‘ମୋଦି ଆଦାନୀ ଏକ ହୈ’, ଏମିତି ଲେଖାଥିବା ଜ୍ୟାକେଟ ପିନ୍ଧି ଚର୍ଚ୍ଚାରେ ପ୍ରିୟଙ୍କା-ରାହୁଲ

ନୂଆଦିଲ୍ଲୀ,୫।୧୨: ଆଦାନୀ ପ୍ରସଙ୍ଗରେ ଏକ ନିଆରା ଶୈଳୀରେ କଂଗ୍ରେସ ଏମପିମାନେ ଗୁରୁବାର ପାର୍ଲାମେଣ୍ଟରେ ‘ମୋଦୀ ଆଦାନୀ ଗୋଟିଏ’ ସ୍ଲୋଗାନ ଦେଇ ଜ୍ୟାକେଟ ପିନ୍ଧି ପ୍ରଦର୍ଶନ କରିଥିଲେ। ଆମେରିକୀୟ ଓକିଲମାନେ ଆଦାନୀ ଗ୍ରୁପ ଉପରେ ଲାଞ୍ଚ ଅଭିଯୋଗ କରିଛନ୍ତି।
ମୋଦି-ଆଦାନୀ ସ୍ଲୋଗାନ ଦେଇ କଳା ହାଫ୍‌ ଜ୍ୟାକେଟ ପିନ୍ଧି ଲୋକ ସଭାରେ ବିରୋଧୀ ଦଳର ନେତା ରାହୁଲ ଗାନ୍ଧୀ ଏବଂ ଏମପି ପ୍ରିୟଙ୍କା ଗାନ୍ଧୀଙ୍କ ସମେତ ବିରୋଧୀ ଏମପି ଗୁରୁବାର ପାର୍ଲାମେଣ୍ଟ କମ୍ପ୍ଲେକ୍ସରେ ଏକ ପ୍ରତୀକାତ୍ମକ ବିରୋଧ ପ୍ରଦର୍ଶନ କରିଥିଲେ।

ଲୋକ ସଭାରେ ବିରୋଧୀ ଦଳର ନେତା ରାହୁଲ ଗାନ୍ଧୀ କହିଛନ୍ତି, ମୋଦି ଜୀ ଆଦାନୀ ଜୀଙ୍କୁ ଯାଞ୍ଚ କରିପାରିବେ ନାହିଁ କାରଣ ଯଦି ସେ ଏହା କରନ୍ତି, ତେବେ ସେ ନିଜେ ଯାଞ୍ଚ କରିବେ। ମୋଦି ଏବଂ ଆଦାନୀ ଗୋଟିଏ। ଦୁଇ ନୁହେଁ, ଗୋଟିଏ।
ବୁଧବାର, ଅନେକ ଇଣ୍ଡିଆ ମେଣ୍ଟ ଦଳର ନେତାମାନେ ଆଦାନୀ ଅଭିଯୋ ପ୍ରସଙ୍ଗରେ ସଂସଦ କମ୍ପ୍ଲେକ୍ସରେ ବିକ୍ଷୋଭ ପ୍ରଦର୍ଶନ କରିଥିଲେ ଏବଂ ଏହି ଘଟଣାର ମିଳିତ ସଂସଦୀୟ ତଦନ୍ତ ଦାବି କରିଥିଲେ। କଂଗ୍ରେସ, ଏଏପି, ଆରଜେଡି, ଶିବସେନା (ୟୁବିଟି), ଡିଏମକେ ଏବଂ ବାମପନ୍ଥୀ ଦଳର ଏମପିମାନେ ସେମାନଙ୍କ ଦାବି ସପକ୍ଷରେ ସ୍ଲୋଗାନ ଦେଇଥିଲେ। ଏହି ସମୟରେ ବିରୋଧୀ ଏମପିମାନେ ସଂସଦର ମକର ଫାଟକରେ ମୋଦି-ଆଦାନୀ ଗୋଟିଏ ଲେଖାଥିବା ବ୍ୟାନର ଧରିଥିଲେ। ବିରୋଧୀଦଳ ବିରୋଧରୁ ଟିଏମସି ଦୂରତା ବଜାୟ ରଖିଛି।

The post ‘ମୋଦି ଆଦାନୀ ଏକ ହୈ’, ଏମିତି ଲେଖାଥିବା ଜ୍ୟାକେଟ ପିନ୍ଧି ଚର୍ଚ୍ଚାରେ ପ୍ରିୟଙ୍କା-ରାହୁଲ appeared first on Dharitri Odia News.