ହିଜାବକୁ ବାରଣ କଲା ଏହି ମୁସଲିମ ରାଷ୍ଟ୍ର, ନିୟମ ନମାନିଲେ ଜୋରିମାନା

ନୂଆଦିଲ୍ଲୀ: ଭାରତ ସମେତ ବିଶ୍ୱର ଅନେକ ଦେଶରେ ହିଜାବକୁ ନେଇ ଚାଲିଛି ବିତର୍କ। ଏହି ଚର୍ଚ୍ଚା ମଧ୍ୟରେ ହିଜାବକୁ ନେଇ ବଡ ନିଷ୍ପତ୍ତି ନେଇଛି ମୁସଲିମ ରାଷ୍ଟ୍ର। ତାଜିକିସ୍ତାନ ଏହାର ନାଗରିକମାନଙ୍କୁ ହିଜାବ ପିନ୍ଧିବାକୁ ବାରଣ କରିଛି। ଆଶ୍ଚର୍ଯ୍ୟଜନକ କଥା ହେଉଛି ୯୦ ପ୍ରତିଶତରୁ ଅଧିକ ମୁସଲିମ୍ ଜନସଂଖ୍ୟା ଥିବା ଏହି ରାଷ୍ଟ୍ରରେ ସରକାର ନେଇଥିବା ନିଷ୍ପତ୍ତି ସମସ୍ତଙ୍କୁ ଚକିତ କରିଛି।

ରିପୋର୍ଟ ଅନୁଯାୟୀ, ତାଜିକିସ୍ତାନ ସଂସଦର ଉଚ୍ଚ ସଦନ ମଜଲିସି ମିଲି ଜୁନ୍ ୧୯ରେ ଏକ ଆଇନ ପ୍ରଣୟନ କରିଥିଲେ। ଏହି ନିୟମ ଅନୁଯାୟୀ, ଦୁଇଟି ପ୍ରମୁଖ ଇସଲାମ ପର୍ବ ‘ଇଦ୍-ଉଲ୍-ଫିତର’ ଏବଂ ‘ଇଦ୍-ଉଲ୍-ଜୁହା’ ସମୟରେ “ବିଦେଶୀ ପୋଷାକ” ଏବଂ ପିଲାମାନଙ୍କର ଉତ୍ସବ ନିଷେଧ କରାଯାଇଛି। ତାଜାକିସ୍ତାନ ସଂସଦର ନିମ୍ନ ଗୃହ ମଜଲିସି ନାମୋୟାଣ୍ଡାଗାନ୍ ତାଜିକିସ୍ତାନ ନିଷେଧ ହିଜାବକୁ ମେ ୮ରେ ଅନୁମୋଦନ କରିଛନ୍ତି।

ତାଜିକିସ୍ତାନ ସରକାର କହିଛନ୍ତି ଯେ ମହିଳାମାନେ ହିଜାବ ପିନ୍ଧିବା ଉଚିତ ନୁହେଁ। ତାଜିକିସ୍ତାନ ସରକାରଙ୍କ ଆଇନରେ କରାଯାଇଥିବା ନୂତନ ସଂଶୋଧନ ଅନୁଯାୟୀ, ଆଇନ ଉଲ୍ଲଂଘନ ପାଇଁ ଜୋରିମାନା ଆଦାୟ କରାଯାଇପାରେ। ଏହାର ଅର୍ଥ ହେଉଛି ଯଦି ତାଜିକ୍ ମହିଳାମାନେ ହିଜାବ ପିନ୍ଧନ୍ତି, ତେବେ ସେମାନଙ୍କୁ ଭାରି ଜୋରିମାନା ଦେବାକୁ ପଡିବ।

ଏହି ଆଇନ ଉଲ୍ଲଂଘନକାରୀଙ୍କୁ ତାଜିକ୍ ମୁଦ୍ରା 7,920 ସୋମୋନିରୁ ଏବଂ 39,500 ସୋମୋନି ମଧ୍ୟରେ ଜୋରିମାନା କରାଯାଇପାରେ। ଏହି ଅପରାଧ ଘଟାଇଥିବା ସରକାରୀ ଅଧିକାରୀ ଏବଂ ଧାର୍ମିକ ଅଧିକାରୀଙ୍କୁ ଯଥାକ୍ରମେ 54,000 ସୋମୋନିରୁ 57,600 ସୋମୋନି ପର୍ଯ୍ୟନ୍ତ ଜରିମାନା କରାଯିବ ବୋଲି ଚେତାବନୀ ଦିଆଯାଇଛି।