ସଫାରୀ ବସ୍ ଉପରକୁ ଡେଇଁଲା ଚିତାବାଘ, ଆତଙ୍କିତ ଅବସ୍ଥାରେ ପର୍ଯ୍ୟଟକ

ବସ୍ ଭିତରେ ଥାଇ ପର୍ଯ୍ୟଟକ ମାନେ ବେଙ୍ଗାଲୁରୁ ବାନରଘଟ ଜାତୀୟ ଉଦ୍ୟାନର ଦୃଶ୍ୟର ଭରପୂର ମଜା ନେଉଥିଲେ । କିଏ ବସ୍ ଭିତରେ ବସି ମୋବାଇଲ୍ ରେ ଉଦ୍ୟାନର ଭିଡିଓ କରୁଥିଲା ତ କିଏ ଗୋଟି ଗୋଟି କରି ପଶୁ ପକ୍ଷୀ ମାନଙ୍କୁ ଗଣୁଥିଲେ । ଆଉ କିଏ ଝରକା ଫାଙ୍କରେ ଉଦ୍ୟାନର ସୁନ୍ଦର ପରିବେଶକୁ ମନ ଭରି ଉପଭୋଗ କରୁଥିଲେ । କିନ୍ତୁ ସେହି ସମୟରେ ତାଙ୍କ ସହ ଘଟିଗଲା ଏପରି କିଛି ଯାହା ତାଙ୍କୁ ଭୟଭୀତ କରିଥିଲା । କୁନି ପିଲାଠୁ ଆରମ୍ଭ କରି ଉଦ୍ୟାନରେ ପଶୁ ପକ୍ଷୀଙ୍କୁ ଦେଖି ଖୁସି ହେଥିଲେ ଠିକ୍ ଏତିକି ବେଳେ ଗୋଟିଏ ଚିତାବାଘ ସଫାରୀ ବସ୍ ଉପରକୁ ଡେଇଁଲା । ଏହା ଦେଖି ଭୟରେ ଥରିଲେ ପର୍ଯ୍ୟଟକ ।

ଏଇ ଦେଖୁ ନାହାଁନ୍ତି କିପରି ବାଘଟି ବସ୍ କଡ଼ରେ ବୁଲିବା ସହ ପର୍ଯ୍ୟଟକଙ୍କ ଆଡ଼କୁ ଘୁରି ଘୁରି ଚାହୁଁଛି । ଆଉ ଏତେ ପର୍ଯ୍ୟଟକଙ୍କୁ ଦେଖି ଭୟଭୀତ ନ ହୋଇ ଶିକାର ପାଇଁ ପାଖକୁ ଧାଇଁ ଯାଉଛି । ଏପଟେ ବାଘକୁ ଦେଖି କିପରି ଜୀବନ ବଞ୍ଚାଇବେ ବୋଲି ଆଶଙ୍କାରେ ପର୍ଯ୍ୟଟକ । କଣ କରିବେ ଯଦି ବାଘ ବସ୍  ଭିତରକୁ ପ୍ରବେଶ କରିବ ତେବେ ଏମାନଙ୍କ ଅବସ୍ଥା କଣ ହେବ ଟିକିଏ ଭାବିଲେ ।

ତେବେ ବେଙ୍ଗାଲୁରୁର ବାନରଘାଟା ଜାତୀୟ ଉଦ୍ୟାନରେ ନିକଟରେ ଘଟିଥିବା ଏହି ଘଟଣାର ଭିଡ଼ିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏକ ସଫାରି ବସ୍ ଯାଉଥିବା ସମୟରେ ରାସ୍ତାରେ ଏକ ଚିତାବାଘ ବସ୍ ଝରକା ଉପରକୁ ଡେଇଁ ପଡିଥିଲେ । ପରେ ବସ୍ ରେ ଥିବା ପର୍ଯ୍ୟଟକ ମାନେ ଭୟଭୀତ ହୋଇଯାଇଥିଲେ ।

ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳିଛି ଚିତାବାଘଟି ସଫାରି ବସ୍ ଉପରକୁ ଡେଇଁବାକୁ ଚେଷ୍ଟା କରୁଥିବା ଦେଖାଯାଇଛି । ଚିତାବାଘ ମଧ୍ୟ ଝରକା ଦେଇ ମୁଣ୍ଡ ରଖିବାକୁ ଚେଷ୍ଟା କରୁଛି କିନ୍ତୁ ଶତ ଚେଷ୍ଟା ପରେ ମଧ୍ୟ ବସ୍ ଭିତରକୁ ପ୍ରବେଶ କରିପାରୁନାହିଁ । ଆଉ ରାଗରେ ଏପାଖ ସେପାଖ ଚାହିଁ ଧାଉଁଛି । ଏହି ଘଟଣା ବସ୍ ରେ ଥିବା ପର୍ଯ୍ୟଟକଙ୍କ ପାଇଁ ଏକ ବିଶେଷ ମୁହୂର୍ତ୍ତ ସୃଷ୍ଟି କରିଥିଲା ।ବାଘର ଏପରି କାର୍ଯ୍ୟ ଦେଖି ଯାତ୍ରୀମାନେ ଭୟଭୀତ ହୋଇ ବଞ୍ଚାଅ ବଞ୍ଚାଅ ବୋଲି ଚିତ୍କାର କରିଥିଲେ ।

ତେବେ ବସ୍ ଝରକା କାଚରେ ହୋଇ ଥିବାରୁ ବାଘଟି ବସ୍ ଭିତରକୁ ପ୍ରବେଶ କରିପାରି ନଥିଲା । ଯେଉଁଥିପାଇଁ କୌଣସି ଅଘଟଣ ଘଟିପାରି ନାହିଁ । ଏତେ ବଡ଼ ବିପଦରୁ ବର୍ତ୍ତିଯାଇଛନ୍ତି । ଆଉ ସୌଭାଗ୍ୟକୁ ବାଘ ପାଟିରୁ ସମସ୍ତ ପର୍ଯ୍ୟଟକଙ୍କ ଜୀବନ ବଞ୍ଚିପାରିଛି । ଏ ଘଟଣା ଦେଖିବା ପରେ ଯେତିକି ଭୟ ଲାଗୁଛି ସେତିକି ରୋମାଞ୍ଚକର ମଧ୍ୟ ।

The post ସଫାରୀ ବସ୍ ଉପରକୁ ଡେଇଁଲା ଚିତାବାଘ, ଆତଙ୍କିତ ଅବସ୍ଥାରେ ପର୍ଯ୍ୟଟକ appeared first on KNews Odisha.