ରଥ ନିର୍ମାଣର ଷଷ୍ଠ ଦିନ, ତୁମ୍ବ ଗୁଡିକରେ ସୁତା ବାଡ଼ିଆ କରାଯାଇ ହେଲା ବିନ୍ଧ ଅନୁକୂଳ

ପୁରୀ : ବିଶ୍ୱ ପ୍ରସିଦ୍ଧ ରଥଯାତ୍ରା ପାଇଁ ଜୋରସୋରରେ ଆଗେଇ ଚାଲିଛି ରଥ ନିର୍ମାଣ କାର୍ଯ୍ୟ । ଚଳଚଞ୍ଚଳ ରଥଖଳା । ତିନି ରଥର ମୁଖ୍ୟ ବିଶ୍ଵକର୍ମାଙ୍କ ନିର୍ଦ୍ଦେଶରେ ଦ୍ରୁତଗତିରେ ଆଗେଇ ଚାଲିଛି ରଥର ନିର୍ମାଣ କାର୍ଯ୍ୟ । ରଥ ନିର୍ମାଣର ଷଷ୍ଠ ଦିନରେ ତୁମ୍ବ ଗୁଡିକରେ ସୁତା ବାଡ଼ିଆ କରାଯାଇ ସେଥିରେ ବିନ୍ଧ ଅନୁକୂଳ କରାଯାଇଛି  ।

ପବିତ୍ର ଅକ୍ଷୟ ତୃତୀୟାରେ ମହାପ୍ରଭୁଙ୍କ ରଥ ନିର୍ମାଣ କାର୍ଯ୍ୟର ଅନୁକୂଳ କରାଯାଇଥିଲା । ଆସନ୍ତା ନୃସିଂହ ଚତୁର୍ଦ୍ଦଶୀରେ ଗୁଜ ଅନୁକୂଳ ସହ ନୃସିଂହଙ୍କ ଚିତ୍ର ଖୋଦେଇ କରିବେ ରୂପକାର ସେବକ । ଆସନ୍ତା ଭଉଁରୀ ତିଥିରେ ତିନି ରଥର ଦୁଇଟି ଚକ ସହ ଗୋଟିଏ ଅଖ ସଂଯୋଗ କରାଯିବା ଵିଧି ରହିଛି  । ତିନି ରଥର ୪୨ଚକ ଆବଶ୍ୟକ ଥିବା ବେଳେ ବର୍ତ୍ତମାନ ୪୨ଟି ତୁମ୍ବ କଟାଯାଇ ଏଥିରେ ସୁତବାଡିଆ ସହ ବିନ୍ଧ ଅନୁକୂଳ କରିଛନ୍ତି ମୁଖ୍ୟ ବିଶ୍ଵକର୍ମା ସେବକ ।

The post ରଥ ନିର୍ମାଣର ଷଷ୍ଠ ଦିନ, ତୁମ୍ବ ଗୁଡିକରେ ସୁତା ବାଡ଼ିଆ କରାଯାଇ ହେଲା ବିନ୍ଧ ଅନୁକୂଳ appeared first on KNews Odisha.