ବଲିଉଡ୍ ସଙ୍ଗୀତ ପ୍ରେମରେ ମାଲେସିଆ ପ୍ରଧାନମନ୍ତ୍ରୀ; ଅନଓ୍ବାର ଇବ୍ରାହିମ ଗାଇଲେ ‘ଦୋସ୍ତ ଦୋସ୍ତ ନା ରହା’

ନୂଆଦିଲ୍ଲୀ: ବଲିଉଡ୍ ପ୍ରେମରେ ମାଲେସିଆ ପ୍ରଧାନମନ୍ତ୍ରୀ । ଭାରତ ଗସ୍ତରେ ଆସି ଲୋକପ୍ରିୟ ବଲିଉଡ ସଙ୍ଗୀତ ଗାନ କରିଛନ୍ତି ଅନଓ୍ବାର ଇବ୍ରାହିମ । ଦିଲ୍ଲୀର ତାଜ୍ ମହଲ ହୋଟେଲରେ ରହିଥିବା ବେଳେ ‘ଦୋସ୍ତ ଦୋସ୍ତ ନା ରହା’ ହିନ୍ଦୀ ସଙ୍ଗୀତ ଗାନ କରି ସମସ୍ତଙ୍କୁ ଉତ୍ସାହିତ କରିଥିଲେ ।  

ଅନଓ୍ବାର ଇବ୍ରାହିମ୍ ୨୦୨୨ରେ ମାଲେସିଆ ପ୍ରଧାନମନ୍ତ୍ରୀ ଭାବେ ଶପଥ ନେବା ପରେ ଏହା ତାଙ୍କର ପ୍ରଥମ ଭାରତ ଗସ୍ତ । ୨୦୨୪ ଅଗଷ୍ଟ ୧୯ରୁ ୨୧ ତାରିଖ ଯାଏ ସେ ୩ ଦିନିଆ ସରକାରୀ ଗସ୍ତରେ ଭାରତ ଆସିଥିଲେ । ତାଜ୍ ମହଲ ହୋଟେଲରେ ରହିଥିବା ବେଳେ ମାଲେସିଆ ପ୍ରଧାନମନ୍ତ୍ରୀଙ୍କ ପାଇଁ ଏକ ବିଦାୟୀ ସମାରୋହ ଆୟୋଜନ ହୋଇଥିଲା । ଏହି ସମୟରେ ସେ ୧୯୬୪ର ଲୋକପ୍ରିୟ ଫିଲ୍ମ ‘ସଙ୍ଗମ’ର ଗୀତ ‘ଦୋସ୍ତ ଦୋସ୍ତ ନା ରହା’ ଗାନ କରିଥିଲେ । ତାଙ୍କ ସଙ୍ଗୀତରେ ସେଠାରେ ଉପସ୍ଥିତ ଥିବା ସମସ୍ତେ ଉତ୍ସିହିତ ହୋଇଥିଲେ । ଏହାର ଭିଡିଓ କ୍ଲିପ୍ ତାଜ ମହଲ ହୋଟେଲ ସୋସିଆଲ୍ ମିଡିଆ ଓ୍ବେବସାଇଟରେ ଅପଲୋଡ୍ କରାଯାଇଛି ।     

It was a pleasure to witness Honorable Prime Minister Dato’ Seri Anwar Ibrahim showcasing his love for Bollywood music during his farewell ceremony at the iconic Taj Mahal, New Delhi.@anwaribrahim @PMOIndia @TajHotels pic.twitter.com/oZyrMXiMRk— Taj Mahal, New Delhi (@TajMahalHotel) August 22, 2024

ଟାଇମ୍ସ ଇଣ୍ଡିଆ ରିପୋର୍ଟ ମୁତାବକ,  ମାଲେସିଆ ପ୍ରଧାନମନ୍ତ୍ରୀ  ଅନଓ୍ବାର ଇବ୍ରାହିମ ବଲିଉଡ୍ ଫିଲ୍ମ ଇଣ୍ଡଷ୍ଟ୍ରିଜ୍ ଏବଂ ଭେଟେରାନ୍ ଅଭିନେତା ସାମି କପୁରଙ୍କୁ ପ୍ରଶଂସା କରିବା ପରେ ତାଜ୍ ମହଲ ହୋଟେଲ୍ ପକ୍ଷରୁ ତାଙ୍କ ପାଇଁ ଏକ ବିଦାୟୀ ସମାରୋହ ଆୟୋଜନ କରାଯାଇଥିଲା । ମାଲେସିଆ ପ୍ରଧାନମନ୍ତ୍ରୀଙ୍କ ବଲିଉଡ ସଙ୍ଗୀତ ଗାନ କରିବାର ଭିଡିଓ ଏବେ ଏକ୍ସରେ ଭାଇରାଲ୍ ହେବାରେ ଲାଗିଛି ।