ପିଏମ ସୂର୍ଯ୍ୟ ଘର ମୁକ୍ତ ବିଦ୍ୟୁତ ଯୋଜନା ଆରମ୍ଭ: ମାସକୁ ମାଗଣାରେ ମିଳିବ ୩୦୦ ୟୁନିଟ ବିଜୁଳି…

ନୂଆଦିଲ୍ଲୀ,୧୩।୨ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ପ୍ରଧାନମନ୍ତ୍ରୀ ସୂର୍ଯ୍ୟ ଘର ମୁକ୍ତ ବିଦ୍ୟୁତ ଯୋଜନା ଆରମ୍ଭ କରିଛନ୍ତି। ଏହି ଯୋଜନା ଅନ୍ତର୍ଗତ ସରକାର ପ୍ରତି ମାସରେ ୩୦୦ ୟୁନିଟ ପର୍ଯ୍ୟନ୍ତ ମାଗଣା ବିଦ୍ୟୁତ ଯୋଗାଇ ଏକ କୋଟି ଘରକୁ ଆଲୋକିତ କରିବାକୁ ଲକ୍ଷ୍ୟ ରଖିଛନ୍ତି। ପ୍ରଧାନମନ୍ତ୍ରୀ ମଙ୍ଗଳବାର ଟୁଇଟ କରି ଏହି ସୂଚନା ଦେଇଛନ୍ତି।

ପ୍ରଧାନମନ୍ତ୍ରୀ କହିଛନ୍ତି ଲୋକଙ୍କ ନିରନ୍ତର ବିକାଶ ତଥା କଲ୍ୟାଣ ପାଇଁ ଆମେ ପ୍ରଧାନମନ୍ତ୍ରୀ ସୂର୍ଯ୍ୟ ଘର: ମାଗଣା ବିଦ୍ୟୁତ ଯୋଜନା ଆରମ୍ଭ କରୁଛୁ। ୭୫,୦୦୦ କୋଟିରୁ ଅଧିକ ବିନିଯୋଗରେ ଏହି ପ୍ରକଳ୍ପ ପ୍ରତି ମାସରେ ୩୦୦ ୟୁନିଟ ପର୍ଯ୍ୟନ୍ତ ମାଗଣା ବିଦ୍ୟୁତ ଯୋଗାଇ ୧ କୋଟି ଘରକୁ ଆଲୋକିତ କରିବାକୁ ଲକ୍ଷ୍ୟ ରଖିଛି।

ଲୋକଙ୍କ ବ୍ୟାଙ୍କ ଆକାଉଣ୍ଟରେ ସିଧାସଳଖ ଦିଆଯାଉଥିବା ସବସିଡି ଠାରୁ ଆରମ୍ଭ କରି ଗଭୀର ରିହାତି ବ୍ୟାଙ୍କ ଋଣ ପର୍ଯ୍ୟନ୍ତ କେନ୍ଦ୍ର ସରକାର ନିଶ୍ଚିତ କରିବେ ଲୋକଙ୍କ ଉପରେ କୌଣସି ଖର୍ଚ୍ଚ ହେବ ନାହିଁ। ସେ କହିଛନ୍ତି ସମସ୍ତ ହିତାଧିକାରୀଙ୍କୁ ଏକ ଜାତୀୟ ଅନଲାଇନ ପୋର୍ଟାଲରେ ଏକୀଭୂତ କରାଯିବ, ଯାହା ଆହୁରି ସହଜ ହେବ।

ପ୍ରଧାନମନ୍ତ୍ରୀ କହିଛନ୍ତି ତୃଣମୂଳ ସ୍ତରରେ ମାଗଣା ବିଦ୍ୟୁତ ଯୋଜନାକୁ ଲୋକପ୍ରିୟ କରିବା ପାଇଁ ସହରାଞ୍ଚଳ ସ୍ଥାନୀୟ ସଂସ୍ଥା ଏବଂ ପଞ୍ଚାୟତଗୁଡିକ ନିଜ ଅଧୀନରେ ଛାତର ସୌର ପ୍ରଣାଳୀକୁ ପ୍ରୋତ୍ସାହିତ କରିବେ। ଆହୁରି ମଧ୍ୟ, ଏହି ଯୋଜନା ଦ୍ୱାରା ଅଧିକ ଆୟ, ବିଦ୍ୟୁତ ବିଲ କମ ଏବଂ ଲୋକଙ୍କ ପାଇଁ ରୋଜଗାର ସୃଷ୍ଟି ହେବ।

ପ୍ରଧାନମନ୍ତ୍ରୀ ସୌର ଶକ୍ତି ଏବଂ ନିରନ୍ତର ପ୍ରଗତି ପାଇଁ ଲୋକଙ୍କୁ ନିବେଦନ କରିଛନ୍ତି ଏବଂ କହିଛନ୍ତି ଯେ ମୁଁ ସମସ୍ତ ଆବାସିକ ଗ୍ରାହକ, ବିଶେଷ କରି ଯୁବବର୍ଗମାନଙ୍କୁ ପ୍ରଧାନମନ୍ତ୍ରୀ ସୂର୍ଯ୍ୟ ଘର: https://pmsuryagarh.gov.in ରେ ଆବେଦନ କରି ମାଗଣା ବିଦ୍ୟୁତ ଯୋଜନାକୁ ମଜବୁତ କରିବାକୁ ଅନୁରୋଧ କରୁଛି।

The post ପିଏମ ସୂର୍ଯ୍ୟ ଘର ମୁକ୍ତ ବିଦ୍ୟୁତ ଯୋଜନା ଆରମ୍ଭ: ମାସକୁ ମାଗଣାରେ ମିଳିବ ୩୦୦ ୟୁନିଟ ବିଜୁଳି… appeared first on Dharitri Odia News.