ଅଧଘଣ୍ଟାରେ ଭାଙ୍ଗିଲା ବିବାହ: ସାତଫେରା ସରିଥିଲା, କନ୍ୟା ବିଦାୟୀ ସମୟରେ ଘଟିଲା ଏମିତି କିଛି….

ଲକ୍ଷ୍ନୌ,୨୬।୫: ଉତ୍ତର ପ୍ରଦେଶର ପ୍ରୟାଗରାଜରେ ଏକ ଅଜବ ଘଟଣା ଘଟିଛି। ଏଠାରେ ଏକ ଝିଅର ବିବାହ ବହୁତ ଧୂମଧାମରେ ଅନୁଷ୍ଠିତ ହୋଇଥିଲା। ବରଣମାଳା ପଡିଥିଲା। ସାତଫେରା ମଧ୍ୟ ହୋଇଥିଲା। କିନ୍ତୁ କନ୍ୟା ବିଦାୟ ସମୟରେ ଏମିତି କିଛି ଘଟିଥିଲା, ଯାହା ଫଳରେ ବର ଘର ପକ୍ଷରୁ ବିବାହ ଭାଙ୍ଗି ଦିଆଯାଇଥିଲା। ୂ ଏହି ଘଟଣାଟି ପ୍ରୟାଗରାଜର ମୌଇମାରେ ଘଟିଛି। ସୂଚନା ଅନୁଯାୟୀ, ମୌଆଇମାର ଏକ ଗାଁରେ ରହୁଥିବା ଜଣେ ଝିଅର ବିବାହ କୌଶାମ୍ବୀ ଜିଲାରେ ରହୁଥିବା ଜଣେ ଯୁବକଙ୍କ ସହିତ ସ୍ଥିର ହୋଇଥିଲା। ଏହି ବିବାହକୁ ନେଇ ଉଭୟ ପରିବାରରେ ଏକ ଉତ୍ସବର ପରିବେଶ ଥିଲା। ବର ବଡ଼ ଧୁମଧାମରେ ବରଯାତ୍ରୀ ଧରି ବିବାହ ମଣ୍ଡପରେ ପହଞ୍ଚିଥିଲେ। ଏହା ପରେ ବରଣମାଳା ଏବଂ ସାତଫେରା ସହିତ ଅନୁଷ୍ଠିତ ହୋଇଥିଲା। ବିଦାୟୀ ସମୟରେ କନ୍ୟା ଜୋରରେ କାନ୍ଦିବାକୁ ଲାଗିଥିଲେ। ସେହି ସମୟରେ, ବର ଏବଂ ତାଙ୍କ ପରିବାର ଜାଣିବାକୁ ପାଇଲେ ଯେ କନ୍ୟା ଜଣକ ଖନି। କଥା କହିବା ବେଳେ ତାଙ୍କ ପାଟି ଲାଗେ। ତାଙ୍କ ସ୍ବର ଶୁଣି ବର ଏବଂ ତାଙ୍କ ପରିବାର ଆଶ୍ଚର୍ଯ୍ୟ ହୋଇଗଲେ। ବରପକ୍ଷ ଏହି ବିବାହକୁ ଗ୍ରହଣ କରି ନ ଥିଲେ। ଏହା ପରେ ଦୁଇ ପକ୍ଷ ମଧ୍ୟରେ ବିବାଦ ବଢ଼ିଲା ଏବଂ ମାମଲା ପଞ୍ଚାୟତ ପର୍ଯ୍ୟନ୍ତ ପହଞ୍ଚିଲା।

ଉଭୟ ପକ୍ଷର ମାନ୍ୟଗଣ୍ୟ ବ୍ୟକ୍ତିମାନେ ଏକାଠି ବସି ଏହି ପ୍ରସଙ୍ଗ ଉପରେ ଆଲୋଚନା କରିଥିଲେ। ପଞ୍ଚାୟତରେ ଉଭୟ ପକ୍ଷଙ୍କ ମଧ୍ୟରେ ଦୀର୍ଘ ସମୟ ଆଲୋଚନା ହୋଇଥିଲା ଏବଂ ଶେଷରେ ନିଷ୍ପତ୍ତି ନିଆଯାଇଥିଲା ଯେ ଏହି ବିବାହ ପରେ ମଧ୍ୟ କନ୍ୟା ତାଙ୍କ ଶ୍ୱଶୁର ଘରେ ଖୁସିରେ ରହିପାରିବେ ନାହିଁ। ଏହି ବିବାହ ଏଠାରେ ଶେଷ ହେବା ଉଚିତ। ତା’ପରେ ଉଭୟ ପକ୍ଷ ପରସ୍ପରର ସମ୍ମତିରେ ପରସ୍ପରର ଜିନିଷପତ୍ର ଫେରାଇ ଦେଲେ। ବର ନିଜ ଘରକୁ ଫେରିଯାଇଥିଲେ।

The post ଅଧଘଣ୍ଟାରେ ଭାଙ୍ଗିଲା ବିବାହ: ସାତଫେରା ସରିଥିଲା, କନ୍ୟା ବିଦାୟୀ ସମୟରେ ଘଟିଲା ଏମିତି କିଛି…. appeared first on Dharitri Odia News.