ମହିଳା ପ୍ରାର୍ଥୀ ଦେବାକୁ କୁନ୍ଥୁ କୁନ୍ଥୁ, କଂଗ୍ରେସ-ଭାଜପା ପୁରା ପଛରେ

ଭୁବନେଶ୍ୱର,୯।୪: କେତେ ମହିଳାଙ୍କୁ ମିଳିଛି ଟିକେଟ୍‌? ଅଧାରୁ ଅଧିକ ଟିକେଟ୍‌ ବଣ୍ଟନରେ ମହିଳାଙ୍କ ନାଁ ନାହିଁ। ଯଦି ବିଜେଡି କଥା କହିବା ତେବେ ମହିଳା ପ୍ରାର୍ଥୀ କରିବାରେ ବିଜେଡି ସବୁଠାରୁ ଆଗରେ ରହିଛି। ଅନ୍ୟପଟେ ବାଲେଶ୍ୱର ଟିକେଟ୍‌ ଯଦି ଜଣେ ମହିଳା ପ୍ରାର୍ଥୀଙ୍କୁ ମିଳେ ତେବେ ଯାଇ ୩୩ ପ୍ରତିଶତ ମହିଳାଙ୍କୁ ସଂରକ୍ଷଣ ଦେବାରେ ଅଙ୍କ ଛୁଇଁପାରିବ ଦଳ। କୁହାଯାଉଛି ମହିଳା ପ୍ରାର୍ଥୀ ଉପରେ ଭରସା କରିପାରୁ ନାହାନ୍ତି କୌଣସି ରାଜନୈତିକ ଦଳ।

ନିର୍ବାଚନ ପୂର୍ବରୁ ମହିଳା ସଶକ୍ତିକରଣ ଓ ମହିଳାଙ୍କୁ ପ୍ରାଧାନ୍ୟ ଦେବା ଉପରେ ନାରା ଦେଉଥିଲେ ସବୁ ଦଳ। କେବଳ ବିଜେଡିକୁ ଛାଡିଦେଲେ କଂଗ୍ରେସ ଓ ଭାଜପା ମହିଳା ପ୍ରାର୍ଥୀ ଦେବାରେ ପଛରେ ଅଛନ୍ତି। ଏଥିରୁ ସ୍ପଷ୍ଟ ହେଉଛି କି, ଦଳର ନେତୃତତ୍ୱ ମହିଳା ପ୍ରାର୍ଥୀଙ୍କୁ ଭରସା କରିପାରୁ ନାହାନ୍ତି। ବିଜେଡି ବର୍ତ୍ତମାନ ସୁଦ୍ଧା ୨୧ ଲୋକ ସଭା ଆସନରୁ ୨୦ ଆସନରେ ପ୍ରାର୍ଥୀ ଘୋଷଣା କରି ସାରିଛି। ଏଥରୁ ୬ଜଣ ମହିଳାଙ୍କୁ ଟିକେଟ୍‌ ଦେଇଛି ଦଳ। ଯଦି BJD ବାଲେଶ୍ୱରରୁ ମହିଳାଙ୍କୁ ଟିକେଟ୍‌ ଦିଏ ତେବେ ଏହି ସଂଖ୍ୟା ୭ ହୋଇଯିବ। ଅର୍ଥାତ୍‌ ବିଜେଡି ୩୩ ପ୍ରତିଶତ ମହିଳା ପ୍ରାର୍ଥୀ ଦେବାରେ ଆଗରେ ରହିବ। ଯଦି ଅନ୍ୟଦଳ କଥା କହିବା ତେବେ ସେମାନେ ୧୬-୧୭ ପ୍ରତିଶତରେ ସୀମିତ ରହିଛନ୍ତି।

୩୩ପ୍ରତିଶତ ମହିଳାଙ୍କ ପାଇଁ ଆସନ ସଂରକ୍ଷଣ ବିଲ୍‌ ସଂସଦରେ ପାସ୍‌ ହୋଇଥିଲେ ମଧ୍ୟ ତାହା କେବଳ କାଗଜ କଲମରେ ସୀମିତ ରହିଛି। ତେବେ ରାଜନୈତିକ ଦଳ ମହିଳାଙ୍କୁ ଗୁରୁତ୍ୱ ଦେବା କଥା କହି ଆସୁଥିଲେ ବି ପ୍ରକୃତ କ୍ଷେତ୍ରରେ ତାହା କାର୍ଯ୍ୟକାରୀ ହୋଇନାହିଁ।

The post ମହିଳା ପ୍ରାର୍ଥୀ ଦେବାକୁ କୁନ୍ଥୁ କୁନ୍ଥୁ, କଂଗ୍ରେସ-ଭାଜପା ପୁରା ପଛରେ appeared first on Dharitri Odia News.