ଗୋମାଂସରୁ ଦୂରେଇ ରୁହନ୍ତି ସଲମାନ ଖାନ୍, କହିଲେ- ଗାଈ ଆମର ମାଆ

ମୁମ୍ଵାଇ ୦୧।୦୪; ବଲିଉଡ୍‌ର ଭାଇଜାନ ସଲମାନ ଖାନ। ତାଙ୍କର ୩୦ ବର୍ଷର କ୍ୟାରିଅରରେ ସେ ଏକ ବିଶାଳ ଫ୍ୟାନ୍ ବେସ୍ ହାସଲ କରିଛନ୍ତି । ବଲିଉଡ୍‌ର ଭାଇଜାନ୍‌ ସଲମାନ ଖାନ୍‌ ପ୍ରାୟତଃ କୌଣସି ନା କୌଣସି କାରଣରୁ ଚର୍ଚ୍ଚାରେ ରହିଥାନ୍ତି । ନିଜ ବାଦଶାହ ଭଳି ଲାଇଫ୍‌ଷ୍ଟାଇଲ୍‌ ଯୋଗୁ ମଧ୍ୟ ସେ ସବୁବେଳେ ଲାଇମ୍‌ ଲାଇଟ୍‌ରେ ରହିଥାନ୍ତି। ଫ୍ୟାନ୍ସମାନେ ସବୁବେଳେ ତାଙ୍କ ବ୍ୟକ୍ତିଗତ ଜୀବନ ବିଷୟରେ ଅଧିକ ଜାଣିବାକୁ ଆଗ୍ରହୀ ଥାନ୍ତି ।

ଏକ ସାକ୍ଷାତକାରରେ ସଲମାନ ଖାନ ତାଙ୍କ ବିଷୟରେ ପ୍ରାୟତଃ ପଚରାଯାଉଥିବା କିଛି ପ୍ରଶ୍ନର ଉତ୍ତର ସ୍ପଷ୍ଟ ଭାବରେ ଦେଇଥିଲେ । ତେବେ ସବୁଠାରୁ ଅଧିକ ପଚରାଯାଉଥିବା ପ୍ରଶ୍ନ ଗୁଡ଼ିକ ମଧ୍ୟରୁ ଗୋଟିଏ ଥିଲା ତାଙ୍କର ଖାଦ୍ୟ ପସନ୍ଦ ବିଷୟରେ। ଯାହାର ଉତ୍ତରରେ ସଲମାନ କହିଥିଲେ, "ସବୁକିଛି । ମୁଁ କେବଳ ଗୋମାଂସ ଏବଂ ଘୁଷୁରୀ ମାଂସ ଖାଏ ନାହିଁ ।" ଧର୍ମ ଉପରେ ନିଜର ବିଶ୍ୱାସକୁ ବ୍ୟାଖ୍ୟା କରି ସେ ଜୋର ଦେଇ କହିଲେ, "ଗାଈ ଆମର ଗୋ -ମାଆ" ।

ମୁଁ ବିଶ୍ୱାସ କରେ ଗାଈ ଆମ ମା' କାରଣ ମୋ ନିଜ ମା' ବି ଜଣେ ହିନ୍ଦୁ । ମୋ ବାପା ଜଣେ ମୁସଲମାନ । ମୋର ଦ୍ୱିତୀୟ ମା ହେଲେନ୍ ଜଣେ ଖ୍ରୀଷ୍ଟିଆନ… ଆମେ ପରିବାରରେ ସବୁ ଧର୍ମର ଲୋକ ଅଛନ୍ତି ।" ତେଣୁ ସଲମାନ ସମସ୍ତ ଧର୍ମ ଏବଂ ସଂସ୍କୃତିକୁ ଗଭୀର ସମ୍ମାନ ଦିଅନ୍ତି । ସଲମାନ ନିଜ ଜୀବନ ଏବଂ ବ୍ୟକ୍ତିତ୍ୱ ବିଷୟରେ ସବୁକିଛି ଏଥିରେ ଖୁବ ସରଳ ଭାବରେ କହିଥିଲେ । ଯେଉଁଥିପାଇଁ ଏହି ସାକ୍ଷାତକାର ଖୁବ ଭାଇରାଲ ହେବାରେ ଲାଗିଛି ।