ରାଶନ ଘୋଟାଲା ମାମଲାରେ ଗିରଫ ହେଲେ ଟିଏମସି ନେତା

କୋଲକାତା,୬।୧: ପଶ୍ଚିମବଙ୍ଗର ବହୁ ଚର୍ଚ୍ଚିତ ରାଶନ ଘୋଟାଲା ମାମଲାରେ ଇଡି ତ୍ରୁଣମୂଳ କଂଗ୍ରେସ(ଟିଏମସି) ନେତା ତଥା ପୂର୍ବତନ ବେନଗାଁବ ପୌରପାଳିକାର ଅଧ୍ୟକ୍ଷ ଶଙ୍କର ଆଧ୍ୟାଙ୍କୁ ଗିରଫ କରିଛି। ଶଙ୍କର ଆଧ୍ୟାଙ୍କୁ ବଙ୍ଗଳାର ଉତ୍ତର ୨୪ପ୍ରଗଣାରୁ ଗିରଫ କରାଯାଇଛି।

ନ୍ୟୁଜ ଏଜେନ୍ସି ଏଏନଆଇ ଦ୍ୱାରା ପୋଷ୍ଟ କରାଯାଇଥିବା ଭିଡିଓରେ ଇଡି ଅଧିକାରୀମାନେ ଶଙ୍କର ଆଧ୍ୟାଙ୍କୁ ଏକ ଗାଡିରେ ନେଉଥିବାର ନଜର ଆସିଛନ୍ତି। ଗିରଫ ସମୟରେ ଘଟଣାସ୍ଥଳରେ ମଧ୍ୟ ଏକ ବିରାଟ ଭିଡ଼ ଦେଖିବାକୁ ମିଳିଥିଲା। ଏଏନଆଇ ରିପୋର୍ଟ ଅନୁଯାୟୀ, ଶୁକ୍ରବାର ରାତିରେ ଏକ ଇଡି ଟିମ ଆଧ୍ୟାଙ୍କ ଶ୍ୱଶୁରଙ୍କ ବାସଭବନରେ ଚଢାଉ କରିଥିଲା।
ନ୍ୟୁଜ ଏଜେନ୍ସି ପିଟିଆଇ ଅନୁଯାୟୀ ଶୁକ୍ରବାର ପଶ୍ଚିମବଙ୍ଗର ୨୪ ପ୍ରଗଣା ଜିଲାରେ ହୋଇଥିବା ଚଢାଉ ସମୟରେ ଏହାର ଅଧିକାରୀମାନେ ଆକ୍ରମଣରେ ଗୁରୁତର ଆହତ ହୋଇଥିଲେ ଏବଂ ମୋବାଇଲ ଫୋନ, ୱାଲେଟ ଭଳି ଜିନିଷପତ୍ର ଲୁଟ ହୋଇଥିଲା। ଶୁକ୍ରବାର ବିଳମ୍ବିତ ରାତିରେ ଜାରି ହୋଇଥିବା ଏକ ସରକାରୀ ବିବୃତ୍ତିରେ ଫେଡେରାଲ ଏଜେନ୍ସି କହିଛି ଯେ ଅଭିଯୁକ୍ତଙ୍କ ବିରୋଧରେ ଏଫଆଇଆର ପଞ୍ଜିକରଣ କରିବା ପାଇଁ ସ୍ଥାନୀୟ ପୋଲିସ ନିକଟରେ ଅଭିଯୋଗ କରିଛି।
ପଶ୍ଚିମବଙ୍ଗରେ ତାଙ୍କ ବାସଭବନରେ ଚଢାଉ ବେଳେ ଟିଏମସି ନେତାଙ୍କ ସହାୟକଙ୍କ ଉପରେ ହୋଇଥିବା ଆକ୍ରମଣ ସମ୍ପର୍କରେ ଇଡି ଅଧିକାରୀମାନେ ‘ଦୁଇଟି ସେଟ’ ପ୍ରସ୍ତୁତ କରୁଛନ୍ତି ବୋଲି ଜଣେ ବରିଷ୍ଠ ଅଧିକାରୀ ଶୁକ୍ରବାର କହିଛନ୍ତି। ଅଧିକାରୀମାନେ କହିଛନ୍ତି ଯେ ଏହି ରିପୋର୍ଟ ଶନିବାର ସୁଦ୍ଧା ଇଡିର ନୂଆଦିଲ୍ଲୀ କାର୍ଯ୍ୟାଳୟକୁ ପଠାଯିବ ଏବଂ ସେମାନଙ୍କର ପରବର୍ତ୍ତୀ କାର୍ଯ୍ୟାନୁଷ୍ଠାନ ସେଠାରେ ସେମାନଙ୍କ ବରିଷ୍ଠମାନଙ୍କ ଦ୍ୱାରା ସ୍ଥିର ହେବ।

#WATCH | North 24 Parganas, West Bengal: Enforcement Directorate (ED) arrested former Bongaon Municipality Chairman Shankar Adhya, in connection with a ration scam case. pic.twitter.com/heorEuBBjb

— ANI (@ANI) January 6, 2024

The post ରାଶନ ଘୋଟାଲା ମାମଲାରେ ଗିରଫ ହେଲେ ଟିଏମସି ନେତା appeared first on Dharitri Odia News.