ରାଜ୍ୟ କ୍ୟାବିନେଟରେ ୧୭ ପ୍ରସ୍ତାବକୁ ମୋହର, ବ୍ଲକଗ୍ରାଣ୍ଡ ଶିକ୍ଷକଙ୍କୁ ଏକକାଳୀନ ମିଳିବ ଅଵସର ସହାୟତା

ଭୁବନେଶ୍ୱର : ରାଜ୍ୟ କ୍ୟାବିନେଟରେ ୧୭ ପ୍ରସ୍ତାବକୁ ମୋହର । ପ୍ରାଥମିକ ଶିକ୍ଷକଙ୍କ ବେତନ ହାରରେ ହେବ ପରିବର୍ତ୍ତନ । ନୂତନ ଅନୁଦାନପ୍ରାପ୍ତ ଉଚ୍ଚ ବିଦ୍ୟାଳୟ ଶିକ୍ଷକ ଓ ସଂସ୍କୃତ ଟୋଲ ଶିକ୍ଷକଙ୍କୁ ୬ ଲକ୍ଷ ଓ ଅଣଶିକ୍ଷକଙ୍କୁ ୪ ଲକ୍ଷ ଟଙ୍କା ଅବସରକାଳୀନ ସହାୟତା ମିଳିବ। ସେହିଭଳି ନୂତନ ଅନୁଦାନପ୍ରାପ୍ତ ଉଚ୍ଚ ମାଧ୍ୟମିକ ବିଦ୍ୟାଳୟ ଓ ମଦ୍ରାସା ଶିକ୍ଷକଙ୍କୁ ୫ ଲକ୍ଷ ଟଙ୍କା ମିଳିବ। ବ୍ଲକଗ୍ରାଣ୍ଡ ଶିକ୍ଷକଙ୍କୁ ଏକକାଳୀନ ମିଳିବ ସହାୟତା ।

ଅଵସର ପରେ ଶିକ୍ଷକଙ୍କୁ ୧୦ ଲକ୍ଷ ଓ ଅଣଶିକ୍ଷକଙ୍କୁ ୫ ଲକ୍ଷ ଟଙ୍କା ସହାୟତା ମିଳିବ । ଏଥିପାଇଁ ୯୫୨ ଶିକ୍ଷକ ଓ ୧୦୨୫ ଜଣ ଅଣଶିକ୍ଷକ ଉପକୃତ ହେବେ। ଏଣିକି ନୂଆ ଛାତ୍ର ବୃତ୍ତି ଗାଇଡଲାଇନରେ ସଂଶୋଧନ ହୋଇଛି। ଅଣବୈଷୟିକ ୟୁଜି ଓ ପିଜି ଛାତ୍ରଛାତ୍ରୀ ଏହି ଛାତ୍ରବୃତ୍ତିର ଲାଭ ପାଇ ପାରିବେ। ପୂର୍ବରୁ କେବଳ ଉଚ୍ଚ ଶିକ୍ଷା ବିଭାଗ ଅଧିନରେ ପଢୁଥିବା ଛାତ୍ରଛାତ୍ରୀ ଏଥିରୁ ଲାଭ ପାଉଥିଲେ।

ଢେଙ୍କାନାଳ ଜିଲ୍ଲାର ବିରାଶାଳରେ ହେବ ବିଜୁ ପଟ୍ଟନାୟକ ଆଭିଏସନ୍ ସେଣ୍ଟର । ଏଥିରେ ବାର୍ଷିକ ୫୦୦ ଜଣ ପାଇଲଟଙ୍କୁ ତାଲିମ ଦିଆଯିବ। ପାଇଲଟ ଟ୍ରେନିଂ, ସିମୁଲେଟର ଟ୍ରେନିଂ, କ୍ୟାବିନ କ୍ରିଉ ଟ୍ରେନିଂ ଦିଆଯିବ। ଏଥିପାଇଁ ୫୬୨ କୋଟି ଟଙ୍କା ଖର୍ଚ୍ଚ ହେବ। ସବୁ ବ୍ଲକ୍ ଓ ପ୍ରମୁଖ ଉପଖଣ୍ଡରେ ଆମ ବସ୍ ଷ୍ଟାଣ୍ଡ ହେବ। ଏଥିପାଇଁ ୩୧୮ ଟି ସ୍ଥାନ ଚିହ୍ନଟ ହୋଇଛି।

The post ରାଜ୍ୟ କ୍ୟାବିନେଟରେ ୧୭ ପ୍ରସ୍ତାବକୁ ମୋହର, ବ୍ଲକଗ୍ରାଣ୍ଡ ଶିକ୍ଷକଙ୍କୁ ଏକକାଳୀନ ମିଳିବ ଅଵସର ସହାୟତା appeared first on KNews Odisha.