ମନି ଲଣ୍ଡରିଂ ମାମଲାରେ ଏଲଭିଶଙ୍କୁ ପଚରାଉଚରା, ED ଅଫିସ୍ ୟ୍ୟୁଟୁବର

ନୂଆଦିଲ୍ଲୀ ୨୪।୦୭; ୟ୍ୟୁଟୁବର ଏଲଭିଶ୍ ଯାଦବ । ତାଙ୍କ ସମସ୍ୟା ଥମିବର ନାମ ଧରୁନି । ସାପ ଚୋରା ଚାଲାଣ ଏବଂ ଟଙ୍କା ହେରଫେର ମାମଲାରେ ବିଗ୍ ବସ୍ OTT 2 ର ବିଜେତା ଲଗାତାର ଭାବରେ ଚର୍ଚ୍ଚାରେ ଅଛନ୍ତି। ୟୁଟ୍ୟୁବର୍ ସାପ ବିଷରେ ଟଙ୍କା କାରବାର କରିଥିବା ଅଭିଯୋଗ ହୋଇଛି। ଯେଉଁଥିପାଇଁ ସେ ମଙ୍ଗଳବାର ଲକ୍ଷ୍ନୌ ଇଡି ନିକଟରେ ହାଜର ହୋଇଥିଲେ। ଏହି ମାମଲାରେ ଇଡି କହିଛନ୍ତି ଯେ ଏଲଭିଶଙ୍କ ସହ ଜଡିତ ହରିୟାଣାର ଗାୟକ ରାହୁଲ ଯାଦବଙ୍କୁ ଇଡି ପଚରାଉଚରା କରିଥିଲା।

ମାର୍ଚ୍ଚ ୧୭ରେ ଏଲଭିଶଙ୍କୁ ଗିରଫ କରାଯାଇଥିଲା

ଏକ ପାର୍ଟୀରେ ସାପ ବିଷ ବ୍ୟବହାର କରିଥିବା ଅଭିଯୋଗରେ ମାର୍ଚ୍ଚ ୧୭ ରେ ଏଲଭିଶଙ୍କୁ ନୋଏଡା ପୋଲିସ ଗିରଫ କରିଥିଲା। ନୋଏଡା ପୋଲିସ ଦ୍ୱାରା ନାର୍କୋଟିକ୍ ଡ୍ରଗ୍ସ ଏବଂ ସାଇକୋଟ୍ରୋପିକ୍ ପଦାର୍ଥ ଅଧିନିୟମ, ବନ୍ୟଜନ୍ତୁ ସୁରକ୍ଷା ଆଇନ ଏବଂ ଭାରତୀୟ ଦଣ୍ଡବିଧି ଆଇନର ବିଭିନ୍ନ ବିଭାଗ ଅଧୀନରେ ଏଲଭିଶଙ୍କ ବିରୋଧରେ ଏକ ମାମଲା ରୁଜୁ ହୋଇଥିଲା। ଯେଉଁଥିରେ ଏଲଭିଶଙ୍କ ସମେତ ୬ ଜଣଙ୍କ ନାମ ଅନ୍ତର୍ଭୁକ୍ତ କରାଯାଇଥିଲା। 

ଅନ୍ୟ ପାଞ୍ଚଜଣ ଅଭିଯୁକ୍ତ ମଧ୍ୟରେ ସମସ୍ତେ ସାପ ଧରାଳି ଥିଲେ । ତାଙ୍କ ପାଖରୁ ପାଞ୍ଚଟି କୋବ୍ରା ସମେତ ନଅଟି ସାପ ଉଦ୍ଧାର କରାଯାଇଥିଲା ଏବଂ ୨୦ ମିଲି ସାପ ବିଷ ମଧ୍ୟ ଜବତ କରାଯାଇଥିଲା। ଏଥି ସହିତ, ଏପ୍ରିଲରେ ନୋଏଡା ପୋଲିସ ୧୨୦୦ ରୁ ଅଧିକ ପୃଷ୍ଠାର ଚାର୍ଜସିଟ ଦାଖଲ କରିଥିଲା। ପୋଲିସ କହିଛି ଯେ ଏହି ଅଭିଯୋଗରେ ସାପ ଚୋରା ଚାଲାଣ, ଡ୍ରଗ୍ସ ବ୍ୟବହାର ଏବଂ ରେଭ ପାର୍ଟି ଆୟୋଜନ ଇତ୍ୟାଦି ରହିଛି।