ରାଷ୍ଟ୍ରପତି ଦେଶ ଛାଡିବା ପରେ ବାସଭବନରେ ପଶିଲେ ବିଦ୍ରୋହୀ, ବୋହିନେଲେ ସବୁକିଛି

ନୂଆଦିଲ୍ଲୀ ୦୯/୧୨: ମଧ୍ୟ ପ୍ରାଚ୍ୟରେ ଘନେଇଛି ସଂକଟ । ଦେଖିବାକୁ ଅଶାନ୍ତିର ବାତାବରଣ । ଅନେକ ସ୍ଥାନରେ ଯୁଦ୍ଧ ମଧ୍ୟରେ ବିଦ୍ରୋହୀମାନେ ସିରିଆକୁ କବ୍‌ଜା କରିନେଇଛନ୍ତି ।  ରାଷ୍ଟ୍ରପତି ବଶାର ଅଲ-ଅସଦ ତାଙ୍କ ପରିବାର ସହିତ ଋଷରେ ରାଜନୈତିକ ଆଶ୍ରୟ ନେଇଛନ୍ତି । 

ଏହି ସମୟରେ, ସିରିଆରୁ ଏହିପରି ଅନେକ ଚିତ୍ର ବାହାରୁଛି, ଯାହା ଆମକୁ ଶ୍ରୀଲଙ୍କା, ଆଫଗାନିସ୍ତାନ ଏବଂ ବାଂଲାଦେଶକୁ ମନେ ପକାଉଛି । ତାଲିକାରେ ସିରିଆ ହେଉଛି ଚତୁର୍ଥ ଦେଶ, ଯେଉଁଠାରେ ବିଦ୍ରୋହୀମାନେ ଧରିବା ପରେ ରାଷ୍ଟ୍ରପତି ଦେଶ ଛାଡି ପଳାଇଛନ୍ତି । ଏହି ସମୟରେ, ସିରିଆରୁ ଏହିପରି ଅନେକ ଚିତ୍ର ଏବଂ ଭିଡିଓ ବାହାରିଥିଲା, ଯେଉଁଥିରେ ଲୋକମାନେ ରାଷ୍ଟ୍ରିୟ ଭବନ ଭିତରେ ଲୁଟ୍ ଏବଂ ହଙ୍ଗାମା କରୁଥିବା ଦେଖାଯାଇଥିଲା । ସେହିଭଳି ଶ୍ରୀଲଙ୍କାର ରାଷ୍ଟ୍ରପତି ଭବନ, ବାଂଲାଦେଶର ବଙ୍ଗ ଭବନ ଏବଂ କାବୁଲରୁ ମଧ୍ୟ ଏହିପରି ଲୁଟ୍ ଦେଖିବାକୁ ମିଳିଥିଲା । ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ସିରିଆର ଦୟନୀୟ ସ୍ଥିତି । 

ରାଷ୍ଟ୍ରପତି ଭବନକୁ କବ୍‌ଜା କରିନେଇଛନ୍ତି ବିଦ୍ରୋହୀ । ରାଷ୍ଟ୍ରପତି ଭବନରେ ପଶି ଲୋକେ ଉତ୍‌ପାତ କରୁଛନ୍ତି । ସବୁ ଦାମୀ ଜିନିଷ ଲୁଟି ନେବା ସହ ଆସବାବ ପତ୍ର ଭାଙ୍ଗି ରୁଜି ଏଣେତେଣେ ଫୋପାଡିଦେଇଛନ୍ତି । ଏମିତିକି ସାମାଗ୍ରୀ ସବୁ ବୋହିନେବାକୁ ଲୋକଙ୍କ ମଧ୍ୟରେ ପ୍ରତିଯୋଗିତା ଚାଲୁଥିବାର ଦେଖିବାକୁ ମିଳିଛି । 

Russia's decade long effort to prop up Syrian dictator Assad has failed, with rebels in full control after only one week fighting.

Inside Assad's presidential palace, Damascus. pic.twitter.com/wHVqtezBfq— KyivPost (@KyivPost) December 8, 2024

ଲୋକମାନେ ଅନ୍ଧକାରରେ ମଶାଲ ଜାଳି ଜିନିଷ ଖୋଜୁଥିବାରୁ ଦେଖିବାକୁ ମିଳିଛି । ଗୋଟିଏ ଚିତ୍ରରେ ଜଣେ ମହିଳା ଡିଜାଇନର୍ ପୋଷାକ ସହିତ ରାଷ୍ଟ୍ରପତି ଭବନ ଛାଡୁଥିବାର ନଜର ଆସିଛନ୍ତି । ଏମିତିକି ମହିଳା ଜଣଙ୍କ କାନ୍ଧରେ ଏକ ଗଦା ପୋଷାକ ଧରି ଆନନ୍ଦରେ ନାଚୁଛନ୍ତି । ସିରିଆରେ ମଧ୍ୟ ଲୋକମାନେ ରାସ୍ତାରେ ଯାଇ ଗଣତନ୍ତ୍ର, ନାଗରିକ ସ୍ୱାଧୀନତା ଏବଂ ରାଜନୈତିକ ବନ୍ଦୀମାନଙ୍କୁ ମୁକ୍ତ କରିବାକୁ ଦାବି କରିଥିଲେ। 

ବଶର ଅଲ-ଅସଦ ଏହି ବିରୋଧକୁ ଏକ ବିଦେଶୀ ଷଡଯନ୍ତ୍ର ବୋଲି ବର୍ଣ୍ଣନା କରି ବିକ୍ଷୋଭକାରୀଙ୍କୁ ଆତଙ୍କବାଦୀ ବୋଲି କହିଥିଲେ।

ରାଷ୍ଟ୍ରପତି ଭବନରେ ଏକାଠି ହୋଇଥିବା ଜନତା ସମଗ୍ର ରାଷ୍ଟ୍ରପତି ଭବନରେ ହଙ୍ଗାମା କରିଥିଲେ । ତେବେ ଏହି ଫଟୋସବୁ ଆମକୁ ଶ୍ରୀଲଙ୍କା, ଆଫଗାନିସ୍ତାନ ଏବଂ ବାଂଲାଦେଶ ସ୍ଥିତି ମନେ ପକାଇଦେଇଛି । ଯେଉଁଠି ବିଦ୍ରୋହୀମାନେ ସମାନ ଢଙ୍ଗରେ ଲୁଟ୍ ପାଟ କରିଥିଲେ ।