ବର୍ମିଂହାମରେ ଟିମ୍ ଇଣ୍ଡିଆ ହଟହଟ୍ଟା, ହୋଟେଲ ବାହାରେ ମିଳିଲା ସନ୍ଦିଗ୍ଧ ପ୍ୟାକେଟ୍
ନୂଆଦିଲ୍ଲୀ ୦୨/୦୬: ୨ ଜୁଲାଇ, ୨୦୨୫ । ଭାରତ-ଇଂଲଣ୍ଡ ମଧ୍ୟରେ ଖେଳାଯିବ ଦ୍ୱିତୀୟ ଟେଷ୍ଟ ମ୍ୟାଚ୍ । ଏହା ପୂର୍ବରୁ ବର୍ମିଂହାମରେ ହଟହଟ୍ଟା ହୋଇଛି ଟିମ୍ ଇଣ୍ଡିଆ । ଏମିତି ଘଟଣା ଘଟିଛି ଯାହା ଶୁଣିଲେ ଆପଣ ବି ହୋଇଯିବେ ତାଜୁବ । ଯାହା ଖେଳାଳିଙ୍କ ସହିତ ପ୍ରଶଂସକମାନଙ୍କର ଉତ୍ତେଜନାକୁ ବି ବୃଦ୍ଧି କରିଥିଲା । ବର୍ମିଂହାମରେ ଭାରତୀୟ କ୍ରିକେଟ୍ ଦଳ ରହୁଥିବା ହୋଟେଲରୁ ବାହାରକୁ ନଯିବାକୁ ପରାମର୍ଶ ଦିଆଯାଇଥିଲା । ହୋଟେଲ୍ରେ ତାଲା ବି ପକାଇଦେଇଥିଲେ । ଏହାର କାରଣ ବି ଥିଲା ସେମିତି । କାରଣ ସହରର ସେଣ୍ଟେନରୀ ସ୍କୋୟାରରେ ମିଳିଥିଲା ସନ୍ଦେହଜନକ ପ୍ୟାକେଟ୍ । ଏମିତି ଘଟିବା ପରେ ବର୍ମିଂହାମ ସିଟି ସେଣ୍ଟର ପୋଲିସ ତୁରନ୍ତ କାର୍ଯ୍ୟାନୁଷ୍ଠାନ ଆରମ୍ଭ କରିଥିଲା।ଟିମ୍ ଇଣ୍ଡିଆ ହୋଟେଲରେ 'ତାଲା':ମଙ୍ଗଳବାର ଅପରାହ୍ନ ପ୍ରାୟ ୩ଟାରେ, ବର୍ମିଂହାମ ସିଟି ସେଣ୍ଟର ପୋଲିସ ସେଣ୍ଟେନରୀ ସ୍କୋୟାରରେ ଏକ ସନ୍ଦେହଜନକ ପ୍ୟାକେଟ୍ ବିଷୟରେ ସୂଚନା ପାଇଥିଲା । ଏହା ପରେ, ପୋଲିସ ତୁରନ୍ତ ସେଣ୍ଟେନରୀ ସ୍କୋୟାର ଏବଂ ଆଖପାଖ ଅଞ୍ଚଳରେ ସୁରକ୍ଷା ଘେରାବନ୍ଦୀ ସ୍ଥାପନ କରିଥିଲା । ବର୍ମିଂହାମ ସିଟି ସେଣ୍ଟର ପୋଲିସ ସୋସିଆଲ ମିଡିଆ ପ୍ଲାଟଫର୍ମ X ରେ ଏକ ପୋଷ୍ଟରେ କହିଛି, 'ଆମେ ବର୍ମିଂହାମ ସିଟି ସେଣ୍ଟରର ସେଣ୍ଟେନରୀ ସ୍କୋୟାର ଚାରିପାଖ ଅଞ୍ଚଳକୁ ଘେରାବନ୍ଦୀ କରିଛୁ । ଆମେ ସନ୍ଦେହଜନକ ପ୍ୟାକେଟ୍ ପରେ ତଦନ୍ତ କରୁଛୁ। ସତର୍କତାମୂଳକ ଭାବରେ, ଏହାର ତ
ନୂଆଦିଲ୍ଲୀ ୦୨/୦୬: ୨ ଜୁଲାଇ, ୨୦୨୫ । ଭାରତ-ଇଂଲଣ୍ଡ ମଧ୍ୟରେ ଖେଳାଯିବ ଦ୍ୱିତୀୟ ଟେଷ୍ଟ ମ୍ୟାଚ୍ । ଏହା ପୂର୍ବରୁ ବର୍ମିଂହାମରେ ହଟହଟ୍ଟା ହୋଇଛି ଟିମ୍ ଇଣ୍ଡିଆ । ଏମିତି ଘଟଣା ଘଟିଛି ଯାହା ଶୁଣିଲେ ଆପଣ ବି ହୋଇଯିବେ ତାଜୁବ । ଯାହା ଖେଳାଳିଙ୍କ ସହିତ ପ୍ରଶଂସକମାନଙ୍କର ଉତ୍ତେଜନାକୁ ବି ବୃଦ୍ଧି କରିଥିଲା । ବର୍ମିଂହାମରେ ଭାରତୀୟ କ୍ରିକେଟ୍ ଦଳ ରହୁଥିବା ହୋଟେଲରୁ ବାହାରକୁ ନଯିବାକୁ ପରାମର୍ଶ ଦିଆଯାଇଥିଲା । ହୋଟେଲ୍ରେ ତାଲା ବି ପକାଇଦେଇଥିଲେ । ଏହାର କାରଣ ବି ଥିଲା ସେମିତି । କାରଣ ସହରର ସେଣ୍ଟେନରୀ ସ୍କୋୟାରରେ ମିଳିଥିଲା ସନ୍ଦେହଜନକ ପ୍ୟାକେଟ୍ । ଏମିତି ଘଟିବା ପରେ ବର୍ମିଂହାମ ସିଟି ସେଣ୍ଟର ପୋଲିସ ତୁରନ୍ତ କାର୍ଯ୍ୟାନୁଷ୍ଠାନ ଆରମ୍ଭ କରିଥିଲା।
ଟିମ୍ ଇଣ୍ଡିଆ ହୋଟେଲରେ 'ତାଲା':
ମଙ୍ଗଳବାର ଅପରାହ୍ନ ପ୍ରାୟ ୩ଟାରେ, ବର୍ମିଂହାମ ସିଟି ସେଣ୍ଟର ପୋଲିସ ସେଣ୍ଟେନରୀ ସ୍କୋୟାରରେ ଏକ ସନ୍ଦେହଜନକ ପ୍ୟାକେଟ୍ ବିଷୟରେ ସୂଚନା ପାଇଥିଲା । ଏହା ପରେ, ପୋଲିସ ତୁରନ୍ତ ସେଣ୍ଟେନରୀ ସ୍କୋୟାର ଏବଂ ଆଖପାଖ ଅଞ୍ଚଳରେ ସୁରକ୍ଷା ଘେରାବନ୍ଦୀ ସ୍ଥାପନ କରିଥିଲା । ବର୍ମିଂହାମ ସିଟି ସେଣ୍ଟର ପୋଲିସ ସୋସିଆଲ ମିଡିଆ ପ୍ଲାଟଫର୍ମ X ରେ ଏକ ପୋଷ୍ଟରେ କହିଛି, 'ଆମେ ବର୍ମିଂହାମ ସିଟି ସେଣ୍ଟରର ସେଣ୍ଟେନରୀ ସ୍କୋୟାର ଚାରିପାଖ ଅଞ୍ଚଳକୁ ଘେରାବନ୍ଦୀ କରିଛୁ । ଆମେ ସନ୍ଦେହଜନକ ପ୍ୟାକେଟ୍ ପରେ ତଦନ୍ତ କରୁଛୁ। ସତର୍କତାମୂଳକ ଭାବରେ, ଏହାର ତଦନ୍ତ ଚାଲିଥିବା ସମୟରେ ଅନେକ କୋଠା ଖାଲି କରିଦିଆଯାଇଛି। ଦୟାକରି ସେହି ଅଞ୍ଚଳକୁ ଯିବାରୁ ନିବୃତ୍ତ ରୁହନ୍ତୁ।'
ଏହି ଘଟଣା ପରେ, ଦଳର ସଦସ୍ୟମାନଙ୍କୁ ହୋଟେଲ ଛାଡିବାକୁ ବାରଣ କରାଯାଇଥିଲା । ବିସିସିଆଇର ଏକ ସୂତ୍ର ପିଟିଆଇକୁ ନିଶ୍ଚିତ କରିଛି ଯେ ବର୍ମିଂହାମ ସିଟି ସେଣ୍ଟର ପୋଲିସ ସୋସିଆଲ ମିଡିଆରେ ପୋଷ୍ଟ ପରେ ଖେଳାଳିମାନଙ୍କୁ ବାହାରକୁ ନଯିବାକୁ ପରାମର୍ଶ ଦେଇଥିଲା । ତଥାପି, ପୋଲିସ ଏକ ଘଣ୍ଟା ପରେ ସୁରକ୍ଷା ବଳୟ ହଟାଇ ଦେଇଥିଲା। ଆପଣଙ୍କୁ ଜଣାଇ ଦେଉଛୁ ଯେ, ଭାରତୀୟ କ୍ରିକେଟରମାନେ ସାଧାରଣତଃ ଟିମ୍ ହୋଟେଲ ନିକଟବର୍ତ୍ତୀ ଅଞ୍ଚଳରେ ବୁଲନ୍ତି, ଯାହା କାରଣରୁ ଏହି ନିଷ୍ପତ୍ତି ନିଆଯାଇଛି । ଏହି ଘଟଣା ଯୋଗୁଁ, ଖେଳାଳିମାନଙ୍କୁ ବିଶେଷ ସତର୍କତା ଅବଲମ୍ବନ କରିବାକୁ ପରାମର୍ଶ ଦିଆଯାଇଥିଲା।
