ହିଜବୁଲ୍ଲା ଉତ୍ତରାଧିକାରୀର ଖେଳ ଶେଷ ! ବିରୁଟ୍ ବିସ୍ଫୋରଣରେ ପ୍ରାଣ ହରାଇଥିବା ସୂଚନା

ନୂଆଦିଲ୍ଲୀ: ମଧ୍ୟପ୍ରାଚ୍ୟରେ ଧୀରେ ଧୀରେ ଗମ୍ଭୀର ହେଉଛି ସ୍ଥିତି । ଗାଜାପଟ୍ଟୀ ଭଳି ଲେବାନନରେ ନରସଂହାର ଆରମ୍ଭ କରିଛି ଇସ୍ରାଏଲ । ଗତ ସପ୍ତାହରେ ଆତଙ୍କବାଦୀ ସଂଗଠନ ହିଜବୁଲ୍ଲାର ମୁଖ୍ୟକୁ ହସନ ନସ୍‌ରଲ୍ଲାହକୁ ହତ୍ୟା କରିଥିଲା ଆଇଡିଏଫ । ଆଉ ଏବେ ନସ୍‌ରଲ୍ଲାହର ଉତ୍ତରାଧିକାରୀ ବା ହିଜବୁଲ୍ଲାର ହେବାକୁ ଥିବା ନୂଆ ମୁଖ୍ୟ ହାସିମ୍ ସଫିଦ୍ଦୀନକୁ ଇସ୍ରାଏଲ ଡିଫେନ୍ସ ଫୋର୍ସ ଟାର୍ଗେଟ୍ କରି ହମଲା କରିଛି । 

ଇସ୍ରାଏଲ ଗଣମାଧ୍ୟମ ଅନୁଯାୟୀ, ଆଇଡିଏଫ ଲେବାନନ ରାଜଧାନୀ ବିରୁଟରେ ଥିବା ଦହିହ ଉପନଗରେ ବଡ଼ ହମଲା କରିଛି । ବିରୁଟ ଇଣ୍ଟର ନ୍ୟାସନାଲ ଏୟାରପୋର୍ଟ ନିକଟରେ ବଡ଼ ଧରଣର ବିସ୍ଫୋରଣ କରିଛି । ରିପୋର୍ଟ କୁହାଯାଇଛି, ହିଜବୁଲ୍ଲା ମୁଖ୍ୟ ହସନ ନସ୍‌ରଲ୍ଲାହକୁ ଯେଉଁ ଭଳି ଭାବେ ଆଇଡିଏଫ ଟାର୍ଗେଟ୍ କରିଥିଲା, ହାସିମ୍ ସଫିଦ୍ଦୀନକୁ ମରିବାକୁ ତା’ଠାରୁ ଅନେକ ଗୁଣା ଅଧିକ ବୋମା ବର୍ଷା କରିଛି ଇସ୍ରାଏଲ ସେନା ।

ଦି ନ୍ୟୁୟର୍କ ଟାଇମ୍ସ ଅନୁଯାୟୀ,  ଗୁରୁବାର ବିଳମ୍ବିତ ରାତିରେ ଇସ୍ରାଏଲ ସେନା ବିରୁଟରେ ଭୀଷଣ ହମଲା କରିଥିଲା । କୁହାଯାଉଛି, ଏହି ସମୟରେ ସଫିଦ୍ଦୀନ ଏକ ଅଣ୍ଡରଗ୍ରାଉଣ୍ଡ ସୁଡ଼ଙ୍ଗରେ ହିଜବୁଲ୍ଲାର ବରିଷ୍ଠ ଅଧିକାରୀଙ୍କ ସହ ବୈଠକ କରୁଥିଲା । ଇସ୍ରାଏଲ ଦ୍ବାରା ନସରଲ୍ଲାହକୁ ନିହତ ହେବା ପରେ ଏହି ସ୍ଥାନରେ ସର୍ବାଧିକ ବାରୁଦ ବର୍ଷା କରୁଛି ଇସ୍ରାଏଲ ସେନା । ତିନି ଇସ୍ରାଏଲୀ ଅଧିକାରୀ ଦି ନ୍ୟୁୟର୍କ ଟାଇମ୍ସକୁ ସୂଚନା ଦେଇ କହିଛନ୍ତି, ଇସ୍ରାଏଲ ଏହି ହମଲାରେ ହାସିମ୍ ସଫିଦ୍ଦୀନ ସହିତ ହିଜବୁଲ୍ଲାର ପ୍ରମୁଖ ନେତାଙ୍କୁ ଟାର୍ଗେଟ୍ କରାଯାଇଛି । ଏଥିରେ ସଫିଦ୍ଦୀନ ପ୍ରାଣ ହରାଇଥିବା କୁହାଯାଉଛି । ତେବେ ଏହାକୁ ନେଇ ଇସ୍ରାଏଲ ଡିଫେନ୍ସ ଫୋର୍ସ ପକ୍ଷରୁ କୌଣସି ବାୟାନ ଆସିନାହିଁ । 

ଆଇଡିଏଫ ବିଶେଷ କରି ଦକ୍ଷିଣ ଲେବାନନରେ ହମଲା ଜାରି ରଖିଛି । ଏଥିରେ ରାଜଧାନୀ ବିରୁଟ୍ ଅଞ୍ଚଳ ସାମିଲ୍ ରହିଛି । ଏଠାରେ ଇସ୍ରାଏଲ ସେନା ଭୀଷଣ ବୋମା ବର୍ଷା କରିଛି । ଫଳରେ ହିଜବୁଲାର ବହୁ ଟପ୍ କମାଣ୍ଡରଙ୍କ ମୃତ୍ୟୁ ହୋଇଥିଲା ଆଶଙ୍କା କରାଯାଉଛି ।..