ପ୍ରେମିକାକୁ ଖଣ୍ଡ ଖଣ୍ଡ କଲା ଜହ୍ଲାଦ ପ୍ରେମିକ, ବିଭିନ୍ନ ସ୍ଥାନରୁ ମିଳିଛି ନାବାଳିକାଙ୍କ ଶରୀରର ଅଂଶ

ଝାରସୁଗୁଡ଼ା: ଝାରସୁଗୁଡ଼ାରେ କିଡନାପ୍, ରାଉରକେଲାରେ ମର୍ଡର । ଜେଲରୁ ଫେରି ପ୍ରେମିକାକୁ ହତ୍ୟା କଲା ଜହ୍ଲାଦ ପ୍ରେମିକ । ହତ୍ୟା ପରେ ପ୍ରମାଣ ନଷ୍ଟ ପାଇଁ ମୃତଦେହକୁ ଖଣ୍ଡ ଖଣ୍ଡ କରି ଫିଙ୍ଗିଦେଲା ଅଭିଯୁକ୍ତ । ନାବାଳିକାଙ୍କ ଶରୀରର କିଛି ଅଂଶ ବିଭିନ୍ନ ସ୍ଥାନରେ ପଡିଥିଲା । ରାଉରକେଲା ବ୍ରାହ୍ମଣୀ ନଦୀ ବାଲୁଘାଟ ନିକଟରୁ ନାବାଳିକାର ମୁଣ୍ଡବିହୀନ ମୃତଦେହ ଉଦ୍ଧାର ହୋଇଛି । ଏହାସହ ହନୁମାନବାଟିକା-ତରକେରା ରାସ୍ତାର ଗାଡିଆଟୋଲା ନିକଟରୁ ମିଳିଛି ଦୁଇଟି କଟା ହାତ । ଗିରଫ ଅଭିଯୁକ୍ତ ଧରୁଆଡିହିର କୁନା କିଷାନ। ନାବାଳିକାଙ୍କୁ ହତ୍ୟା କରିଥିବା ସ୍ବୀକାର କରିଛି ଅଭିଯୁକ୍ତ ।

ନାବାଳିକାଙ୍କ ଖଣ୍ଡ ବିଖଣ୍ଡିତ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ପୋଲିସ। ପୂର୍ବରୁ ଅଭିଯୁକ୍ତ ଓ ନାବାଳିକାଙ୍କ ମଧ୍ୟରେ ପ୍ରେମ ସମ୍ପର୍କ ଥିଲା । ପରେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗରେ ଜେଲ ଯାଇଥିଲା ଅଭିଯୁକ୍ତ । ଜେଲରୁ ବାହାରିବା ପରେ ନାବାଳିକାଙ୍କୁ ଅପହରଣ କରିନେଇଥିଲା । ଗତ ୭ ତାରିଖରେ ଜଣେ ୧୭ ବର୍ଷିୟ ନାବାଳିକା ନିଖୋଜ ନେଇ ଝାରସୁଗୁଡା ଥାନାରେ ଅଭିଯୋଗ ହୋଇଥିଲା ।

The post ପ୍ରେମିକାକୁ ଖଣ୍ଡ ଖଣ୍ଡ କଲା ଜହ୍ଲାଦ ପ୍ରେମିକ, ବିଭିନ୍ନ ସ୍ଥାନରୁ ମିଳିଛି ନାବାଳିକାଙ୍କ ଶରୀରର ଅଂଶ appeared first on KNews Odisha.