ନରେନ୍ଦ୍ର ମୋଦିଙ୍କ ବିକଳ୍ପ କିଏ, ଜାଣନ୍ତୁ କ’ଣ କହିଲେ ଶଶି ଥରୁର

ନୂଆଦିଲ୍ଲୀ,୩।୪: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କେବଳ ଦେଶରେ ନୁହେଁ, ବିଦେଶରେ ବି ବେଶ୍‌ ଲୋକପ୍ରିୟ। ତାଙ୍କ ନେତୃତ୍ୱରେ ତୃତୀୟଥର ଭାଜପା ଦେଶରେ ଶାସନ କରିବାକୁ ଯାଉଥିବା ଚର୍ଚ୍ଚା ହେଉଛି। ତେବେ ଦେଶରେ ନରେନ୍ଦ୍ର ମୋଦିଙ୍କ ବିକଳ୍ପ କିଏ ତାହାକୁ ନେଇ ବେଶ୍‌ ଆଲୋଚନା ହେଉଛି। ଏହାସହ ଜଡିତ ଏକ ପ୍ରଶ୍ନକୁ କଂଗ୍ରେସ ଏମ୍‌ପି ଶଶି ଥରୁର ଚତୁରତାର ସହ ଉତ୍ତର ଦେଇଛନ୍ତି। ସେ କହିଛନ୍ତି, ଏହି ପ୍ରଶ୍ନ ଭୁଲ ଅଟେ, କାରଣ ଆମେ କୌଣସି ବ୍ୟକ୍ତିଙ୍କୁ ନୁହେଁ ବରଂ ଏକ ଦଳ ବା ଦଳର ସଂଗଠନ ଚୟନ କରିଥାଉ।
ଥରୁର କହିଛନ୍ତି, ପ୍ରଧାନମନ୍ତ୍ରୀଙ୍କ ପାଇଁ ଯିଏ ପସନ୍ଦ ହେବ, ସେ ଜଣେ ଅଭିଜ୍ଞ, ଦକ୍ଷ ତଥା ବିବିଧ ଭାରତୀୟ ନେତା ହେବେ, ଯିଏ ଲୋକଙ୍କ ସମସ୍ୟା ପ୍ରତି ପ୍ରତିକ୍ରିୟାଶୀଳ ହେବେ ଏବଂ ବ୍ୟକ୍ତିଗତ ଅଂହକାର ରହିବ ନାହିଁ। ଜଣେ ବ୍ୟକ୍ତିଙ୍କୁ ପ୍ରଧାନମନ୍ତ୍ରୀ ଭାବରେ ବାଛିବା ଏକ ଗୁରୁତର ବିଚାର।
କେରଳର ଥିରୁଭାନନ୍ତପୁରମର ତିନିଥର ଏମ୍‌ପି ରହିଥିବା ଥରୁର ଚତୁର୍ଥ ଥର ପାଇଁ ଏଠାରୁ ଲୋକ ସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛନ୍ତି। ସେ ଏହି ଆସନରୁ ବିଜେପି ପ୍ରାର୍ଥୀ ରାଜୀବ ଚନ୍ଦ୍ରଶେଖର ଏବଂ ବାମପନ୍ଥୀ ପ୍ରାର୍ଥୀ ପ୍ୟାନନ ରାଭେନ୍ଦ୍ରନଙ୍କ ବିରୋଧରେ ପ୍ରତିଦ୍ୱନ୍ଦ୍ୱିତା କରିବେ।

The post ନରେନ୍ଦ୍ର ମୋଦିଙ୍କ ବିକଳ୍ପ କିଏ, ଜାଣନ୍ତୁ କ’ଣ କହିଲେ ଶଶି ଥରୁର appeared first on Dharitri Odia News.