ଅପରାହ୍ନ ୪ଟାରେ ମୋଦି ଦେଖିବେ ‘ଦ ସାବରମତି ରିପୋର୍ଟ’

ନୂଆଦିଲ୍ଲୀ,୨।୧୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ଅପରାହ୍ନ ୪ଟାରେ ବିକ୍ରାନ୍ତ ମେସିଙ୍କ ଅଭିନୀତ ଚଳଚ୍ଚିତ୍ର ‘ଦ ସାବରମତି ରିପୋର୍ଟ’ ଦେଖିବେ। ସୂଚନାଯୋଗ୍ୟ, ଏହି ଚଳଚ୍ଚିତ୍ରଟି ନ୍ୟାୟ ବ୍ୟବସ୍ଥା, ସମାଜ ଏବଂ ବ୍ୟକ୍ତିଗତ ସଂଘର୍ଷକୁ ଗତିଶୀଳ ହୋଇଛି। ମୁଭିର କାହାଣୀ ଗଭୀର ସାମାଜିକ ସମସ୍ୟାକୁ ଆଲୋକିତ କରିଥାଏ ଏବଂ ନ୍ୟାୟର ଜଟିଳତାକୁ ଦର୍ଶାଏ। ସୂଚନାନୁସାରେ, ପୂର୍ବରୁ ପ୍ରଧାନମନ୍ତ୍ରୀ ମୋଦି ଏହି ଚଳଚ୍ଚିତ୍ରର ପ୍ରଶଂସା କରିଥିଲେ ଏବଂ ଏହାକୁ ସମାଜ ପାଇଁ ଗୁରୁତ୍ୱପୂର୍ଣ୍ଣ ବୋଲି କହିଥିଲେ।
ଏହି ମୁଭିରେ ବିକ୍ରାନ୍ତ ମେସି ମୁଖ୍ୟ ଭୂମିକାରେ ଅଭିନୟ କରିଛନ୍ତି। ତାଙ୍କର ଅଭିନୟ ଫିଲ୍ମକୁ ଏକ ସ୍ବତନ୍ତ୍ର ପରିଚୟ ଦେଇଛି। ମୁଭିରେ ସେ ଜଣେ ଆଇନଜୀବୀ ଭୂମିକାରେ ଅଭିନୟ କରୁଛନ୍ତି ଯିଏ ତାଙ୍କ ଆଦର୍ଶ ଏବଂ ନ୍ୟାୟ ପାଇଁ ଲଢନ୍ତି। ତାଙ୍କର ଶକ୍ତିଶାଳୀ ପ୍ରଦର୍ଶନ ଏବଂ ଚିତ୍ତାକର୍ଷକ ସଂଳାପ ଚଳଚ୍ଚିତ୍ର ସମିକ୍ଷକଙ୍କୁ ଆଶ୍ୱସ୍ତ କରିପାରିଛି।

ଫେବୃଆରୀ ୨୦୦୨ରେ ଘଟିଥିବା ଗୋଧ୍ରା ଘଟଣାର ସତ୍ୟତା ଏବଂ ଗଣମାଧ୍ୟମର ଭୂମିକା ଉପରେ ଆଧାରିତ ଫିଲ୍ମ ଧ‘ଦ ସାବରମତି ରିପୋର୍ଟ’ ଦର୍ଶକଙ୍କ ମଧ୍ୟରେ ଚର୍ଚ୍ଚାର ବିଷୟ ପାଲଟିଛି। ଏହି ମୁଭିର କାହାଣୀ ସମର କୁମାର (ବିକ୍ରାନ୍ତ ମେସି) ନାମକ ଜଣେ ହିନ୍ଦୀ ଏଣ୍ଟରଟେନମେଣ୍ଟ ଜର୍ନାଲିଷ୍ଟଙ୍କୁ ଘେରିଛି, ଯାହାକୁ ଇଂରାଜୀ ସାମ୍ବାଦିକମାନେ ଅବମାନନା କରୁଛନ୍ତି। ଅନ୍ୟପକ୍ଷରେ, ମାଣିକା ରାଜପୁରୋହିତ (ରିଦ୍ଧି ଡୋଗ୍ରା) ଜଣେ ଜ୍ୱଳନ୍ତ ତଥା ଲୋକପ୍ରିୟ ନ୍ୟୁଜ ଆଙ୍କର୍‌ ଯିଏ ତାଙ୍କ ମାଲିକଙ୍କ ନିର୍ଦ୍ଦେଶରେ ମିଥ୍ୟା ରିପୋର୍ଟ କରନ୍ତି । ଗୋଧ୍ରା ଘଟଣାର ସତ୍ୟତାକୁ ପ୍ରକାଶ କରିବା ପାଇଁ ସମର ଦୃଢ ପ୍ରମାଣ ପାଆନ୍ତି, କିନ୍ତୁ ଗଣମାଧ୍ୟମ ଭିତରେ ଥିବା ଦୁର୍ନୀତି ଏବଂ ମିଥ୍ୟା ଖବର ଦେଖାଇବା ଷଡଯନ୍ତ୍ର ତାଙ୍କ ପାଇଁ ଏକ ବଡ଼ ବିପଦ।

The post ଅପରାହ୍ନ ୪ଟାରେ ମୋଦି ଦେଖିବେ ‘ଦ ସାବରମତି ରିପୋର୍ଟ’ appeared first on Dharitri Odia News.