ବିଶ୍ୱକୁ ଧମକ ଦେଲେ ପୁଟିନ ! ବାଲିଷ୍ଟିକ୍ କ୍ଷେପଣାସ୍ତ୍ର ଆକ୍ରମଣ କଲେ ହେବ ପରମାଣୁ ଆଟାକ୍

ପରମାଣୁ ଅସ୍ତ୍ର ବ୍ୟବହାର ସମ୍ବନ୍ଧିତ ଏକ ନିଷ୍ପତ୍ତିକୁ ଅନୁମୋଦନ କରିଛନ୍ତି ରୁଷ୍ ରାଷ୍ଟ୍ରପତି ଭ୍ଲାଦିମିର ପୁଟିନ । ଏକ ରିପୋର୍ଟ ମୁତାବକ, ଯଦି କେହି ଦେଶ କୌଣସି ପରମାଣୁ ଶକ୍ତିଶାଳୀ ଦେଶ ସହ ମିଶି ରୁଷ୍ ଉପରେ କ୍ଷେପଣାସ୍ତ୍ର ଆକ୍ରମଣ କରେ, ତେବେ ଏହାକୁ ରୁଷ୍ ବିରୋଧରେ ଯୁଦ୍ଧ ଘୋଷଣା ବୋଲି ଧରାଯିବ । ଏପରି ସ୍ଥିତିରେ ପରମାଣୁ ଆକ୍ରମଣ କରାଯାଇପାରେ ।

ସୂଚନା ଯେ ଦୁଇ ଦିନ ପୂର୍ବରୁ ଆମେରିକା ରାଷ୍ଟ୍ରପତି ବାଇଡେନ ୟୁକ୍ରେନକୁ ରୁଷ୍ ଭିତରେ ଦୀର୍ଘ ଦୂରଗାମୀ କ୍ଷେପଣାସ୍ତ୍ର ବ୍ୟବହାରକୁ ଅନୁମତି ଦେଇଥିଲେ, ଯାହା ପରେ ପୁଟିନ ଏହି ନିଷ୍ପତ୍ତି ନେଇଛନ୍ତି । ୟୁକ୍ରେନ ଯୁଦ୍ଧର ୧୦୦୦ ଦିନ ପୂରଣ ହେବା ପରିପ୍ରେକ୍ଷୀରେ ପୁଟିନ ପରମାଣୁ ଅସ୍ତ୍ର ସହ ଜଡ଼ିତ ନୂତନ ଆଦେଶରେ ଦସ୍ତଖତ କରିଛନ୍ତି ।

ୟୁକ୍ରେନକୁ ଆର୍ମି ଟାକ୍ଟିକାଲ୍ ମିସାଇଲ୍ ସିଷ୍ଟମ୍ (ATACMS) ବ୍ୟବହାର କରିବା ପାଇଁ ଅନୁମତି ଦେଇଛି ଆମେରିକା । ଏହି ମିସାଇଲ୍ ସିଷ୍ଟମ ୩୦୦ କିଲୋମିଟର ପର୍ଯ୍ୟନ୍ତ ସଠିକ୍ ଆକ୍ରମଣ କରିପାରିବ ।

ଗତ ଅନେକ ଦିନରୁ ଆମେରିକା ଏବଂ ବ୍ରିଟେନ ୟୁକ୍ରେନକୁ ଦୀର୍ଘ ଦୂରଗାମୀ କ୍ଷେପଣାସ୍ତ୍ର ବ୍ୟବହାର ପାଇଁ ଅନୁମତି ଦେବା ଉପରେ ବିଚାର କରୁଥିଲେ । ଏହା ଉପରେ ପୁଟିନ ଚେତାବନୀ ଦେଇଥିଲେ ଯେ ଏମିତି ଅସ୍ତ୍ର ବ୍ୟବହାର ପାଇଁ ଅନୁମତି ଦେବାର ଅର୍ଥ ବୁଝାଯିବ, ରୁଷ୍ ବିରୋଧରେ NATO ଯୁଦ୍ଧକୁ ଓହ୍ଲାଇଛି । ପୁଟିନ ଆହୁରି କହିଥିଲେ, ଯଦି ଏମିତି ହୁଏ, ତା’ ହେଲେ ସେମାନେ ଏହାର ଜବାବ ନିଶ୍ଚୟ ଦେବେ ।

ରୁଷର ନ୍ୟୁକ୍ଲିୟର ଡେଟେରେଣ୍ଟ ଫୋର୍ସରେ ସ୍ଥଳ, ସମୁଦ୍ର ଏବଂ ବାୟୁସେନା ଅନ୍ତର୍ଭୁକ୍ତ । ଅର୍ଥାତ୍ ଶତ୍ରୁ ଉପରେ ରୁଷ୍ ଏହି ତିନୋଟି ଜାଗାରୁ ଆକ୍ରମଣ କରିବ । ତେବେ କୌଣସି ବି ପ୍ରକାରେ ଆଉ ଯୁଦ୍ଧ ନ ହେଉ ବୋଲି ରୁଷ୍ ସମ୍ପୂର୍ଣ୍ଣ ପ୍ରୟାସ କରୁଛି । ଖାସ୍ କରି ପରମାଣୁ ଯୁଦ୍ଧ ନ ହେବାକୁ ରୁଷ ଚାହୁଁଛି । ତେଣୁ ସାରା ବିଶ୍ୱକୁ ରୁଷ୍ ଚେତାବନୀ ଦେଇଛି ଯେ ଯଦି କେହି ରୁଷ୍ ବିରୋଧରେ ବାଲିଷ୍ଟିକ୍ କ୍ଷେପଣାସ୍ତ୍ର ନିକ୍ଷେପ କରେ, ତା’ ହେଲେ ରୁଷ୍ ଏହା ବିରୋଧରେ ପରମାଣୁ ଅସ୍ତ୍ର ମଧ୍ୟ ବ୍ୟବହାର କରିବ ।

PUTIN’S DECREE “ON THE APPROVAL OF THE FOUNDATIONS OF THE STATE POLICY OF RUSSIA IN THE FIELD OF NUCLEAR DETERRENCE” SAYS THAT:

Nuclear deterrence can be triggered if the enemy has attack drones threatening Russia

Data on massive takeoff of air and space attack weapons… pic.twitter.com/op1lkpK0tG

— Sputnik (@SputnikInt) November 19, 2024

The post ବିଶ୍ୱକୁ ଧମକ ଦେଲେ ପୁଟିନ ! ବାଲିଷ୍ଟିକ୍ କ୍ଷେପଣାସ୍ତ୍ର ଆକ୍ରମଣ କଲେ ହେବ ପରମାଣୁ ଆଟାକ୍ appeared first on KNews Odisha.