ମହଙ୍ଗା ପଡିଲା ଓମ୍‌ ବିର୍ଲାଙ୍କ ଝିଅଙ୍କ ବିରୋଧରେ ବିବାଦୀୟ ପୋଷ୍ଟ, ୟୁଟ୍ୟୁବର ଧ୍ରୁବ୍ ରାଠିଙ୍କ ବିରୋଧରେ ମାମଲା

ମୁମ୍ୱାଇ ୧୩/୦୭: ପୁଣି ଥରେ ଲାଇମଲାଇଟକୁ ଆସିଛନ୍ତି ୟୁଟ୍ୟୁବ ଧ୍ରୁବ୍ ରାଠି । ତାଙ୍କ ବିରୋଧରେ ମହାରାଷ୍ଟ୍ର ନୋଡାଲ ସାଇବର ପୋଲିସ ପକ୍ଷରୁ ଏକ ଏଫଆଇଆର ରୁଜୁ ହୋଇଛି । ଏହି ଏଫଆଇଆର ଗୋଟିଏ ନକଲି X ପୋଷ୍ଟ ସମ୍ବନ୍ଧରେ ଦାଖଲ କରାଯାଇଛି । ପୋଲିସ ମଧ୍ୟ ଏହି ଘଟଣାର ତଦନ୍ତ ଆରମ୍ଭ କରିଛି । ଜାଣିବାକୁ ଚେଷ୍ଟା କରୁଛି ଯେ ଯେଉଁ ବ୍ୟକ୍ତିଙ୍କଠାରୁ ଏହି ଟୁଇଟ୍ କରାଯାଇଛି ତାହା ଧ୍ରୁବ ରାଠିଙ୍କ ଅଟେ କି ଆଉ କାହାର ତାହାର ଯାଞ୍ଚ ରହିଛି । 

ସୂଚନାଥାଉକି, ଲୋକସଭା ବାଚସ୍ପତି ଓମ ବିର୍ଲାଙ୍କ ଝିଅ ବିରୋଧରେ ବିବାଦୀୟ ପୋଷ୍ଟ ମାମଲାରେ ଧ୍ରୁବ ରାଠିଙ୍କ ବିରୋଧରେ ଏହି ଏଫଆଇଆର ଦାଖଲ କରାଯାଇଛି । ଏହି ପୋଷ୍ଟ ମାଧ୍ୟମରେ ଅଭିଯୋଗ ହୋଇଛି ଯେ ସେ ପରୀକ୍ଷା ନ ଦେଇ ୟୁପିଏସସି କ୍ଲିଅର କରିଛନ୍ତି । ଧ୍ରୁବ ରାଠୀଙ୍କ ବିରୋଧରେ ଏହି ଏଫଆଇଆର ଓମ ବିର୍ଲାଙ୍କ ପରିବାର ସଦସ୍ୟ ଦେଇଥିବା ଅଭିଯୋଗ ପରେ ପଞ୍ଜିକୃତ ହୋଇଛି ।

ଅଭିଯୋଗରେ କୁହାଯାଇଛି ଯେ ଅଞ୍ଜଳି ବିର୍ଲାଙ୍କୁ ଏହି ପୋଷ୍ଟ ମାଧ୍ୟମରେ ୟୁପିଏସସି ପରୀକ୍ଷା କ୍ଲିଅର କରିବା ନେଇ ଏକ ପ୍ରଶ୍ନ ଉଠିଛି। ଯେଉଁଥିରେ କୁହାଯାଏ ଯେ ଅଞ୍ଜଳି ପରୀକ୍ଷା ନ ଦେଇ ପରୀକ୍ଷା ପାସ୍ କରିଥିଲେ । ଏ ପ୍ରସଙ୍ଗରେ ଧ୍ରୁବ ରାଠିଙ୍କ ପ୍ରତିକ୍ରିୟା ମିଳିପାରିନି । କହିବାକୁ ଗଲେ ଧ୍ରୁବ ରାଠି ଖୁବ୍ ଶୀଘ୍ର ପିତା ହେବାକୁ ଯାଉଛନ୍ତି। ନିକଟରେ ସେ ତାଙ୍କ ପତ୍ନୀଙ୍କ ସହ ଏ ବିଷୟରେ ଟୁଇଟ୍ କରିଥିଲେ।