ଆମେରିକାର ୟୁଟର୍ଣ୍ଣ, ଏବେ ଇସ୍ରାଏଲକୁ ଏକ ବିଲିୟନ ଡଲାରର ହତିଆର ଦେବ; କିଛି ଦିନ ତଳେ ଲଗାଇଥିଲା ରୋକ୍

ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଜୋ ବାଇଡେନ୍ ଇସ୍ରାଏଲକୁ ଏକ ବିଲିୟନ ଡଲାର ହତିଆର ଦିଆଯିବ ବୋଲି ସଂସଦରେ ଘୋଷଣା କରିଛନ୍ତି । ଆମେରିକାର ଏହି ନିଷ୍ପତ୍ତି ତାର ସେହି ଘୋଷଣାର ବିପରୀତ ଯେଉଁଥିରେ ଇସ୍ରାଏଲକୁ ବୋମା ଯୋଗାଣ ବନ୍ଦ କରାଯିବ ବୋଲି କହିଥିଲା । ଇସ୍ରାଏଲକୁ ବୋମା ସପ୍ଲାଇ ଉପରେ ଆମେରିକା ନିଜ ପୂର୍ବ ଆଦେଶରେ ରୋକ ଲଗାଇଥିଲା । ଆମେରିକା ପୂର୍ବରୁ କହିଥିଲା ଯେ ବୋମା ଯୋଗାଣ ଉପରେ ରୋକ୍ ଏଥିପାଇଁ ଲଗାଯାଉଛି, ଫଳରେ ଇସ୍ରାଏଲ୍ ଏହାକୁ ଗାଜା ପଟ୍ଟିର ସହର ରାଫା ଉପରେ ପ୍ରୟୋଗ କରିବ ନାହିଁ । ଅନ୍ୟପଟେ କିନ୍ତୁ ଏବେ ବାଇଡେନ ଇସ୍ରାଏଲକୁ ଏକ ବିଲିୟନ ଡଲାର ହତିଆର ଦେବ ବୋଲି ଘୋଷଣା କରିଛନ୍ତି ।

ଏହି ସୂଚନା ଆମେରିକୀୟ ସଂସଦର ତିନି ଜଣ କର୍ମଚାରୀ ସୂଚନା ଦେଇଛନ୍ତି । ସେ କହିଛନ୍ତି ଯେ ହତିଆରର ରପ୍ତାନୀ କେବେଠାରୁ ଆରମ୍ଭ ହେବ ତାହା ଏବେ ସ୍ପଷ୍ଟ ହୋଇ ନାହିଁ । ଗତ ସପ୍ତାହରେ ଆମେରିକା ରାଷ୍ଟ୍ରପତି ଜୋ ବାଇଡେନ ପ୍ରଥମ ଥର ପାଇଁ ସାର୍ବଜାନୀନ ରୂପେ ଇସ୍ରାଏଲକୁ ଚେତାବନୀ ଦେଇଥିଲେ ଯେ ଯଦି ଇସ୍ରାଏଲୀ ସେନା ଦକ୍ଷିଣ ଗାଜାର ରାଫା ସହର ଉପରେ ଆକ୍ରମଣ କରେ, ତେବେ ଆମେରିକା ହତିଆର ଯୋଗାଣ ବନ୍ଦ କରିବ ।

ବାଇଡେନ୍ ସ୍ୱୀକାର କରିଥିଲେ ଯେ ଇସ୍ରାଏଲ ଦ୍ୱାରା ଗାଜାରେ ନାଗାରିକଙ୍କୁ ମାରିବା ପାଇଁ ଆମେରିକୀୟ ହତିଆରକୁ ପ୍ରୟୋଗ କରାଯାଉଛି । କିଛି ଦିନ ତଳେ ଗାଜା ସ୍ୱାସ୍ଥ୍ୟ ମନ୍ତ୍ରଣାଳୟ କହିଥିଲା ଯେ ଇସ୍ରାଏଲ ଦ୍ୱାରା ଏବେ ସୁଦ୍ଧା ୩୪,୭୮୯ ଫିଲିସ୍ତୀନୀଙ୍କ ହତ୍ୟା କରାଯାଇଛି, ଯେଉଁଥିରୁ ଅଧିକାଂଶ ନିରୀହ ନାଗରିକ । ଇସ୍ରାଏଲ୍ ଚଳିତ ସପ୍ତାହରେ ରାଫା ଉପରେ ଆକ୍ରମଣ କରିଥିଲା, ଯେଉଁଠି ୧୦ ଲକ୍ଷରୁ ଅଧିକ ଫିଲିସ୍ତୀନୀ ଶରଣ ନେଇଛନ୍ତି ।