ଉତ୍ତରାଖଣ୍ଡର ହରିଦ୍ୱାର ଜେଲରୁ ୨ କଏଦୀ ଫେରାର, ନବରାତ୍ରି ଲାଗି ଜେଲରେ ଚାଲିଥିଲା ରାମଳୀଳା ଆୟୋଜନ

ହରିଦ୍ୱାର : ଉତ୍ତରାଖଣ୍ଡର ହରିଦ୍ୱାର ଜେଲରୁ ୨ କଏଦୀ ଫେରାର ହେବା ଏବେ ଚାଞ୍ଚଲ୍ୟ ସୃଷ୍ଟି କରିଛି ।  କୁହାଯାଉଛି ଜେଲରେ ନିର୍ମାଣ କାମ ଚାଲିଥିଲା, ଏହାର ଫାଇଦା ଉଠାଇ କଏଦୀ ଫେରାର ହୋଇଯାଇଛନ୍ତି ।  ରିପୋର୍ଟ ଅନୁସାରେ ନବରାତ୍ରି ଲାଗି ଜେଲରେ ରାମଳୀଳା ଆୟୋଜନ କରାଯାଇଥିଲା ।  ଫେରାର ୨ କଏଦୀ ବାନର ଭୂମିକାରେ ଅଭିନୟ କରୁଥିଲେ। ଅଧିକାରୀ ଓ କର୍ମଚାରୀ ରାମଲୀଳା ଦେଖିବାରେ ମଗ୍ନ ଥିବା ବେଳେ ସେମାନେ ସୁଯୋଗ ଦେଖି ଫେରାର ହୋଇଯାଇଛନ୍ତି ।

ଯେତେବେଳେ ସମସ୍ତ ଅଧିକାରୀ ଏବଂ ବନ୍ଦୀମାନେ ରାମଲୀଳା ଦେଖିବାରେ ବ୍ୟସ୍ତ ଥିଲେ । ଏହାର ସୁଯୋଗ ନେଇ ବାନର ହୋଇଥିବା କଏଦୀମାନେ କାନ୍ଥ ଡେଇଁ ପଳାଇଥିଲେ। ବନ୍ଦୀ ପଙ୍କଜ ରୁର୍କିର ବାସିନ୍ଦା, ସେ ଏକ ହତ୍ୟା ମାମଲାରେ ଦଣ୍ଡ ଭୋଗୁଛନ୍ତି ଏବଂ ବନ୍ଦୀ ରାଜକୁମାର ଉତ୍ତରପ୍ରଦେଶର ଗୋଣ୍ଡାର ବାସିନ୍ଦା ।  ସେ ଜଣେ ଅନ୍ତେବାସୀ ବନ୍ଦୀ । ସୁଯୋଗ ପାଇବା ମାତ୍ରେ ଦୁହେଁ ଜେଲରୁ ଖସି ପଳାଇଥିଲେ ସୂଚନାନୁସାରେ, ଜେଲରୁ ଏକ ଉଚ୍ଚ ସୁରକ୍ଷା ବ୍ୟାରେକ ନିର୍ମାଣ କରାଯାଉଥିଲା, ଏଠାରେ ଏକ ସିଡ଼ି ଲାଗିଥିଲା । ଏହାକୁ ବ୍ୟବହାର କରି ବନ୍ଦୀମାନେ ପଳାଇ ଯାଇଥିବା କୁହାଯାଉଛି । ଏହି ଘଟଣା ସମ୍ପର୍କରେ ସୂଚନା ଦେବାବେଳେ ଜିଲ୍ଲା ଜେଲର ବରିଷ୍ଠ ଜେଲ୍ ଅଧୀକ୍ଷକ ମନୋଜ କୁମାର ଆର୍ଯ୍ୟ କହିଛନ୍ତି ଘ ଟଣା ଘଟିବା ସମୟରେ ସେ ଛୁଟିରେ ଥିଲେ ।

କାହା ଭୁଲ ଯୋଗୁ ଜେଲରୁ କଏଦୀ ଫେରାର ହେଲେ ତାର ଏବେ ଯାଞ୍ଚ ଚାଲିଛି ।  ତେବେ ବରିଷ୍ଠ ଜେଲ ଅଧିକ୍ଷକ ଘଟଣା ବେଳେ ଛୁଟିରେ ଥିଲେ ବୋଲି କହିଛନ୍ତି । ଏଣୁ କଏଦୀ କିପରି ଫେରାର ହେଲେ ସେ ସଠିକ କହିପାରି ନାହାନ୍ତି ।  ତେବେ ରାତିରେ ବ୍ୟାରାକ ବନ୍ଦ କରାଯିବା ବେଳେ କଏଦୀମାନଙ୍କୁ ଗଣାଯାଏ । ଏହି ଗଣତି ବେଳେ ୨ ବନ୍ଦୀ ଅନୁପସ୍ଥିତ ଥିବା ଜଣାପଡିଥିଲା। ଏହା ପରେ ଜେଲର ସିସିଟିଭି ଯାଞ୍ଚ କରାଯାଇଥିଲା। ସେଥିରେ କଏଦୀ ନିର୍ମାଣ ପାଇଁ ବନ୍ଧା ଯାଇଥିବା ଭାରାରେ ଚଢି ଫେରାର ହେଉଥିବା ଦେଖାଯାଇଥିଲା ।

ବରିଷ୍ଠ ଜେଲ ଅଧୀକ୍ଷକ କହିଛନ୍ତି ଯେ କାହାର ଦୋଷ ରହିଛି ତାହା ଜାଣିବା ପାଇଁ ତଦନ୍ତ କରାଯାଉଛି । ସୂଚନା ଅନୁଯାୟୀ, ଯେତେବେଳେ ରାତିରେ ବ୍ୟାରେକ ବନ୍ଦ ହୋଇଯାଏ, ସେତେବେଳେ ବନ୍ଦୀମାନଙ୍କୁ ଗଣନା କରାଯାଏ ।  ରାତିରେ ଗଣନା ଆରମ୍ଭ ହେବା ପରେ ଦୁଇଜଣ କଏଦୀ ନିଖୋଜ ଥିବା ଜଣାପଡିଥିଲା । ଜଣାପଡିଥିଲା ​​ଯେ ଉଭୟେ ସିଡ଼ି ବ୍ୟବହାର କରି ଜେଲରୁ ପଳାଇ ଯାଇଛନ୍ତି ।

The post ଉତ୍ତରାଖଣ୍ଡର ହରିଦ୍ୱାର ଜେଲରୁ ୨ କଏଦୀ ଫେରାର, ନବରାତ୍ରି ଲାଗି ଜେଲରେ ଚାଲିଥିଲା ରାମଳୀଳା ଆୟୋଜନ appeared first on KNews Odisha.