ୍ତି। ରଣବୀର କପୁର, ଆଲିଆ ଭଟ୍ଟ, କଙ୍ଗନା ରାଣାୱତ, ରାମ ଚରଣ, ଆୟୁଷ୍ମାନ ଖୁରାନା, ଧନୁଷ, ରଜନୀକାନ୍ତ ଏବଂ ରଣଦୀପ ହୁଡାଙ୍କ ପରି ଅନେକ ଅଭିନେତାଙ୍କୁ ନିମନ୍ତ୍ରଣ କରାଯାଇଛି। ‘କାଶ୍ମୀର ଫାଇଲ’ର ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ ମଧ୍ୟ ଅଯୋଧ୍ୟା ପାଇଁ ନିମନ୍ତ୍ରଣ ପାଇଛନ୍ତି। କିନ୍ତୁ ସେ ଏହି କାର୍ଯ୍ୟକ୍ରମରେ ଯୋଗ ଦେଇ ପାରିବେ ନାହିଁ ବୋଲି କହିଥିଲେ। ଏନେଇ ସେ କେତେ ଦୁଃଖୀ ତାହା ଜଣାଇଛନ୍ତି ବିବେକ।

I was pleasantly surprised to receive many follow up calls from the office of CM @myogiadityanath Ji. The lady asked me travel details in an extremely warm but professional manner. Mighty impressed with the way technology is used to ensure a comfortable and safe visit for all.… pic.twitter.com/WJtrJ05rhM— Vivek Ranjan Agnihotri (@vivekagnihotri) January 20, 2024

ବିବେକ ତାଙ୍କ ନୋଟରେ ଲେଖିଛନ୍ତି, 'ଯେତେବେଳେ ମୋତେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଜିଙ୍କ କାର୍ଯ୍ୟାଳୟରୁ କଲ ଆସିଲା ସେତେବେଳେ ମୋତେ ବହୁତ ଆଶ୍ଚର୍ଯ୍ୟ ଲାଗିଲା। ମହିଳା ଜଣକ ମୋତେ ଅତି ବୃତ୍ତିଗତ ଢଙ୍ଗରେ ଭ୍ରମଣ ବିବରଣୀ ବିଷୟରେ ପଚାରିଥିଲେ । ସମସ୍ତଙ୍କ ସୁରକ୍ଷା ଏବଂ ଆରାମକୁ ସୁନିଶ୍ଚିତ କରିବା ପାଇଁ ଟେକ୍ନୋଲୋଜିର ଉପାୟ ମୋତେ ବହୁତ ପ୍ରଭାବିତ କଲା । କିନ୍ତୁ ଏହା ମୋର ଦୁର୍ଭାଗ୍ୟ ଯେ ମୁଁ ସମର୍ପଣରେ ଯୋଗ ଦେଇ ପାରିବି ନାହିଁ । କାରଣ ଗୁରୁତ୍ୱପୂର୍ଣ୍ଣ କାରଣରୁ ମୁଁ ଜାନୁଆରୀ ୨୨ ରେ ଭାରତରେ ରହିବି ନାହିଁ ।  କେବଳ ରାମ ଜୀ ମୋର ଦୁଃଖ ବୁଝିପାରିବେ ।

କହିବାକୁ ଗଲେ 'କାଶ୍ମୀର ଫାଇଲ' ପରଠାରୁ ଲାଇମଲାଇଟକୁ ଆସିଥିବା ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ ପ୍ରାୟତଃ କୌଣସି କାରଣରୁ ଚର୍ଚ୍ଚାରେ ରହିଛନ୍ତି। ବିବେକ ଅଗ୍ନିହୋତ୍ରା ୨୦୨୩ରେ ତାଙ୍କ ଚଳଚ୍ଚିତ୍ର ପର୍ବର ଘୋଷଣା କରିଥିଲେ। ଏହି ଚଳଚ୍ଚିତ୍ରଟି ମହାଭାରତ ଉପରେ ଆଧାରିତ ।

The post ପ୍ରାଣ ପ୍ରତିଷ୍ଠା ସମାରୋହରେ ସାମିଲ ହେବେ ନାହିଁ ବିବେକ୍‌, କହିଲେ-ମୋର ଦୁର୍ଭାଗ୍ୟ ଯେ… appeared first on Prameya News7.