୨୦ ଘଣ୍ଟା ପରେ ମିଳିଲା ମୃତଦେହ, ଗତକାଲି ଭୋଜି କରିବାକୁ ଭୀମକୁଣ୍ଡକୁ ଆସିଥିଲେ ୧୭ ପର୍ଯ୍ୟଟକ

କରଞ୍ଜିଆ: ୨୦ ଘଣ୍ଟା ପରେ ମିଳିଲା ମୃତଦେହ । ମୟୂରଭଞ୍ଜରେ ବୈତରଣୀ ନଦୀରେ ନିଖୋଜ ଥିବା ବ୍ୟକ୍ତିଙ୍କ ମୃତଦେହ ମିଳିଛି। ମୃତକ ହେଲେ ଜଗତସିଂହପୁର ଜିଲ୍ଲା ବାଲିକୁଦା ଅଞ୍ଚଳର ବିଶ୍ବଜିତ।  ଗତକାଲି ଭୋଜି କରିବାକୁ ଭୀମକୁଣ୍ଡକୁ ଆସିଥିଲେ ୧୭ଜଣ ପର୍ଯ୍ୟଟକ । ବୈତରଣୀ ନଦୀରେ ଗାଧୋଉଥିିବାବେଳେ ବିଶ୍ବଜିତ ବୁଡିଯାଇଥିଲେ । ବହୁ ଖୋଜାଖୋଜି ପରେ ଗତକାଲି ମୃତଦେହ ମିଳିନଥିଲା। ରାତି ହୋଇଯିବାରୁ ବନ୍ଦ ରହିଥିଲା ଉଦ୍ଧାର କାର୍ଯ୍ୟ । ଆଜି ସକାଳୁ ପୁଣି ଖୋଜାଖୋଜି କରିବା ପରେ ମୃତଦେହ ଉଦ୍ଧାର କରିଛି ଓଡ୍ରାଫ୍ ଟିମ୍ ।

ସୂଚନା ଅନୁସାରେ ସେଠାରେ ବୈତରଣୀ ନଦୀର ଭୀମକୁଣ୍ଡର ଉପରମୁଣ୍ଡରେ ସେମାନଙ୍କ ମଧ୍ୟରୁ କେତେଜଣ ନଦୀ ପାଣିରେ ଗାଧୋଉଥିଲେ । ଗାଧୋଉଥିବା ସମୟରେ ବିଶ୍ୱଜିତ ନଦୀ ପାଣିରେ ଭାସି ଯାଇ ନିଖୋଜ ହୋଇଯାଇଥିଲେ । ଏନେଇ ଅନ୍ୟମାନେ ଠାକୁରମୁଣ୍ଡା ଥାନାକୁ ସୂଚନା ଦେବା ପରେ ଠାକୁରମୁଣ୍ଡା ଅଗ୍ନିଶମ ବିଭାଗ ଓ ଠାକୁରମୁଣ୍ଡା ଥାନା ପୋଲିସ ଘଟଣାସ୍ଥଳରେ ପହଞ୍ଚିଥିଲେ ।

Also read:ଭୀମକୁଣ୍ଡରେ ଗାଧୋଉଥିବା ବେଳେ ଭାସି ଯାଇ ଜଣେ ନିଖୋଜ, ବଣଭୋଜି କରିବାକୁ ଆସିଥିଲେ

The post ୨୦ ଘଣ୍ଟା ପରେ ମିଳିଲା ମୃତଦେହ, ଗତକାଲି ଭୋଜି କରିବାକୁ ଭୀମକୁଣ୍ଡକୁ ଆସିଥିଲେ ୧୭ ପର୍ଯ୍ୟଟକ appeared first on KNews Odisha.