ଲଗାଣ ବର୍ଷା ଯୋଗୁଁ ଗୋପାଳପୁର ରେ ତଳିଆ ଅଞ୍ଚଳରେ ପାଣି ।ଗଛ ଉପୁଡି ରାସ୍ତା ଅବରୋଧ।

ଗୋପାଳପୁର,୦୯/୦୯
ଗତ ଦୁଇଦିନ ଲଘୁଚାପ ପ୍ରଭାବରେ ଉପକୂଳ ଓଡିଶା ରେ ବିକ୍ଷିପ୍ତ ବର୍ଷା ହୋଇଥିବା ବେଳେ ଗୋପାଳପୁର ସମେତ ରଙ୍ଗେଇଲୁଣ୍ଡା ବ୍ଲକ ରେ ମଧ୍ୟ ପ୍ରବଳ ବର୍ଷା ହୋଇଥିବା ପରିଲିକ୍ଷିତ ହୋଇଥିଲା। ଗୋପାଳପୁର ରେ ବିକ୍ଷିପ୍ତ ବର୍ଷା ଯୋଗୁଁ ଓ୍ବାର୍ଡ ନଂ ୧ ଓ ୨ ର ତଳିଆ ଅଞ୍ଚଳର ମେଫେୟାର ରୋଡ କଡ଼ ସାହି ଓ ସତ୍ୟ ସାହି ବାବା ସାହିରେ ବର୍ଷା ଜଳ ଜମିବା ସହ ଘର ମଧ୍ୟରେ ପସି ଯାଇଥିଲା।ଏହା ନେଇ ସାହି ବାସିନ୍ଦା ଙ୍କ ପକ୍ଷରୁ ଏନ ଏ ସି କର୍ତ୍ତୃପକ୍ଷଙ୍କୁ ଅବଗତ କରାଯାଇଥିଲା।ଏନ୍ ଏ ସି ପକ୍ଷରୁ ଉଭୟ ସ୍ଥାନ ରେ ତୁରନ୍ତ କର୍ମଚାରୀ ମାନେ ପମ୍ପ ନେଇ ଉଭୟ ସ୍ଥାନରେ ପହଞ୍ଚି ଜମି ରହିଥିବା ବର୍ଷା ଜଳକୁ ନିଷ୍କାସନ କରିଥିଲେ। ସେହିପରି ଆଜି ସକାଳ ୯ ଟା ବେଳେ ବସଷ୍ଟାଣ୍ଡ ରାସ୍ତା ରେ ଥିବା ଏକ ବିରାଟ ଗଛ ହଠାତ ଉପୁଡ଼ି ପଡି ରାସ୍ତା ଅବରୋଧ କରିଥିଲା।ଖବର ପାଇ ଘଟଣା ସ୍ଥଳରେ ଏନ ଏ ସି ଅଧ୍ୟକ୍ଷ ଏ ଜାନକୀ ରାମ ପହଞ୍ଚି ଅଗ୍ନିଶମ ବିଭାଗ କୁ ଅବଗତ କରାଇବା ସହ ଏନ ଏ ସି କର୍ମଚାରୀ ଓ ଅଗ୍ନିଶମ ବାହିନୀର କର୍ମଚାରୀ ମାନଙ୍କର ସହାୟତା ରେ ଉପୁଡ଼ି ପଡ଼ିଥିବା ଗଛ କୁ ତୁରନ୍ତ ରାସ୍ତା ଉପରୁ ଉଠାଇ ଯାତାୟାତ ସ୍ବାଭାବିକ କରିଥିଲେ।ଏହା ସହ ଏନ ଏ ସି ପକ୍ଷରୁ ଜରୁରୀ କାଳିନ ପରିସ୍ଥିତି ସମୟରେ ସହାୟତା ପାଇଁ ଏକ ହେଲ୍ପ ଲାଇନ ନମ୍ବର ମଧ୍ୟ ଜାରି କରାଯାଇଥିଲା। ସୂଚନା ଯୋଗ୍ୟ ଯେ ଶନିବାର, ରବିବାର ଓ ଆଜି ସୋମବାର ଛୁଟି ଦିବସ ସ୍ବତ୍ତେ ସମସ୍ତ କର୍ମଚାରୀ ଓ ନିଜେ ନିର୍ବାହୀ ଅଧିକାରୀ ମାନସ ରଞ୍ଜନ ମଲ୍ଲିକ ଉପସ୍ଥିତ ରହି କାମ ଗୁଡ଼ିକୁ ସୂଚାରୁ ରୁପେ ସମ୍ପାଦାନ କରିଥିବାରୁ ଅଞ୍ଚଳବାସୀ ଙ୍କ ପକ୍ଷରୁ ସମସ୍ତଙ୍କୁ ସାଧୁବାଦ ଜଣା ଯାଇଛି। ଅନ୍ୟପଟେ ଗୋପାଳପୁର ପାଣିପାଗ କାର୍ଯ୍ୟାଳୟ ପକ୍ଷରୁ ମିଳିଥିବା ତଥ୍ୟ ଅନୁଯାଇ ଗତ ୮ ତାରିଖରେ ଗୋପାଳପୁର ରେ ୬ ତିମି ବର୍ଷା ରେକର୍ଡ଼ ହୋଇଥିବା ବେଳେ ୯ ତାରିଖରେ ଏହା ୯୬ ମିମି ରେକର୍ଡ କରାଯାଇଛି। ସେହିପରି ଏହି ଦୁଇ ଦିନରେ ରଙ୍ଗେଇଲୁଣ୍ଡା ବ୍ଲକ ଅଞ୍ଚଳରେ ୧୭ ତିମି ଓ ୭୨ ମିସ ବର୍ଷା ହୋଇଥିବା ରେକର୍ଡ କରାଯାଇଛି।

The post ଲଗାଣ ବର୍ଷା ଯୋଗୁଁ ଗୋପାଳପୁର ରେ ତଳିଆ ଅଞ୍ଚଳରେ ପାଣି ।ଗଛ ଉପୁଡି ରାସ୍ତା ଅବରୋଧ। appeared first on Odisha.News.