ଚୋରି ସାମଗ୍ରୀ କିଣିବା ପଡିଛି ମହଙ୍ଗା , ଦୁଇ ବ୍ୟବସାୟୀ ଅଟକ

ଆନନ୍ଦପୁର ୧୨।୦୩ : ଚୋରି ସାମଗ୍ରୀ  କିଣିବା ପଡିଛି ମହଙ୍ଗା । ଚୋରି ସୁନା ଓ ପିତଳ ସାମଗ୍ରୀ ଚୋର ଠାରୁ କିଣିଥିବା ଦୁଇ ଜଣଙ୍କୁ  ଉଠାଇ ନେଇଛି ପୋଲିସ୍ । ଘଷିପୁରା ବସଷ୍ଟାଣ୍ଡ  ନିକଟ ପ୍ରତିଷ୍ଠିତ ସୁନା ବ୍ୟବସାୟୀ ଦାମଦର ସାହୁ ଓ ଘଷିପୁରା ଚେକ୍ ଗେଟ୍ ନିକଟ ଦୋକାନୀ ମଦନ ମୋହନ ସାହୁଙ୍କୁ ଉଠାଇ ନେଇ ଆନନ୍ଦପୁର ଏସଡିପିଓଙ୍କ କାର୍ଯ୍ୟାଳୟ ଠାରେ ଚାଲିଛି ଜେରା ।

ସେହିପରି ରାମଚନ୍ଦ୍ରପୁର ଥାନା ଅଞ୍ଚଳର ବିଭିନ୍ନ ସ୍ଥାନରୁ ଚୋରୀ ଘଟଣାରେ ସୋମବାର ରାତିରେ ଜଣେ ଯୁବକଙ୍କୁ ଗିରଫ କରିଥିଲା ପୋଲିସ୍ । ଆଜି ଉକ୍ତ ଯୁବକର ସୁଚନା ଆଧାରରେ ସୁନା ଓ ପିତଳ ସାମଗ୍ରୀ ଖରିଦ କରିଥିବା ଦୋକାନୀଙ୍କୁ ଚିହ୍ନଟ ପରେ ଉଠାଇଥିଲା ପୋଲିସ୍ । ବ୍ୟବସାୟୀ ଦାମୋଦର ସାହୁ ସଂପୃକ୍ତ  ଯୁବକ ଠାରୁ ଚୋରୀ ସୁନା କିଣିଥିବା ଓ ବ୍ୟବସାୟୀ ମଦନ ସାହୁ ବହୁ ପରିମାଣର ଚୋରୀ ପିତ୍ତଳ ସାମଗ୍ରୀ କିଣିଥିବା ସୂଚନା ମିଳିଛି ।