ମୁମ୍ବାଇ ଏୟାରପୋର୍ଟ ଏବଂ ତାଜ୍ ହୋଟେଲକୁ ବୋମା ଧମକ, ଯାଞ୍ଚ କରୁଛି ପୋଲିସ

ମୁମ୍ବାଇ ଛତ୍ରପତି ଶିବାଜୀ ମହାରାଜ ଅନ୍ତର୍ଜାତୀୟ ଏୟାରପୋର୍ଟ ଏବଂ ତାଜ ହୋଟେଲକୁ ବୋମା ଧମକ । ବୋମା ବିସ୍ଫୋରଣରେ ଉଡ଼ାଇବାକୁ ଧମକ ମିଳିଛି । ମୁମ୍ବାଇ ଏୟାରପୋର୍ଟ ପୋଲିସକୁ ଇମେଲ ଜରିଆରେ ମେସେଜ ମିଳିଛି । ଧମକ ମିଳିବା ପରେ ପୋଲିସ ହାଇ ଆଲର୍ଟରେ ରହି ସମସ୍ତ ସ୍ଥାନକୁ ତଲାସୀ କରୁଛି ।

ଇମେଲରେ କୁହାଯାଇଛି କି, ତାଜ ହୋଟେଲ ଏବଂ ମୁମ୍ବାଇ ଏୟାରପୋର୍ଟକୁ ବୋମାରେ ଉଡ଼ାଇବାକୁ ଧମକ ମିଳିଛି । ମେଲରେ ଆତଙ୍କୀ ଅଫଜଲ ଗୁରୁ ଏବଂ ସେବକ୍କୁ ଶଙ୍କରକୁ ଅନ୍ୟାୟ ଭାବେ ଦଣ୍ଡ ମିଳିଥିବା ନେଇ ଧମକ ମିଳିଛି । ମେଲ୍ କରିଥିବା ଅଭିଯୁକ୍ତକୁ ଟ୍ରାକ କରିବା ପାଇଁ ପୋଲିସ ଚେଷ୍ଟା କରୁଛି । ଧମକ ମିଳିବା ପରେ ପୋଲିସ ଏବଂ ସୁରକ୍ଷା ଏଜେନ୍ସୀ ଯାଞ୍ଚ ଆରମ୍ଭ କରିଛି ।

ତେବେ ଏହାପୂର୍ବରୁ ମୁମ୍ବାଇ ଏୟାରପୋର୍ଟରୁ ଆଇଏସଆଇଏସ ପୁଣେ ସ୍ଲିପର ମଡ୍ୟୁଲ୍ସ କେସରେ ଫେରାର ଥିବା ୨ ଆତଙ୍କୀକୁ ଗିରଫ କରାଯାଇଥିଲା । ଏନଆଇଏ ୨୦୨୩ ପୁଣେ ଆଇଇଡି ବିସ୍ଫୋରକ ତିଆରି କରୁଥିବା ମାମଲାରେ ଦୁଇ ଜଣ ମୋଷ୍ଟ ୱାଣ୍ଟେଡ ଫେରାର ଆତଙ୍କୀକୁ ଏୟାରପୋର୍ଟରୁ ଗିରଫ କରିଥିଲା ।

ସୂଚନାଯୋଗ୍ୟ, ୨୨ ଏପ୍ରିଲରେ ପହଲଗାମ ଆତଙ୍କୀ ଆକ୍ରମଣରେ ୨୬ ଜଣ ପର୍ଯ୍ୟଟକ ପ୍ରାଣ ହରାଇଥିଲେ । ଏହାର ଯବାବରେ ଭାରତ ଅପରେସନ ସିନ୍ଦୂର କରି ପାକିସ୍ତାନ ଓ ପିଓକେରେ ଥିବା ୯ଟି ଆତଙ୍କୀ ଶିବିରକୁ ଧ୍ବଂସ କରିଥିଲା । ଏହି ଅପରେସନରେ ୧୦୦ରୁ ଅଧିକ ଆତଙ୍କବାଦୀ ନିହତ ହୋଇଥିଲେ । ଭାରତର ଏୟାର ଷ୍ଟ୍ରାଇକରେ ପାକିସ୍ତାନକୁ ବହୁତ କ୍ଷତି ପହଞ୍ଚିଛି । ତେବେ ଏହାରି ମଧ୍ୟରେ ମୁମ୍ବାଇ ଏୟାରପୋର୍ଟ ଏବଂ ତାଜ ହୋଟେଲକୁ ବୋମା ଧମକ ଚର୍ଚ୍ଚାରେ ରହିଛି ।

Also Read : ବଢିଲା ପାକିସ୍ତାନର ଟେନସନ୍, ଭାରତକୁ ସମର୍ଥନ କଲା ଆଫଗାନିସ୍ତାନ

The post ମୁମ୍ବାଇ ଏୟାରପୋର୍ଟ ଏବଂ ତାଜ୍ ହୋଟେଲକୁ ବୋମା ଧମକ, ଯାଞ୍ଚ କରୁଛି ପୋଲିସ appeared first on KNews Odisha.