ଭୂକମ୍ପରେ ପୁଣି ଥରେ ଥରିଲା ମିଆଁମାର, ରିକ୍ଟର ସ୍କେଲ୍‌ରେ ତୀବ୍ରତା ୫.୫ ରେକର୍ଡ

ନୂଆଦିଲ୍ଲୀ ୧୩।୦୪; ସକାଳୁ ସକାଳୁ ପୁଣି ଭୂକମ୍ପ ଝଟକା । ରବିବାର ପୁଣି ଭାରତର ପଡ଼ୋଶୀ ଦେଶ ମିଆଁମାରରେ ଶକ୍ତିଶାଳୀ ଭୂମିକମ୍ପ ଝକା ଅନୁଭୂତ ହୋଇଛି। ଏହି ଭୂମିକମ୍ପର ତୀବ୍ରତା ରିକ୍ଟର ସ୍କେଲରେ ୫.୫ ତୀବ୍ରତା ମାପ କରାଯାଇଛି। ନିକଟରେ ଏଠାରେ ହୋଇଥିବା ଭୂମିକମ୍ପ ସମଗ୍ର ଦେଶରେ ବିନାଶ ସୃଷ୍ଟି କରିଥିଲା। ଯେଉଁଥିରେ ତିନି ହଜାରରୁ ଅଧିକ ଲୋକଙ୍କ ମୃତ୍ୟୁ ହୋଇଥିଲା।

ନ୍ୟାସନାଲ ସେଣ୍ଟର ଫର୍ ସିସମୋଲୋଜି ଅନୁଯାୟୀ, ୧୩ ଏପ୍ରିଲ୍ ୨୦୨୫ ସକାଳ ୦୭:୫୪:୫୮ ରେ ମିଆଁମାରରେ ଭୂମିକମ୍ପ ଅନୁଭୂତ ହୋଇଥିଲା। ଭୂମିକମ୍ପର ତୀବ୍ରତା ରିକ୍ଟର ସ୍କେଲରେ ୫.୫ ମାପ କରାଯାଇଥିଲା। ଏହି ଭୂମିକମ୍ପର କେନ୍ଦ୍ରସ୍ଥଳ ଭୂମି ଭିତରେ ୧୦ କିଲୋମିଟର ଗଭୀରତାରେ ଥିଲା। ବର୍ତ୍ତମାନ ଏହି ଭୂମିକମ୍ପ ଯୋଗୁଁ କୌଣସି ଜୀବନ କିମ୍ବା ସମ୍ପତ୍ତି କ୍ଷତିର ଖବର ନାହିଁ।

ଏହି ଭୂମିକମ୍ପ ଏପରି ଏକ ସମୟରେ ଆସିଛି,  ଯେତେବେଳେ ମିଆଁମାର ଦେଶର କେନ୍ଦ୍ରୀୟ ଅଞ୍ଚଳରେ ୨୮ ମାର୍ଚ୍ଚରେ ୭.୭ ତୀବ୍ରତାର ଏକ ବଡ଼ ଭୂମିକମ୍ପ ହେବା ପରେ ରିଲିଫ୍ କାର୍ଯ୍ୟରେ ନିୟୋଜିତ ଥିଲେ। ପ୍ରାୟ ତିନି ସପ୍ତାହ ପରେ  ଅର୍ଥାତ୍‌ ୨୮ ମାର୍ଚ୍ଚ ୨୦୨୫ରେ ମିଆଁମାରରେ ଏକ ଭୟଙ୍କର ଭୂମିକମ୍ପ ହୋଇଥିଲା। ମାଣ୍ଡଲେ ଅଞ୍ଚଳରେ ଏହି ଭୂମିକମ୍ପର ତୀବ୍ରତା ୭.୭ ମାପ କରାଯାଇଥିଲା। ଏହି ଭୂମିକମ୍ପ ଦେଶରେ ବହୁତ କ୍ଷୟକ୍ଷତି ଘଟାଇଥିଲା। ଏହି ଭୂମିକମ୍ପ ମିଆଁମାର ଇତିହାସରେ ସବୁଠାରୁ ବିନାଶକାରୀ ଭୂମିକମ୍ପ ମଧ୍ୟରୁ ଗୋଟିଏ ଥିଲା। ମିଆଁମାର ସେନା ଅନୁଯାୟୀ, ଏହି ଭୂମିକମ୍ପରେ ୩୬୦୦ ରୁ ଅଧିକ ଲୋକଙ୍କର ମୃତ୍ୟୁ ହୋଇଥିବା ବେଳେ ୫ ହଜାରରୁ ଅଧିକ ଲୋକ ଆହତ ହୋଇଛନ୍ତି। ଏହା ବ୍ୟତୀତ, ଶହ ଶହ ଲୋକ ସେମାନଙ୍କ ପରିବାରଠାରୁ ଅଲଗା ହୋଇଯାଇଥିଲେ ।