୧୭ ବର୍ଷରୁ କମ୍ ଓଡ଼ିଶା କବାଡ଼ି ଦଳରେ ସବ୍ୟସାଚୀ
ରସୁଲପୁର,୭।୧(ରଂଜିତ ରାଉତ): ୧୭ବର୍ଷରୁ କମ୍ ବର୍ଗର ଓଡ଼ିଶା କବାଡି ଦଳରେ ଯାଜପୁର ଜିଲାରୁ ସବ୍ୟସାଚ୍ଚୀ ମହାନ୍ତି ଏକମାତ୍ର ଖେଳାଳି ଭାବରେ ଭାଗ ନେବାର ସୌଭାଗ୍ୟ ଅର୍ଜନ କରିଛନ୍ତି। ସେ ରାଜ୍ୟରୁ ଚୟନ ହୋଇଥିବା ୧୨ଜଣିଆ ଖେଳାଳିଙ୍କ ସହ ତେଲଙ୍ଗାନ ରାଜ୍ୟଗସ୍ତରେ ଅଛନ୍ତି। ଚଳିତମାସ ୭ରୁ୧୧ ତାରିଖ ପର୍ଯ୍ୟନ୍ତ ତେଲେଙ୍ଗାନା ରାଜ୍ୟର କାମାରେଡ୍ଡି ଷ୍ଟାଡିଅମଠାରେ ୬୭ତମ ଜାତୀୟ କବାଡ଼ି ପ୍ରତିଯୋଗିତା ଅନୁଷ୍ଠିତ ହେବ। ଓଡ଼ିଶା ଦଳରେ ସବ୍ୟସାଚ୍ଚୀ ଜଣେ ଭଲ ରିଡର ଭାବରେ ସ୍ଥାନ ପାଇଛନ୍ତି। ସେ ଜାତୀୟ […] The post ୧୭ ବର୍ଷରୁ କମ୍ ଓଡ଼ିଶା କବାଡ଼ି ଦଳରେ ସବ୍ୟସାଚୀ appeared first on Dharitri Odia News.
ରସୁଲପୁର,୭।୧(ରଂଜିତ ରାଉତ): ୧୭ବର୍ଷରୁ କମ୍ ବର୍ଗର ଓଡ଼ିଶା କବାଡି ଦଳରେ ଯାଜପୁର ଜିଲାରୁ ସବ୍ୟସାଚ୍ଚୀ ମହାନ୍ତି ଏକମାତ୍ର ଖେଳାଳି ଭାବରେ ଭାଗ ନେବାର ସୌଭାଗ୍ୟ ଅର୍ଜନ କରିଛନ୍ତି। ସେ ରାଜ୍ୟରୁ ଚୟନ ହୋଇଥିବା ୧୨ଜଣିଆ ଖେଳାଳିଙ୍କ ସହ ତେଲଙ୍ଗାନ ରାଜ୍ୟଗସ୍ତରେ ଅଛନ୍ତି। ଚଳିତମାସ ୭ରୁ୧୧ ତାରିଖ ପର୍ଯ୍ୟନ୍ତ ତେଲେଙ୍ଗାନା ରାଜ୍ୟର କାମାରେଡ୍ଡି ଷ୍ଟାଡିଅମଠାରେ ୬୭ତମ ଜାତୀୟ କବାଡ଼ି ପ୍ରତିଯୋଗିତା ଅନୁଷ୍ଠିତ ହେବ। ଓଡ଼ିଶା ଦଳରେ ସବ୍ୟସାଚ୍ଚୀ ଜଣେ ଭଲ ରିଡର ଭାବରେ ସ୍ଥାନ ପାଇଛନ୍ତି। ସେ ଜାତୀୟ ପ୍ରତିଯୋଗିତାରେ ଉନ୍ନତ ଖେଳ ପ୍ରଦର୍ଶନ କରିବାକୁ ଆଶାବାଦୀ ଅଛନ୍ତି। ତାଙ୍କ ସଫଳତା ମା’ ଭାରତୀ ମହାନ୍ତି ଓ ବାପା ରସୁଲପୁର ବ୍ଲକ ଭାରପ୍ରାପ୍ତ ଗ୍ରାମପଞ୍ଚାୟତ ସମ୍ପ୍ରସାରଣ ଅଧିକାରୀ ସୁଧୀର ମହାନ୍ତିଙ୍କ ଆଶୀର୍ବାଦ, କ୍ରୀଡ଼ା ଶିକ୍ଷକ ସୁରେଶ ପରିଡ଼ା ଓ ଜିଲା କବାଡି ଆସୋସିଏଶନର ପ୍ରଶିକ୍ଷକଙ୍କ ସହଯୋଗ ଯୋଗୁ ସମ୍ଭବ ହୋଇପାରିଛି ବୋଲି ସେ ପ୍ରକାଶ କରିଛନ୍ତି।
ରସୁଲପୁର ବ୍ଲକ ଅନ୍ତର୍ଗତ ଗନ୍ଧଣ ପଞ୍ଚାୟତ ଦ୍ୱୀପାଞ୍ଚଳ ହାଇସ୍କୁଲର ମେଧାବୀ ଛାତ୍ର ସବ୍ୟସାଚ୍ଚୀ ଦଶମ ଶ୍ରେଣୀରେ ଅଧ୍ୟୟନରତ ଅଛନ୍ତି। ସେ ଭଲ ପାଠପଢିବା ସହ କବାଡ଼ି ଖେଳିବାକୁ ଭଲ ପାଆନ୍ତି। କିଛିବର୍ଷ ହେଲା ବିଦ୍ୟାଳୟସ୍ତରର ବିଭିନ୍ନ ଜିଲା ଓ ରାଜ୍ୟସ୍ତରର କବାଡ଼ି ପ୍ରତିଯୋଗିତାରେ ଅଂଶଗ୍ରହଣ କରି ସଫଳତା ଅର୍ଜନ କରିଆସୁଛନ୍ତି। ତାଙ୍କର ଖେଳରେ ଦକ୍ଷତା ଯୋଗୁ ଜିଲାର ଜୁନିୟର କବାଡ଼ି ଦଳରେ ସାମିଲ ହୋଇ ଅନେକ ଓପନ ଟୁର୍ନାମେଣ୍ଟ୍ ଖେଳିବାର ଅଭିଜ୍ଞତା ହାସଲ କରିଛନ୍ତି। ପ୍ରୋ-କବାଡ଼ି ଖେଳ ତାଙ୍କୁ ବିଶେଷ ପ୍ରଭାବିତ କରିଛି। ସେ ଭବିଷ୍ୟରେ ସେହିଭଳି ଉଚ୍ଚମାନର ପ୍ରତିଯୋଗିତାରେ ଖେଳିବାକୁ ଲକ୍ଷ୍ୟ ରଖିଛନ୍ତି। ଏଥିପାଇଁ ଦେଶର ଯେକୌଣସି କବାଡ଼ି ପ୍ରଶିକ୍ଷଣ ଶିବିରରେ ତାଲିମ ନେବାକୁ ଇଚ୍ଛା ରଖିଛନ୍ତି। ଜିଲା ପ୍ରଶାସନ ପକ୍ଷରୁ ତାଙ୍କୁ ପ୍ରଶିକ୍ଷଣ ଶିବିରରେ ଭର୍ତ୍ତି କରାଇବାର ସୁଯୋଗ ସୃଷ୍ଟି କରାଯାଇ ପାରିଲେ ସେ ଲକ୍ଷ୍ୟସ୍ଥଳରେ ପହଞ୍ଚତ୍ବା ସମ୍ଭବ ହୋଇପାରିବ ବୋଲି ମତ ରଖିଛନ୍ତି।
ରାଜ୍ୟସ୍ତରର ପ୍ରତିଯୋଗିତା ୨୦୨୩ ଅକ୍ଟୋବର ୧୬ରୁ ୧୮ ପର୍ଯ୍ୟନ୍ତ ଗଞ୍ଜାମ ଜିଲାର ବ୍ରହ୍ମପୁର ସରକାରୀ କୁଇନ୍ ଅଫ ଦି ମିଶନ ଉଚ୍ଚ ବିଦ୍ୟାଳୟ ଖେଳ ପଡିଆରେ ଅନୁଷ୍ଠିତ ହୋଇଥିଲା। ଉକ୍ତ ପ୍ରତିଯୋଗିତାରେ ସବ୍ୟସାଚ୍ଚୀ ଯାଜପୁର ଜିଲା ସ୍କୁଲ କବାଡି ଦଳରେ ଭଲ ପ୍ରଦର୍ଶନକରି ଚୟନ କର୍ତ୍ତଙ୍କ ଦୃଷ୍ଟି ଆକର୍ଷଣ କରିପାରିଥିଲେ। ବିଭିନ୍ନ ଜିଲାରୁ ରାଜ୍ୟ ପ୍ରତିଯୋଗିତାରେ ଅଂଶଗ୍ରହଣ କରିଥିବା ଦଳ ମଧ୍ୟରୁ ୩୦ରୁ ଊର୍ଦ୍ଧ୍ୱ ଖେଳାଳିଙ୍କୁ ଚୟନ କରାଯାଇଥିଲା। ପରେ ପୁରୀ ଜିଲା ସ୍କୁଲ ଖେଳ ପଡିଆରେ ଜାତୀୟ ପ୍ରତିଯୋଗିତା ପାଇଁ ଶ୍ରେଷ୍ଠ ୧୨ ଖେଳାଳିଙ୍କୁ ଚୟନ କରାଯାଇ କୋଚିଂ ପ୍ରଦାନ କରାଯାଇଥିଲା। କୋଚ ଶିଶିର ମାଝି ଓ ମ୍ୟାନେଜର ତାରାପଦ ସେଠୀଙ୍କ ନେତୃତ୍ୱରେ ଓଡ଼ିଶା ଦଳ ଜାତୀୟ ପ୍ରତିଯୋଗିତାରେ ଯୋଗଦେବାକୁ ତେଲେଙ୍ଗାନା ଅଭିମୁଖେ ଯାତ୍ରା କରିଛି।
The post ୧୭ ବର୍ଷରୁ କମ୍ ଓଡ଼ିଶା କବାଡ଼ି ଦଳରେ ସବ୍ୟସାଚୀ appeared first on Dharitri Odia News.
