ନାବାଳିକାଙ୍କୁ ଘରକୁ ଡାକି ସାଙ୍ଗ ମାନଙ୍କ ସହିତ କଲେ ଗଣବଳାତ୍କାର, ୪ ନାବାଳକ ଗିରଫ

ନୂଆଦିଲ୍ଲୀ,୧୫।୨: ରାଜସ୍ଥାନର କୋଚିଂ ହବ୍ କୋଟରେ ଜଣେ ନାବାଳିକାଙ୍କୁ ଚାରି ସହପାଠୀ ଗଣବଳାତ୍କାର କରିଥିବା ଅଭିଯୋଗ ହୋଇଛି। ଏହି ଘଟଣାରେ ୪ ନାବାଳକଙ୍କୁ ଗିରଫ କରିଥିବା ପୋଲିସ କହିଛି। ନାବାଳିକା ଜଣକ କୁନ୍ହାଡି ଥାନାରେ ଘଟଣା ସମ୍ପର୍କରେ ଅଭିଯୋଗ କରିବା ପରେ ଏହି ମାମଲା ସାମ୍ନାକୁ ଆସିଥିଲା। ଏହି ଘଟଣା ଲ୍ୟାଣ୍ଡମାର୍କ କୋଚିଂ ଏରିଆର ଏକ ଫ୍ଲାଟରେ ଘଟିଥିବା ଜଣାପଡିଛି।

ଅତିରିକ୍ତ ପୋଲିସ ଅଧୀକ୍ଷକ ଉମା ଶର୍ମା କହିଛନ୍ତି ଫେବୃଆରୀ ୧୦ ରେ ଏହି ଘଟଣା ଘଟିଥିବା ବେଳେ ଫେବୃଆରୀ ୧୩ ରେ ଥାନାରେ ମାମଲା ରୁଜୁ ହୋଇଥିଲା। ଏହା ପରେ ପୋଲିସ ତୁରନ୍ତ ସକ୍ରିୟ ହୋଇ ପୀଡିତାଙ୍କୁ ମେଡିକାଲରେ ଯାଞ୍ଚ କରିଥିଲା। ପୋଲିସର ସୂଚନାନୁସାରେ, ପୀଡିତା ଛାତ୍ର ଜଣକ ଅଭିଯୁକ୍ତଙ୍କୁ ଆଗରୁ ଜାଣିଥିଲେ ଏବଂ ତାଙ୍କ ଫ୍ଲାଟକୁ ଦେଖା କରିବାକୁ ଯାଇଥିଲେ। ଯେଉଁଠାରେ ଅନ୍ୟ ନାବାଳକମାନଙ୍କ ସହ ମିଶି ସେ ତାଙ୍କୁ ବଳାତ୍କାର କରିଥିଲେ।

ସୂଚନା ମୁତାବକ ପୀଡିତା ଜଣକ ସୋସିଆଲ ମିଡିଆ ମାଧ୍ୟମରେ ଜଣେ ବାଳକଙ୍କ ସଦାହ ପରିଚୟ ହୋଇଥିଲେ। ଏହାପରେ କିଛି ସମୟ ତାଙ୍କ ସହ ଯୋଗାଯୋଗରେ ରହିଥିଲେ। ଏହାପରେ ବାଳକ ପୀଡିତାଙ୍କୁ ସାକ୍ଷାତ କରିବାକୁ ତାଙ୍କ ଘରକୁ ଡାକିଥିଲା। ତେବେ ପୀଡିତା ଫ୍ଲାଟରେ ପହଞ୍ଚିବା ପରେ ସେଠାରେ ତାଙ୍କୁ ଗଣବଳାତ୍କାର କରାଯାଇଥିଲା। ପୀଡିତା ମୂଳତ ହରିୟାଣାର ବାସିନ୍ଦା ଏବଂ ବର୍ତ୍ତମାନ କୋଟାରେ କୋଚିଂ ନେଉଛନ୍ତି।

ପୋଲିସର ତଦନ୍ତରୁ ଜଣାପଡିଛି ଯେ ଜଣେ ନାବାଳକ ଛାତ୍ରଙ୍କୁ ବଳାତ୍କାର କରିଥିବା ଚାରିଜଣ ଅଭିଯୁକ୍ତ ପଶ୍ଚିମବଙ୍ଗ, ବିହାର ଏବଂ ଅନ୍ୟାନ୍ୟ ରାଜ୍ୟରୁ ଆସି କୋଚିଂ ନେଉଛନ୍ତି। ଏହି ମାମଲାର ସମ୍ପୂର୍ଣ୍ଣ ତଦନ୍ତ ବର୍ତ୍ତମାନ ଡିଏସପି ଖେଲ ସିଂଙ୍କ ଦ୍ୱାରା କରାଯାଉଛି।

The post ନାବାଳିକାଙ୍କୁ ଘରକୁ ଡାକି ସାଙ୍ଗ ମାନଙ୍କ ସହିତ କଲେ ଗଣବଳାତ୍କାର, ୪ ନାବାଳକ ଗିରଫ appeared first on Dharitri Odia News.