ମାଗଣାରେ କରିପାରିବେନି Googleରେ ସର୍ଚ୍ଚ ? ଦେବାକୁ ପଡ଼ିବ ଟଙ୍କା, କମ୍ପାନି କରୁଛି ପ୍ରସ୍ତୁତି !

ନୂଆଦିଲ୍ଲୀ:ଛୋଟିଆରୁ ଛୋଟିଆ ବିଷୟରେ ଜାଣିବା ପାଇଁ ଗୁଗଲ ସର୍ଚ୍ଚକୁ ବ୍ୟବହାର କରାଯାଇଥାଏ । ବର୍ତ୍ତମାନ ସମୟରେ ଏହି ସୁବିଧାକୁ ଗୁଗଲ ଦ୍ୱାରା ଦେୟମୁକ୍ତରେ ୟୁଜର୍ସଙ୍କ ପାଇଁ ଉପଲବ୍ଧ କରାଯାଉଛି । କିନ୍ତୁ ଏଣିକି ଆଉ ମାଗଣାରେ ଗୁଗଲରେ ସର୍ଚ୍ଚ କରିପାରିବେ ନାହିଁ ! ଗୁଗଲ ସର୍ଚ୍ଚ ପାଇଁ ୟୁଜର୍ସଙ୍କୁ ଟଙ୍କା ଦେବାକୁ ପଡ଼ିପାରେ । ଖବର ଅନୁସାରେ ଗୁଗଲ୍ ନିଜ ୟୁଜର୍ସଙ୍କ ପାଇଁ ଜେନରେଟିଭ ଆର୍ଟିଫିସିୟଲ ଇଣ୍ଟେଲିଜେନ୍ସି (ଏଆଇ) ସହ ପ୍ରିମିୟମ ଫିଚର୍ସ ଦେବା ପାଇଁ ଯୋଜନା କରୁଛି ।

ଏକ ରିପୋର୍ଟରେ କୁହାଯାଇଛି ଯେ ଗୁଗଲ ନିଜ ୟୁଜର୍ସଙ୍କ ସହ ଏକ୍ସପିରିୟନ୍ସକୁ ଅଧିକ ଆକର୍ଷଣୀୟ କରିବା ପାଇଁ ଫିଚର୍ସକୁ ଏକ୍ସପ୍ଲୋର କରିବାକୁ ଯାଉଛି । କମ୍ପାନି ଏଆଇ ପାୱର୍ଡ ଫିଚର୍ସ ୟୁଜରଙ୍କ ପାଇଁ ଆରମ୍ଭ କରିପାରେ । ଯେଉଁ ନୂତନ ପ୍ରିମିୟମ ଫିଚର୍ସ ଯୋଡା ଯିବ ସେଥିପାଇଁ ୟୁଜରଙ୍କୁ ଟଙ୍କା ଖର୍ଚ୍ଚ କରିବାକୁ ପଡ଼ିବ ।

ତେବେ ବର୍ତ୍ତମାନ ସୁଦ୍ଧା Search Generative Experience ବିଷୟରେ ଅଧିକ ସୂଚନା ସାମନାକୁ ଆସି ନାହିଁ । ଏହି ସେବାର ଆରମ୍ଭକୁ ନେଇ ମଧ୍ୟ ବର୍ତ୍ତମାନ କିଛି ସ୍ପଷ୍ଟ କୁହାଯାଇ ପାରିବ ନାହିଁ । ଉଲ୍ଲେଖଯୋଗ୍ୟ ଯେ ଗୁଗଲ ନିକଟରେ ପୂର୍ବରୁ Gemini AI ଅଛି । କୁହାଯାଉଛି ଯେ ଗୁଗଲର ପାରମ୍ପାରିକ ସର୍ଚ୍ଚ ଇଞ୍ଜିନ ଫ୍ରିରେ ୟୁଜର୍ସଙ୍କ ପାଇଁ ଉପଲବ୍ଧ ହେବ, କିନ୍ତୁ ସର୍ଚ୍ଚ ସମୟରେ ଅଧିକ ବିଜ୍ଞାପନ ଦେଖିବାକୁ ପଡ଼ିବ ।