ହରିୟାଣାରେ ବିଜେପିର ଲହର, ଅନିଲ ବିଜ୍‌ଙ୍କ ଦାବି-ଫେଲ୍ ମାରିବ ଏକ୍ସଜିଟ୍ ପୋଲ୍

ନୂଆଦିଲ୍ଲୀ: ହରିୟାଣା ବିଧାନସଭା ନିର୍ବାଚନକୁ ନେଇ ଆସିଥିବା ସମସ୍ତ ଏକ୍ସଜିଟ୍ ପୋଲ୍ସରେ କଂଗ୍ରସ ସରକାର ଗଠନ କରୁଥିବା ଅନୁମାନ କରାଯାଉଛି । ଏକ୍ସଜିଟ୍ ପୋଲରେ ବିଜେପିକୁ ସର୍ବାଧିକ ୨୦ରୁ ୨୫ ଆସନ ମିଳୁଥିବା କୁହାଯାଉଛି । କିନ୍ତୁ ପାର୍ଟିର ବରିଷ୍ଠ ନେତା ଅନିଲ ବିଜ ଏହି ଏକ୍ସଜିଟ୍ ପୋଲକୁ ଖଣ୍ଡନ କରିଛନ୍ତି । ସେ କହିଛନ୍ତି ଯେ ହରିୟାଣାରେ ବିଜେପିର ଲହର ଚାଲିଛି, ସବୁ ଏକ୍ସଜିଟ୍ ପୋଲ୍ ଭୁଲ ପ୍ରମାଣିତ ହେବ । ସେ କହିଛନ୍ତି ଯେ ହରିୟାଣା କଂଗ୍ରେସ ଭାଗ ଭାଗ ହୋଇ ରହିଛି ଏବଂ ସବୁ ଆସନରେ ତାଙ୍କ ଦଳର ପ୍ରାର୍ଥୀଙ୍କ ସାମନାରେ ତାଙ୍କର ବିଦ୍ରୋହୀ ନିର୍ବାଚନ ଲଢୁଛନ୍ତି । ଏହି ସବୁ ଫ୍ୟାକ୍ଟରକୁ ଏକ୍ସଜିଟ୍ ପୋଲରେ ଦେଖାଯାଇ ନାହିଁ, କିନ୍ତୁ ଆମେ ସବୁ ଜିନିଷକୁ ନୋଟ୍ କରି ରଖିଛୁ ଏବଂ ସେହି ଆଧାରରେ ବିଜେପିକୁ ବହୁମତ ମିଳିବ ବୋଲି ଆମେ ଆମେ କହିପାରିବୁ ।

ଅମ୍ୱାଲା କାଣ୍ଟରୁ ବିଜେପି ପ୍ରାର୍ଥୀ ଅନିଲ ବିଜ କହିଛନ୍ତି ଯେ ୧୦ ବର୍ଷର ସରକାରରେ ଏତେ କାମ ହୋଇଛି ଯେ ଆମେ ପୁଣି ଥରେ ଫେରିବୁ । ଏହି ଅବସରରେ ବିଜେପିରେ ବିଦ୍ରୋହ ଏବଂ ସିଏମ୍ ପାଇଁ ନିଜକୁ ଉପସ୍ଥାପନ କରୁଥିବା ସାମ୍ୱାଦିକ ପ୍ରଶ୍ନ କରିଥିଲେ । ଯାହାର ଜବାବରେ ଅନିଲ ବିଜ କହିଛନ୍ତି, 'ଏହା ବିଦ୍ରୋହ ନୁହେଁ । ମୁଁ ପାର୍ଟି ପାଇଁ ସବୁ ସ୍ତରରେ କାମ କରିଛି । ଯେତେବେଳେ ଅଯୋଧ୍ୟା ଯିବା କଥା ଆସିଥିଲା ସେତେବେଳେ ମୁଁ ସବୁଠୁ ଆଗରେ ରହିଥିଲି । ଅମରୋହାରେ ଚେତନ ଚୌହାନକୁ ନିର୍ବାଚନ ଲଢାଇବା ପାଇଁ ମୁଁ ଆଗକୁ ଆସିଥିଲି । ଏହା ବ୍ୟତୀତ ପାର୍ଟି ମୋତେ ଯାହା ଦାୟିତ୍ୱ ଦେଇଛି, ତାହାକୁ ମୁଁ ନିର୍ବାହ କରିଛି ।'