ରଶ୍ମିକା ମନ୍ଦନାଙ୍କ ପୋଷ୍ଟ ଦେଖି ଖୁସିରେ ଗଦ୍‌ଗଦ୍‌ ହେଲେ ପ୍ରଧାନମନ୍ତ୍ରୀ ମୋଦି

ନୂଆଦିଲ୍ଲୀ,୧୭।୫: ଅଭିନେତ୍ରୀ ରଶ୍ମିକା ମନ୍ଦନା ନ୍ୟାଶନାଲ କ୍ରସ ଜଣାଶୁଣା। ତାଙ୍କୁ ଶେଷ ଥର ପାଇଁ ଆନିମଲ ଫିଲ୍ମରେ ପରଦାରେ ଦେଖିବାକୁ ମିଳିଥିଲା। ଫିଲ୍ମରେ ତାଙ୍କର ଅଭିନୟକୁ ଲୋକମାନେ ବହୁତ ପସନ୍ଦ କରିଥିଲେ। ଏହି ଅଭିନେତ୍ରୀ ଆଜିକାଲି ମୁମ୍ବାଇରେ ଅଛନ୍ତି। ନିକଟରେ ତାଙ୍କର ଏହି ଗସ୍ତ ସମୟରେ ସେ ଭାରତର ବିକାଶକୁ ପ୍ରଶଂସା କରୁଥିବା ଦେଖିବାକୁ ମିଳିଥିଲା। ମୁମ୍ବାଇ ଟ୍ରାନ୍ସ ହାରବର୍‌ ଲିଙ୍କ ଅଟଳ ସେତୁକୁ ପ୍ରଶଂସା କରି ସେ କହିଛନ୍ତି, ବର୍ତ୍ତମାନ ଆମେ ୨୦ ମିନିଟରେ ଦୁଇ […] The post ରଶ୍ମିକା ମନ୍ଦନାଙ୍କ ପୋଷ୍ଟ ଦେଖି ଖୁସିରେ ଗଦ୍‌ଗଦ୍‌ ହେଲେ ପ୍ରଧାନମନ୍ତ୍ରୀ ମୋଦି appeared first on Dharitri Odia News.

ଧରିତ୍ରୀ May 18, 2024 Add to Reading List

ରଶ୍ମିକା ମନ୍ଦନାଙ୍କ ପୋଷ୍ଟ ଦେଖି ଖୁସିରେ ଗଦ୍‌ଗଦ୍‌ ହେଲେ ପ୍ରଧାନମନ୍ତ୍ରୀ ମୋଦି

ନୂଆଦିଲ୍ଲୀ,୧୭।୫: ଅଭିନେତ୍ରୀ ରଶ୍ମିକା ମନ୍ଦନା ନ୍ୟାଶନାଲ କ୍ରସ ଜଣାଶୁଣା। ତାଙ୍କୁ ଶେଷ ଥର ପାଇଁ ଆନିମଲ ଫିଲ୍ମରେ ପରଦାରେ ଦେଖିବାକୁ ମିଳିଥିଲା। ଫିଲ୍ମରେ ତାଙ୍କର ଅଭିନୟକୁ ଲୋକମାନେ ବହୁତ ପସନ୍ଦ କରିଥିଲେ। ଏହି ଅଭିନେତ୍ରୀ ଆଜିକାଲି ମୁମ୍ବାଇରେ ଅଛନ୍ତି। ନିକଟରେ ତାଙ୍କର ଏହି ଗସ୍ତ ସମୟରେ ସେ ଭାରତର ବିକାଶକୁ ପ୍ରଶଂସା କରୁଥିବା ଦେଖିବାକୁ ମିଳିଥିଲା। ମୁମ୍ବାଇ ଟ୍ରାନ୍ସ ହାରବର୍‌ ଲିଙ୍କ ଅଟଳ ସେତୁକୁ ପ୍ରଶଂସା କରି ସେ କହିଛନ୍ତି, ବର୍ତ୍ତମାନ ଆମେ ୨୦ ମିନିଟରେ ଦୁଇ ଘଣ୍ଟାର ଯାତ୍ରା କଭର୍‌ କରିପାରିବା। ବର୍ତ୍ତମାନ ପ୍ରଧାନମନ୍ତ୍ରୀ ମୋଦି ଅଭିନେତ୍ରୀଙ୍କ ପୋଷ୍ଟକୁ ନେଇ ପ୍ରତିକ୍ରିୟା ରଖିଛନ୍ତି।
ରଶ୍ମିକାଙ୍କ ପ୍ରଶଂସା ପୋଷ୍ଟର ପ୍ରତିକ୍ରିୟାରେ ପ୍ରଧାନମନ୍ତ୍ରୀ ମୋଦି ତାଙ୍କ ଏକ୍ସ ଆକାଉଣ୍ଟରେ ଲେଖିଛନ୍ତି, ଅବଶ୍ୟ! ଲୋକଙ୍କୁ ଯୋଡିବା ଏବଂ ଜୀବନକୁ ଉନ୍ନତ କରିବା ଅପେକ୍ଷା କିଛି ଅଧିକ ସନ୍ତୋଷଜନକ ନୁହେଁ।
ରଶ୍ମିକା ନିଜ ଏକ୍ସ ହ୍ୟାଣ୍ଡେଲରେ ଟ୍ରାନ୍ସ ହାରବର୍‌ ଲିଙ୍କରେ ଯାତ୍ରା କରୁଥିବା ଏକ ଭିଡିଓ ଷେୟାର କରିଛନ୍ତି, ଯେଉଁଥିରେ ସେ ଇଞ୍ଜିନିୟରିଂ ଚମତ୍କାର ଏକ ନୂତନ ଭାରତର ଦ୍ୱାର କିପରି ଖୋଲିଛନ୍ତି ତାହା ବ୍ୟାଖ୍ୟା କରିଛନ୍ତି। ତାଙ୍କ ଭିଡିଓରେ ସେ ଭାରତର ବିକାଶ ଏବଂ ଭବିଷ୍ୟତକୁ ବହୁତ ପ୍ରଶଂସା କରିଛନ୍ତି। ତାଙ୍କ ଦର୍ଶକଙ୍କୁ ଭାରତର ବିକାଶ ପାଇଁ ଭୋଟ ଦେବାକୁ କହିଛନ୍ତି।
ଅଭିନେତ୍ରୀ କହିଛନ୍ତି, ନଭି ମୁମ୍ବାଇରୁ ମୁମ୍ବାଇ, ଗୋଆ ମୁମ୍ବାଇ ଏବଂ ବେଙ୍ଗାଲୁରୁ ମୁମ୍ବାଇ ଯାତ୍ରା ବର୍ତ୍ତମାନ ବହୁତ ସହଜ ହୋଇଛି। ଏହି ଚମତ୍କାର ଭିତ୍ତିଭୂମି ଦେଖି ଜଣେ ଗର୍ବିତ ଅନୁଭବ କରୁଛି। ବର୍ତ୍ତମାନ ବିକାଶ ଦୃଷ୍ଟିରୁ ଭାରତକୁ କେହି ଅଟକାଇ ପାରିବେ ନାହିଁ। ଗତ ୧୦ ବର୍ଷ ମଧ୍ୟରେ ଭାରତରେ ବହୁତ ବିକାଶ ହୋଇଛି। ରଶ୍ମିକା ମନ୍ଦନା ଖୁବଶୀଘ୍ର ଅଲୁ ଅର୍ଜୁନଙ୍କ ଫିଲ୍ମ ‘ପୁଷ୍ପା ୨’ରେ ନଜର ଆସିବେ।