୧୫ ଜୁଲାଇରୁ YouTubeର ବଦଳିଯିବ ନିୟମ: ଏହିି ବିଷୟବସ୍ତୁ ଉପରେ ମିଳିବନି ଟଙ୍କା

ନୂଆଦିଲ୍ଳୀ,୧୨।୭: YouTube ବହୁତ ଦିନ ଧରି ଏକ ଗମ୍ଭୀର ସମସ୍ୟା ଦେଇ ଗତି କରୁଛି। AI ସାହାଯ୍ୟରେ ତିଆରି ଖରାପ ଏବଂ ସ୍ପାମ ଭିଡିଓ ଏବେ YouTubeରେ ଗଦାଗଦା ଦେଖିବାକୁ ମିଳୁଛି। ଏହି ଭିଡିଓଗୁଡ଼ିକ କେବଳ ପ୍ଲାଟଫର୍ମର ଗୁଣବତ୍ତା ହ୍ରାସ କରୁନାହିଁ, ବରଂ ସଚ୍ଚୋଟ ଭାବରେ କାମ କରୁଥିବା ୟ୍ୟୁଟ୍ୟୁବର୍‌ଙ୍କ ରୋଜଗାରକୁ ମଧ୍ୟ ପ୍ରଭାବିତ କରୁଛି। ଏବେ YouTube ଏପରି ବିଷୟବସ୍ତୁ ଉପରେ କଠୋରତା ଦେଖାଇବାକୁ ନିଷ୍ପତ୍ତି ନେଇଛି।

୧୫ ଜୁଲାଇ, ୨୦୨୫ ଠାରୁ,  YouTube ପାର୍ଟନର୍‌ ପ୍ରୋଗ୍ରାମ (YPP) ପରିବର୍ତ୍ତନ କରି ନୂତନ ନିୟମ ଲାଗୁ କରିବାକୁ ଯାଉଛି। ଏହି ଅପଡେଟର ଉଦ୍ଦେଶ୍ୟ ହେଉଛି ନକଲି ଏବଂ ସହଜ ବିଷୟବସ୍ତୁକୁ ମନିଟାଇଜେଶନରୁ ବାଦ ଦେବା। YouTube କହିଛି ଯେ

ଜେନେରେଟିଭ AI ଟୁଲ୍ସର ବର୍ଦ୍ଧିତ ବ୍ୟବହାର YouTube ରେ AI Slop ନାମକ ଏକ ନୂତନ ସମସ୍ୟା ସୃଷ୍ଟି କରିଛି। କେବଳ AI ଭଏସ ଓଭର, ଷ୍ଟକ ଫୁଟେଜ କିମ୍ବା ପୂର୍ବରୁ ଥିବା କ୍ଲିପ ବ୍ୟବହାର କରୁଥିବା ଭିଡିଓଗୁଡ଼ିକ ଦ୍ରୁତ ଗତିରେ ବ୍ୟାପିବାରେ ଲାଗିଛି। ଯଦିଓ ଏହି ଭିଡିଓଗୁଡ଼ିକ ମଧ୍ୟରୁ କିଛି ଲକ୍ଷ ଲକ୍ଷ ଭ୍ୟୁ ପାଇଛନ୍ତି, କିନ୍ତୁ ସେମାନଙ୍କର ମୌଳିକତା ନାହିଁ କିମ୍ବା ମାନବ ସୃଜନଶୀଳତା ନାହିଁ। YouTube ଏବେ ଏହି ଭିଡିଓଗୁଡ଼ିକ ଉପରେ ଯାଞ୍ଚ କରିବାକୁ ଯାଉଛି।

ଅନେକ ୟ୍ୟୁଟ୍ୟୁବର୍‌ ଭୟ କରୁଛନ୍ତି ଯେ ଏହି ନିୟମଗୁଡ଼ିକ ସେମାନଙ୍କ ଭିଡିଓର ଆୟକୁ ପ୍ରଭାବିତ କରିବ, କିନ୍ତୁ YouTubeର ଯୋଗାଯୋଗ ମୁଖ୍ୟ ରେନେ ରିଚି କହିଛନ୍ତି, ଏହା କେବଳ ଏକ ଛୋଟ ଏବଂ ସ୍ପଷ୍ଟ ପରିବର୍ତ୍ତନ ଯାହା ଦାରା ନିୟମଗୁଡ଼ିକୁ ଅଧିକ ସ୍ପଷ୍ଟ ଭାବରେ କାର୍ଯ୍ୟକାରୀ କରାଯାଇପାରିବ। ସେ ଏହା ମଧ୍ୟ ସ୍ପଷ୍ଟ କରିଥିଲେ ଯେ ଏହା ପ୍ରତିକ୍ରିୟା ଭିଡିଓ କିମ୍ବା ପରିବର୍ତ୍ତନକାରୀ ବିଷୟବସ୍ତୁକୁ ପ୍ରଭାବିତ କରିବ ନାହିଁ।

The post ୧୫ ଜୁଲାଇରୁ YouTubeର ବଦଳିଯିବ ନିୟମ: ଏହିି ବିଷୟବସ୍ତୁ ଉପରେ ମିଳିବନି ଟଙ୍କା appeared first on Dharitri Odia News.