ଭଙ୍ଗା-ଗଢା ରାଜନୀତି କରୁଛି ଭାଜପା: ସଞ୍ଜୟ ରାଉତ

ମୁମ୍ବାଇ,୨୮।୧୦: ଶିବସେନାର ରାଜ୍ୟ ସଭା ଏମପି (ଉଦ୍ଧବ ବାଲାସାହେବ ଠାକରେ) ଏବଂ ଦଳର ମୁଖପାତ୍ର ସଞ୍ଜୟ ରାଉତ ଅଭିଯୋଗ କରିଛନ୍ତି ଯେ ବିଭିନ୍ନ ଦଳ ଭାଙ୍ଗି ଭାଜପା କ୍ଷମତାରେ ରହିବାକୁ ଚାହୁଁଛି। ସେ କହିଛନ୍ତି ଯେ ଦଳ ଭଙ୍ଗା ଗଢା ରାଜନୀତି କରୁଛି।
ଶିବସେନା (ୟୁବିଟି) ର ରାଜ୍ୟ ସଭା ଏମପି ସଞ୍ଜୟ ରାଉତ ସ୍ବରାଷ୍ଟ୍ରମନ୍ତ୍ରୀ ଅମିତ ଶାହାଷ୍ଟ୍ରୁ ଟାର୍ଗେଟ କରିଛନ୍ତି। ରାଉତଙ୍କ ଅନୁଯାୟୀ ଦେଶର ଆଇନ ଶୃଙ୍ଖଳା ସମ୍ପୂର୍ଣ୍ଣ ବିଗିଡି ଯାଇଛି।
ସେ କହିଛନ୍ତି, ନିକଟରେ ଜମ୍ମୁ କାଶ୍ମୀରରେ ଏକ ଆକ୍ରମଣ ହୋଇଥିଲା ଯେଉଁଥିରେ ଆମର ୪ଜଣ ସେନା ଶହୀଦ ହୋଇଥିଲେ, ଏହା ସହ ୪ ସାଧାରଣ ନାଗରିକଙ୍କ ମୃତ୍ୟୁ ହୋଇଥିଲା। ସମଗ୍ର ଦେଶରେ ଏପରି ପରିବେଶ ଥିଲା, କିନ୍ତୁ ଆମ ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ଜମ୍ମୁ-କଶ୍ମୀର ଏବଂ ମଣିପୁର ବିଷୟରେ କଦାପି କଥାବାର୍ତ୍ତା କରନ୍ତି ନାହିଁ, ସେ କେବଳ ରାଜନୀତି ବିଷୟରେ କଥାବାର୍ତ୍ତା କରନ୍ତି। ସର୍ଦ୍ଦାର ପଟେଲ ଗୃହମନ୍ତ୍ରୀ ଥିଲେ, ସେ କ’ଣ ଏମିତିି କାମ କରୁଥିଲେ କି? ସେ ମଧ୍ୟ ଗୁଜୁରାଟର ଥିଲେ ଏବଂ ଲୋକମାନେ ତାଙ୍କୁ ଆଇରନ ମ୍ୟାନ ବୋଲି କହିଥିଲେ।
ସେ ଆହୁରି ମଧ୍ୟ କହିଛନ୍ତି ଯେ ଅମିତ ଶାହା ଜାଣନ୍ତି ନାହିଁ ଯେ ଜମ୍ମୁ କଶ୍ମୀରରେ ଆମର ୪ଜଣ ସେନା ଶହୀଦ ହୋଇଥିଲେ, ସେ ସେଠାକୁ ଯିବା ଉଚିତ। ଏହି ଲୋକମାନେ ମହାରାଷ୍ଟ୍ର ଏବଂ ବଙ୍ଗଳାକୁ କଦାପି ଜିତି ପାରିବେ ନାହିଁ । ଏହି ଲୋକମାନେ କେବଳ ଦଳ ଭାଙ୍ଗିବାକୁ ଏବଂ ନିର୍ବାଚନ ପ୍ରତୀକ ଚୋରି କରିବାକୁ ଚାହୁଁଛନ୍ତି। ସେମାନଙ୍କର ଭୂମିକା ହେଉଛି ରାଜନୀତିକୁ ନଷ୍ଟ କରିବା।

The post ଭଙ୍ଗା-ଗଢା ରାଜନୀତି କରୁଛି ଭାଜପା: ସଞ୍ଜୟ ରାଉତ appeared first on Dharitri Odia News.